عنوان الموضوع : ام زوجي مجابة
مقدم من طرف منتديات نساء الجزائر

ام زوجي



السلام عليكم
بدخل بالموضوع على طول
أنا من اشتري شي او زوجي ياخذلي شي
ام زوجي تقول مو مهم الذهب والملابس ووو وايش الفايدة منهم واحنا بنموت
وكل شي موجود بالجنة

حتى زوجي لو فكر يشتري غرفة نوم او شقة اكبر

تقول إِيش فايدة غرف النوم والبيوت الكبيرة الجنة فيها كل شي
وأنتو المفروض يكون لكم شقة غرفة وحمام بس


لما أكون لابسة ذهب وتكون جالسة عندي تسألني هاذي شريتيها ب 7000 صح
أقول لها آيه
وتجلس تسولف بأشياء ثانية
ومرة ثانية تعيد السؤال هاذي شريتيها ب 7000 صح

ورب المصحف تكرر السؤال يمكن خمس مرات

وطبعاً أنا زوجي يعطيني مصروف محدد
ويعطي أهله نص راتبه

وأمه كل يوم تسألني كم بقى عنده
وين رحتو
إِيش اخذتو
كم بقى الحين

كم في الصرافة

حتى مرة قلت لها اسألي ولدك لأني مو جالسة اتابع صرافته

وانا اروح دورة في معهد
تقول لي أنا لما كنت اروح المعهد انزل اطلع برى الشارع قبل ما يوصلني الباص بساعة وحدة وافرح بالشارع

ولما تبي زوجي يسفرها جدة او مكان وانا ابي اجلس بالشقة
زوجي يقول اذا ما بتسافرين وبتجلسي بالشقة انا مو مسافر

أمه تجي تهاوشني تقول روحي بيت اهلك

لما بطلع مع زوجي تجي معانا وتركب قدام بالسيارة قلت عادي بحسبها نفس ماما

ومرة كنا بنطلع مع زوجة اخوه كل واحد بسيارته ونروح الحديقة مع بعض
قلت لزوجي دام اخوك جاي عشان نمشي ورآه بالسيارة
اخوك دام سيارته كبيرة خلي أمك تركب معاه

قال لي لا ما أزعل أمي وارضيك

قلت حقه انت تقول حتى زوجة اخوك تحترم أمك وتخليها تركب قدام وين المشكلة

قلت حقه ما قلت لك زعلها بس أمك تشتكي ان المكيف بسيارتك من ورى ضعيف وانا لما اركب بالسيارة ورى أبرد من قدام واثلج
وسيارة اخوك كبيرة وأوسع


قال لي لا والله ما ازعلها عشان رضاك


ومرة صارت طلعة مع زوجة اخوه في سيارة اخوه ماشوفها تحشر روحها ولا تركب قدام

وحتى رحت شقة اخوه مع أمه مرة أشوفها تطالع زوجة اخوه وساكتة ما اتوقع تقدر تتكلم حقها اي كلمة او تهاوشها

بس اشوفها تطالعها نظرة خوف منها اتوقع

حتى مرة زوجة اخوه الثاني زارت أمه وكانت أمه تسألها كم راتب زوجك الحين
زوجة اخوه تقول والله مدري لكن الله يزيدو
ههههههههههههههههههه

حتى تصير بيني وبين زوجي مشكلة أمه تجي تقول إِيش صاير و تقول ما بكرر الغلط

وهي سوت نفسها مسوية خير
وبسبب هالكذب الي كذبته ما بكرر يرجع يكرر الغلط
ولما اروح أقول لها عن الي تدخلت فيه بالموضوع وان هي كلمتها ما بكرر

وقتها تقول لي أنا ما أتدخل لا في الخير ولا في الشر


ومرة قاعدة تقول لي أنا رحت عند اختي وزوجها أخذني عند البحر ويقولي أنا احبك وانا اموت فيك


ومرة عند زوجة اخوه تقول أنا على طول يتصل فيني رقم ما اعرف مين وعلى طول اشوفه بجوالي
قلت لها يمكن يحبك
قعدت زوجة اخوه تضحك
وهي معصبة

