عنوان الموضوع : صرت الحين المتسلطه و القويه -لصحتك
مقدم من طرف منتديات نساء الجزائر

صرت الحين المتسلطه و القويه



السسلام عليكم يا بنات اخباركم

انا عمري 24 سنه من السعوديه
امي توفت و عمري 8 سنوات وابوي تزوج من وقتها يعني صار له 16 سنه تقريبا او 15
و عانيت العذاب من تحت ايد مرت ابوي و ابوي و اختي من ابوي

طبعا البيت اللي ساكنين فيه ملك امي الله يرحمها وماكنت افهم لهالامور ولما كبرت ماقدرت اشتكي على ابوي لانه يبقى ابوي

ماتتوقعون العذاب النفسي اللي لقيته بحياتي و اثار الضرب اللي للحين موجوده على جسمي

كنت اروح المدرسه في البرد بملابس الصيف و شعري مو مصفف و البنات ينفرون مني و المدرسات يشفقون على حالي ولما يعرفون بوضع ابوي المادي ينصدمون
لانه كان مقتدر بخير امي و تحت ادارته ذاك الوقت

كان ماعندي الا صديقه وحده ومن مثل حالي امها متطلقه وعايشه مع امها و تلاقي الضرب من خوالها و جدتها

تخيلوا اني اقضي طول يومي ادرس اختي و بعدها اروح اساعد الخدامه و انام من الساعه ثمان وما يمديني احل واجباتي الا القليل لانها لو سمعت لي صوت في الغرفه تضربني بالشبشب ( جوتي البيت الله يكرمكم ) و حتى الثياب اللي من الاسواق الرخيصه او حتى ملابس اخواتها وبناتهم تجيبهم لي ويحز بخاطري ذاك الوقت اشوف اختي بالعيد لابسه وكاشخه و عند بيت جدها ومعاها امها وانا قاعده بالبيت لوحدي وحاضنه صوره امي و اكلمها عن حالي و اوريها ثيابي

لو كانت امي موجوده لبستني احسن من ثيابهم و رحت لعند اهلي بجده وطلعنا من خوالي
اللي يجون لي بعد ماتوفت امي يومين في الشهر ويعوضوني عن كل الايام مع زوجه ابوي

الان توفى ابوي وكل شي صار رسمي ملك لي البيت و الشركه و البقاله و السياره و المزرعه

كل شي باسمي و ذهب امي باسمي و حتى الحسابات بالبنك صارت باسمي

قبل سنتين كنت ساكته عن الوضع و كانت الاجراءات في المحكمه عاديه لين يسجلوا كل شي باسمي
كانت مرت ابوي بتزوجني اخوها و بعدها اصير عبده له و حلالي اللي ماذقت الهنا منه ماراح احصله ابدا

ومرت الايام وما تزوجته لان عمي ماوافق على هالزواج خصوصا بعد ماصارحته و ماتغير شي ومعاملتهم مثل الشي لي و اختي آآه من كلمه اختي حتى العدو مايسويلي مثلها

الحين بعد ماتسجل الحلال باسمي صرت انسانه غير
صرت عصبيه و كل كلمه اهددهم بالطرد من البيت والله صدقوني سويت لهم مثل ما كانو يسوون وبنفس الوقت اذكر ابوي و يضيق صدري واسكت عنهم

والحين بتزوج و بسافر من زوجي للخارج بس بيتي بأجره ومادري شلون اتصرف وياهم

لا تقولون هذي اختك وامها لازم ترأفين بحالهم

هذا حلالي و هذا ملكي و بسافر مع زوجي وبنساهم
يمكن لو بطيب قلبي عليهم بشتري لهمم شقه باسمي طبعا و بسكنهم فيها

مادري شسوي قلبي يعورني على اختي و عقلي ماينسى جرايمهم

>>>>> ردود الأعضـــــــــــــــــــاء على الموضوع <<<<<
==================================


تعرفين حسيتك تشبهيني
أحيانا الإنسان لازم يكون قاسي
فعلا اشتري لهم شقة عشان يتربون لكن بإسمك
وبالتوفيق


__________________________________________________ __________

انا اقول من ترك شي لله عوضه الله خيرا منه

عامليهم كناس عاديين وعيشي حياتك وفليها وتناسي اللي فات

الله يسعدك وانا اختك

تعالي خاص وافهمك قصة اختي اللي من امي وابوي


__________________________________________________ __________

واضح ان زوجة ابوك ماراح تتأدب لانها بغت تزوجك اخوها علشان ورثك
واختك خلاص تربت على كرهك لانك من كنتي صغيره معاها وهي تشوف معاملة امها لك
فخلاص هي تكرهك هالشي دخل في راسها

انصحك ماتخلينهم يستغلونك


__________________________________________________ __________

عورتيلي قلبي
حسبي لله عليها ونعم الوكيل
لكن انتي اكسبي فيهم ثواب وشوفي لهم شقه لكن بأسمك مو بأسمهم
لاحول ولاقوة الا بالله والله شي يقهر
المفروض انك تحقريهم وماتفكرين فيهم
لكن اعملي فيهم خير تلاقيه عند رب العالمين
ولاتبغا تزوجك اخوها عشان يتسلط عليك أيش هاذي القوة الفتاكة
قولي لها يوم تسجلي البيت انتي مو كفو بس انا لجل أبوي ولجل يرتاح ضميري


__________________________________________________ __________

الحمد الله ربنا عوضك