عنوان الموضوع : زوجي يبي يتزوج بنت معوقة
مقدم من طرف منتديات نساء الجزائر

زوجي يبي يتزوج بنت معوقة



السلام عليكم اخواتي العزيزات

مشكلتي مبين من عنوانه وراح اسرد القصة باختصار

طبعا زوجي كان جارها لهذا البنت والبنت هذي عندها اعاقة خلع الرجلين يعني تمشي {فلخ} عرجة وكانت تعيش مع والديها ووالدها كبير في السن وكان زوجي
دائما يترحمهم ويستعطف فيهم يساعدهم ويعاونهم ويخدمهم يعني يجيبلهم أغراض البيت ويوصلهم مشاوير مستشفى او اماكن ثانية الى ان تزوجني وانتقلنا منطقة ثانية ولكن زوجي ضل يتواصل معهم بين فترة وفترة يزورهم ويسأل عنهم ما نساهم، بعد ذلك توفى والد البنت
الله يرحمه ومحد تبقى غيرها وامها

وبعد سنوات فاجأني زوجي سيرة الزواج يقول لي عندك مانع في التعدد وابغي اتزوج هذك البنت انصدمت بالخبر طبعا رفضت وقمت انا عصبت واصرخ فيه وقلت له انا ايش مقصرة فيك وليش تبي تتزوج علي واذا تزوجت راح أتركك انت واولادك اروح بيت اهلي وما راح اطلب غير الطلاق.

قالي يا بنت الحلال لا تكبريها أنا بصراحة ما ودي أتزوج عليك!!
قلت له كيف يعني؟
عطاني جواله وقالي اقري المسج هي ارسلت لي
وشف رسالتها ومضمون الكلام الي تقول لزوجي وهي تبكي تقول محد بقى عندي غير امي بعد طولة العمر وانا كبرت فالعمر ومحد خطبني بسبب اعاقتي وابيك تكسب فيني أجر انا ما ودي غير انجب طفل أو طفلين يراعيني ويبر فيني لما أكبر وكلام كثير.

انا بصراحة تأثرت من كلامها وزجي عطاني الخيار بموافقتي طبعا ولكن ان مو راضية وغير متقبلة بالمرة انه يتزوج علي انا أحبه كثير وما أتخيل أحد يشاركني فيه كيف عاد كيف يكون الموافقة من طرفي أنا
أموت ولا أشوف زوجي عند حد ثاني مهما كان.

الحين ابي رايكم هل الي سويتها صح وهل قسيت عليها مع أني انا متعاطف معها
بس طلبها عندي انا شبه مستحيل اوافق.

>>>>> ردود الأعضـــــــــــــــــــاء على الموضوع <<<<<
==================================


ما اقدر اجاوبك موقف صعب
لكن راح تكسبين فيها اجر


__________________________________________________ __________

تقدرون تكسبون اجرها وتجيبون لها عريس كويس ومناسب لها
واذا هي تمشي وتقدر تقوم بحياتها الطبيعية ماتعتبر معاقة
حاولي تبحثين لها عن عريس من طرفك وزوجك بعد يبحث لها ولكم اجر


__________________________________________________ __________

خلي ريلج يدور حد من اصحابه رجال مب متزوج ممكن يتزوجها ويستر عليها
بس اهم شي انه يكون رجال بيخاف الله فيها وفي امها
ولكم الاجر ان شاء الله
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

حبيبتي انتي مومجبوره توافقين
ابسط حل خلي زوجك يخطب لها واحد معاق اعاقه خفيفه بكذا يكسب اجرهم
ويوفق راسين بالحلال بلاش تهدمي بيت وتعيشين مقهوره
هي ماتبي الاالاطفال وستر ومافي احسن من هذا الحل ونصيحه مني استغفري ع طول الله ينهي هالموضوع ع خير ويرضي كل الاطراف


__________________________________________________ __________

المشاركة الأصلية كتبت بواسطة غرام طفلة
خلي ريلج يدور حد من اصحابه رجال مب متزوج ممكن يتزوجها ويستر عليها
بس اهم شي انه يكون رجال بيخاف الله فيها وفي امها
ولكم الاجر ان شاء الله
موفقة

استغفر الله العظيم الذي لا إله إلا هو الحي القيوم و أتوب إليه