وعلى طول تقول لزوجي في بنات يبو الرجال بس
وتزوج عليها
هاذي ما منها فايدة
في بنات مهرهم 5000 ريال بس
وما يقولو يبو غرفة نوم ولا شي
في سوريات مهرهم رخيص

قلت لها آيه ما يبو مهر ولا شي لكن بعدين شوفي لما يتزوجو إِيش راح يطلبو

لما زوجي يسبني او شي تجلس تضحك <الجحشة قاهرتني



هاذي تراها مو هينة حتى في النوم بالاحلام تطل علي



ومرة كنت لأبسة قصير وهي قاعدة تطالع رجلي
تقول لي غسلتيها بكلوركس
قلت لها لا
تقول لي اجل بتايد

قلت لها ما اتروش بهالأشياء ليه إنتي تتروشين بتايد؟


وعلى طول تسألني كيف يصير شعري كثيف زيك
إِيش الي يطول الشعر؟
إِيش تستخدمي لشعرك؟
إنتي تصبغي شعرك عسلي؟

إِيش تحطي بوجهك هو ابيض كذا

زوجة اخوه تحط بودرة يصير وجهها ابيض مره

احسها على طول تناظر فيني بنظرات
صرت كل يوم اقرأ على نفسي الأذكار والمعوذات


وعلى طول لما تشوف زوجي أخذ شي لنا
تقول هذا حلو يقول لها ما يغلى عليك
تقول له والله اجل اعطيني اياه

تأخذ اشيائنا حتى لما تزور الشقة وتقول شي عجبها تشيله معاها

ما تكتفي بعد مرة جت وشالت الكراسي معاها ههههههههه

وزوجي يعطيهم نص راتبه مو مقصر معاها
تقول بعد تبي فلوس خلته يبيع لي الغسالة وأخذت فلوسها

خلصت الأشياء صارت الشقة فاضية


بس غريبة ماشوفها تسوي حركاتها هاذي مع زوجات اخوانه
شققهم كبيرة و6 غرف وصالة وحوش ماشاء الله
ولا عمرها تكلمت قالت انتو لازم تكتفو بكذا
ولا اي شي

ماشوف حركاتها هاذي الا معي

>>>>> ردود الأعضـــــــــــــــــــاء على الموضوع <<<<<
==================================


خليها تسأل وتقول اللي تقوله ... الكلام ببلاش
عاملي ام ريلج مثل ما تحبي ريلج يعامل أمج
و انا مب وياج في موقف السيارة يوم انج طلبتي من ريلج يقول لعمتج تروح في سيارة اخو ريلج
هي اللي تقرر مع منو تروح ولا تدخلي فيها
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

اعوذ بالله من الشرف النفوس

هذي مثل امك مايصير تتكلمي عليها كذا

عامليها بما يرضي الله


__________________________________________________ __________

المشاركة الأصلية كتبت بواسطة غرام طفلة
خليها تسأل وتقول اللي تقوله ... الكلام ببلاش
عاملي ام ريلج مثل ما تحبي ريلج يعامل أمج
و انا مب وياج في موقف السيارة يوم انج طلبتي من ريلج يقول لعمتج تروح في سيارة اخو ريلج
هي اللي تقرر مع منو تروح ولا تدخلي فيها
موفقة

استغفر الله العظيم الذي لا إله إلا هو الحي القيوم و أتوب إليه



__________________________________________________ __________

حبيبتي وين المشكلة هذه مو مشكلة هذه مجرد احداث تحدث في كل بيت
وبعدين انت كيف تسمحي لنفسك تقولي عليهات جحشة والله حرام عليكي يعني انت متزوجت بحمار سامحيني على هذا اللفظ بس انت لما تقولي على ام زوجك جحشة يعني هو ايه


__________________________________________________ __________

مو بس هية تلموها بعد ام زوجها لية تتدخل فكل حاجة

لية تغار مو هية زوجة ابنها

اهم حاجة اختي طنشيها وامة واجب عليك تحترميها
واذا اخذت حاجة معلش هذا من بيت ابنها
واذا اسلوبها مو عاجبك ناقشي زوجي
الله يعينك