بنت الخدامه -لصحتك
عنوان الموضوع : بنت الخدامه -لصحتك
مقدم من طرف منتديات نساء الجزائر
بنت الخدامه
عمري 20 سنه من البحرين ابوي وامي من الهند
ابوي لما كان عمره19 سنه امي كانت تشتغل عندهم وعاند الكل الا يبيها لانه يبي يستر نفسه و امي تعذبت من اهل ابوي وضربهم ويبون يطردونها لكن كان يهددهم الوالد الله يطول بعمره بانه يتركهم ويتزوجها ويسافر الهند
هو ماسوى شي غلط وما كان متزوج عشان يقولون ساحرته او اخذته على زوجه ثانيه
هو اخذها على سنه الله ورسوله وامي مسلمه و جميله لكن سمرا
انا لما كنت صغيره ما كنت افهم نضرات اهل ابوي لي و كنت بريئه للحد اللي اتلصق فيهم وهم مايبوني
و الحين كبرت و ماصرت ازورهم كثير لكن وقت اللي ازورهم بدون امي طبعا لانهم مايبونها
يعاملوني معامله الزباله ومايحترموني
وولد عمي دخل علي مره بدون حجاب وقامو يضحكون ويقولون الا بنت الخدامه !!
ماكنت اخبر ابوي خوفا من ان تنقطع علاقتنا بهم و لكن بعد هالحادثه كلمته و صار يهددهم بالوظائف اللي بشركته وهم صارو يحقدون اكثر و لانه داري بمكرهم سجل البيت باسم امي
وهني صرنا اعداء لهم حتى بنت عمتي اللي هي معاي بالمدرسه وصديقتي ماصارت تمشي وياي وتناضرني من فوق لتحت و صارو صديقاتها يعايروني وانا ساكته و احيانا الاداريه تمسكهم و تزفهم وانا ماكنت اقول شي بس اقول حبنا الله وحده نعم الوكيل
انا تخرجت من المدرسه ودخلت الجامعه و بنت عمتي كان لها زميل بالسكشن الا هو زوجي و كانت تتقرب منه لكن هو خطبني عن طريق اخته اللي الحمدلله اكبر عطيه من ربي انها كانت صديقتي وتزوجته و الحين لنا سنه متزوجين و مازالت بنت عمتي تبي تخرب علاقتنا و امها اللي هي عمتي اخت ابوي تقعد مع ام زوجي وتبي تشوشها ضدي لكن الحمدلله ما تسمع لها لكن احيانا ما ادري بقصد او بدونه تقعد تسألني عن امي اسئله وانا اجاوبها واغير الموضوع مو لاني استحي من امي بالعكس هذي امي وجنتي وناري و اشرف من اللي يتكلم عنها الحمدلله صلاه و صوم و قيام بالليل و افتخر انها امي لكن طريقه الاسئله اللي تجي من سؤال لسؤؤال ام زوجي تستخدمها و اخاف بكرا تقدر عليها عمتي وتقلبها ضدي
>>>>> ردود الأعضـــــــــــــــــــاء على الموضوع <<<<<
==================================
وليشششش كا هل عوار رأس ؟
ليش ما تتركين كل شئ على خالق
أن شاء الله ربي ينتقم منهم إذ كان يبون ياذونك
وبالتوفيق
__________________________________________________ __________
مادري وين حياء الناس ،، !
قولي لابوك يكلم اخته يوقفها وش قلة الحياء ذي ،،!
خلاص مافي خوف من رب ذمة ضمير ،،!!
خليك مع ام زوجك سمن على عسل وعمتك وبنتها اعلى مافي خيلهم يركبونه !
لانهم معليش مزودينها ،، كنت بقولك زمان خلاص راحاتركيهم بس للان لا كلمي ابوك والله ،، وحاولي ما تسوو مشاكل بقدر الامكان ،، وعلى زمان سامحي لان الله يحب اللي يسامح وكمان وقفيهم عند حدهم ذي المرة ،، والله يعين
__________________________________________________ __________
حبيبتي دامهم كذا ابتعدي عنهم انتي اللي سويتي اللي عليكي قدر الامكان وهم يتمسخرون وهذا لايجوز شرعا .. محد احسن من احد كلنا عباد الله... ثم كلمي ابوك خلي يوقف اخته عند حدها لاعاد تخربلك بيتك وقتها متفيدج الندم وديري بالج على زوجج. ولاتخالطي اقربائك زايد ولاتسكتي وهم يتمسخرون. اكثري الاستغفار
__________________________________________________ __________
إبتعدي عنهم وكرري حسبي الله ونعم الوكيل ، اللهم من أرآد بي سوء فأجعل كيده في نحره
ووكلي أمركِ لله تَعآلى ولن يردكِ خآئبـه ..
موفقه يآرب ")
__________________________________________________ __________
حسبي الله عليهم ..،
وش العآلم هآذي كلنا بشر
ولا فرق بين عربي واعجمي الا بالتقوى..،
نصيحتي انك تطنشيهم ولا تسمعي لهم ..
الله يخلي لكك امگ ويحفظها لك احسهم غيرانين ..،
الله ياخذ حقك منهم
دعواتي لك ../
رد مع اقتباس
