عنوان الموضوع : مشكلتي مع اهلي مجابة
مقدم من طرف منتديات نساء الجزائر

مشكلتي مع اهلي



السلام عليكم ورحمة الله وبركاته

ابغا اعرض عليكم حياتي وقولوا لي مين غلطان انا ولا اهلي؟

انا اكبر وحده في البيت وبعدي ولد وبنت
بس اصغر مني 13 سنه يعني اخويه عمرو سنتين وأختي 5 شهور
فيعتبر اني اتربيت لوحدي !

انا دحين 16 سنه في اولى ثانوي وعارفين النظام
الجديد كرف في كرف
عندي 14 ماده ولكل ماده ملف إنجاز تقريبا عندي 10 ملفات إنجاز
وللعلم حالتنا الماديه جيده ولله الحمد ماشاء الله واضح الين هنا؟

اوك راح أبدا بمشكلتي زي ما انتو عارفين انا اتربيت لوحدي فأنا المفروض تكون امي اقرب انسانه ليا صح؟ لا طبعا انا وامي بيننا بحور قد ايش كبرها

من وانا في الابتدائي ما كانت تحاول تماشيني
علو وقت بنات مدرستي في تسريحات الشعر وفي زي كدا أشياء لا كانت ما تهتم ضيعتلي اولى متوسط في أشياء زي كدا دحين البنات ما يهمهم غير المظهر الأخلاق اخر شي للاسف

ما علينا مو هذا موضوعنا !! دحين انا ارجع من المدرسه مكروفه حيلي مهدود ابغا ارجع انسدح على الكنبه بس ولا السرير طبعا في حالتي لا طبعا
ارجع أغير والبس واصلي وأمسك اخواني ساعه ونص عبال ما يخلص الغدا
نتغدا الساعه 4 بحكم عمل ابويا بعد الغدا مافي راحه أقوم ارتب المطبخ وبعدها اصلي العصر
واروح ازاكر اخذ في وقت مزاكرتي من ساعه لساعتين عبال ما اخلص المشاريع
وبعدها أقوم اصلي المغرب واجلس على الكنبه
خلاص مو المفروض وقت راحتي ولا غلط؟
طبعا عند امي غلط انا الي عمري 16 سنه لازم أقوم اجري وانقز وافرفر في البيت عشان العب اخويه
وبعدها انشر الغسيل واسوي القهوه ابويا او شاهي
يكون وقتها الساعه 10 اكون خلاص ابغا انام مرا تعبانه ما اقدر فاسلم على اهلي وادخل انام

بامانتكم انا دحين مو ساعدت اهلي ؟
يعني حتى وقت راحه ما عندي

يقوموا يزعقوا عليا ليش ما تجلسي معانا
وليش ما تلعبي مع اخوكي طول الوقت
ليش تجلسي في غرفتك تزاكري !!

يعني انا اقطع نفسي يا اني ازاكر يا اني اجلس معاكم وإذا جلست كل كلامهم
غطا الوجه والبنت لازم تتجوز والبنت خلقت عشان تجلس في البيت والبنت من مال ابوها يتحكم فيها زي ما يبغا بالله ايش الكلام دا يسد النفس

و 24 ساعه امي وأبويا مضاربات
كرهت زواج بسببهم
ابويا ما يبغا اخواني وامي تبغي تسوي مساج وتسترخي وكلام ومشاكل تسد النفس

ولمن اطلب منهم أشياء ترفه عن نفسي ممنوعة
ودي اروح لصديقاتي ازورهم لوحدي طبعا ممنوع
قلت اقابلهم في سوق ممنوع برضو
قلت أجيبهم بيتنا ممنوع برضو حياتي كلها مشاكل
بعني الغلط مني زي ما يقولوا انا ابتلاء من الله وجاهم ؟؟؟
بالله جاوبوني مرا مخنوقه 3 سنين او اكتر انا زي كدا عايشه وهذا في أشياء ثانيه ما كتبتها

معليش تعبتكم معايا وسلامتكم.

>>>>> ردود الأعضـــــــــــــــــــاء على الموضوع <<<<<
==================================


طيب يا اختي اقعدي معهم لو نص ساعة
واشرحيلهم وضعك وانو ماعندك وقت تقعدي معهم دراسة وشغل
بس لاتقطعيهم يعني نص ساعة كل يوم متل مابقولو تثبيت وجود
لانو اغلب الاهل هيك اذا مابشوفو اولادهم مابيقعدو معهم بصيرو يعلقو وينتقدو
وانتي مشان ماتفوتي بمشاكل ظلك طلي كم طلة عليهم
وبالنسبة للزيارات مع صديقاتك كمان لاتزعلي وتعتبريها مشكله لانو الاهل ع طول مابحبو البنت تزور رفيقاتها حتى ماينحكى عليها
ويمكن اهل رفيقتك يدايقو كمان لانو بتفرق من عيلة لعيلة


__________________________________________________ __________

السلام عليكم اختى الغالية هدى اعصابك واحتسبى ما تفعليه مع اهلك طاعة لهم وحب والاجر على الله اطلبى من الله الاعانة على امور دينك ودنياك استغفرى كثير تصدقى وامك وابوك مو اخر العالم يتمشكلوا اغلبية البيوت هيك اصبرى واحتسبى حاولى تغيرى نفسك لان الله ما يغير بقوم حتى يغيروا ما بانفسهم ربى يسعدك سعادة الدارين ويسخر لكى زوجا صالحا ويقر عينك بذرية صالحة عاجلا وليس اجلا ربى يجعل مثواكى ووالديك واخوانك الفردوس الاعلى تقبلى مرورى اختى الفاضلة


__________________________________________________ __________

الله يعينك
رفع


__________________________________________________ __________

الله يعينك صدقيني من خوفهم عليك !

ادري كلامي ماراح يعجبك ولا يعجبني بس ايش تسوي !

هم كذا ما نقدر نغير احد بس ممكن نتفاهم نشرح لهم يمكن لعل وعسى ،،


__________________________________________________ __________