عنوان الموضوع : زوجي وأطفالي ودراستي ابي رايكم»»
مقدم من طرف منتديات نساء الجزائر

زوجي وأطفالي ودراستي ابي رايكم»»



السلام عليكم ورحمة الله وبركاته
اخواتي انا بقولكم عن شي شاغلني وهامني وحتى في نومي كل كوابيس
انا تزوجت بسن صغير وجبت بنتي وانا بأول ثانوي عمري كان16
وفي ثالث ثانوي جبت ولدي الله يحفضهم
المهم اني خلصت الثانوي بتعب وجهد كبير
تعب الحمل والاختبارات الشبه يوميه والحمد لله تخرجت بمعدل عالي طبعا كل هذا بفضل امي كانت متكفله بأطفالي تهتم فيهم لين رجعتي من المدرسه وآخذهم منها وارجع شقتي
المهم انقبلت بالجامعه وكان حلم بالنسبه لي وخلصت السمستر التحضيري بكلية العلوم وتفاجأت بأن حطوني بتخصص ماأبغاه وهو (الفيزياء) المشكله اني ما أستوعب الفيزياء ولا اطيقه رحت للمسؤولين في الكليه الوكيله والعميده ومسؤولة القسم وماحد فادني بشي
قالولي ادرسي وجيبي معدل وانقلي للتخصص اللي تبغيه في هالفتره كنت استخدم حبوب منع حمل وماخذه احتياطي وانصدم بمراجعه للمستشفى اني حامل وبالشهر3 نفسيتي كانت منهاره جدا لكن توجهت لربي ورحت للكليه وجيت وانا متجاهله موضوع الحمل حتى مواعيد ما اروح بانتظام
حاولت وبذلت مجهود كبيرفي دراستي وجبت معدل زين3وربع وقدمت على تغيير تخصص لكن رفضوا الطلب بحجة ان المعدل وقف عند3ونص سويت خطاب مضمونه اني ما اقدر اواصل بتخصص الفيزياء وابي اغيره للاحياء وقدمته لهم وماتغير شي اجلت سمستر لظروف الولاده
والان انا ادرس هالسمستر بثلاث مواد فيزياء صعبه ومو ضامنه النجاح دخلت الاختبار الشهري حليت سؤالين بس والباقي كله خرابيط
ومع هذا امي تعبت من اطفالي بنتي الان بالروضه وامي عندها الاولاد وصارت تتذمر وتشتكي واضطريت للغياب اكثر من مره عشان امي ترسل بالواتس بكره الصبح بطلع لاتجيبينهم
او عندي موعد اسنان لاتجيبينهم
او تعبانه لاتجيبينهم
وكثرت غياباتي اقترحت على زوجي موضوع الحضانه رفض وقالي ماراح اتطمن على عيالي وهم عند ناس غرب وغير كذا مايبي يدفع للحضانه

انا بين خيارين يا اني اواصل بقسم الفيزياء واخذ انذارات وانطرد من الجامعه لان الوضع اللي انا فيه وضع رسوب مخي مافيه ولا معلومه ماعدا اشياء بسيطه عرفتها بمجود كبير
او اني اترك الدراسه واجلس مع اطفالي
لكن كلما قرأت عن ندم الاغلبيه لانهم تركوا دراستهم اخاف واتردد وبنفس الوقت اقول
لو اني ماشيه زين بدراستي مستحيل افكر اتركها لكن انا مو ماشيه فيها
ومجبره ادرس شي ما ارغب فيه ولا اقدر اعدي فيه
هل فيه وسيله لتغيير التخصص علما بأني بكليه العلوم بجامعة الدمام
شلون احل مشكلة اطفالي انا بصراحه منحرجه من امي احس انها مغصوبه تتحملهم وتصرفاتها تدل انها ماتبيهم
وش الحل ؟!
اتمنى تحطون انفسكم مكاني وتجاوبوني؟

>>>>> ردود الأعضـــــــــــــــــــاء على الموضوع <<<<<
==================================


اعرف ترك دراسة صعب
لكن مو أصعب علي من إهمالي لأطفالي
هذا كان رأي لاني حطيت نفسي بمكانك
وبالتوفيق


__________________________________________________ __________

لما يكبروا أطفالك ويدخلو مدرسة كملي دراسه
اهتمي حاليا باطفالك


__________________________________________________ __________

خلاص حطي عيالك عند اخت زوجك ولاحماتك
بما انه مايبغاكي تدخليهم بحضانه
دا مستقبلك وانتي تعبتي تقومي دحين توقفي


__________________________________________________ __________

طيب طلبي من ام زوجج تهتم فيهم
او فعلا شوفي حماتج


__________________________________________________ __________

الله يعينج