( فضفضه) أشعر بالنقص لعدم الزواج -لصحتك

[aksachli]

عنوان الموضوع : ( فضفضه) أشعر بالنقص لعدم الزواج -لصحتك
مقدم من طرف منتديات نساء الجزائر

( فضفضه) أشعر بالنقص لعدم الزواج



السلام عليكم و رحمة الله و بركاته
موضوعي يعتبر فضفضه أكثر من كونه مشكله لها حل، لأن الحل وحده بيد الله عز و جل ♡

أنا بنت في بداية العشرينات و تخرجي من الجامعه قريب بإذن الله
انا لحد الآن مو متزوجه ولا مخطوبه، تقدم لي عدد من الخطاب لكن ماتمت ولا وحده.. و الحمدلله على كل حال حتى يبلغ الحمد منتهاه.
أنا أكبر بنت في عايلتنا مو متزوجه، فيه كمان بنت خالتي في الثلاثينات الله يرزقها من واسع فضله و يعوضعها باللي يسعدها.
المزعج في الموضوع مو عدم الزواج نفسه لكن لأني بديت أشوف شيء من نظرات الشفقه من أقاربي و نظرات قلق في عيون أهلي
أنا مازلت صغيره! لكن لأن كل الي حولي انخطبوا أو تزوجوا و هما صغار صار شكلي أنا غريب. مع اني ولله الحمد مايعيبني شي ولا أعتبر القطار فاتني. كل مافي الموضوع انها حكمة ربي ♡
أمس سلمت على خالتي الكبيره و قالت لي في وسط المجلس (الله يقوم حظك يابنتي) و الي جالسين كانوا يقولوا آمين .. آمين الله يرزقك
حسيت بكمية ألم تعصر قلبي! الله يسعدها و يجزاهم خير كلهم، اعرف خالتي ما تقصد أذيه و قلبها أبيض لكني تمنيت لو كانت دعوه بظهر الغيب.
حسيت بنقص و كأني في مكان الكل يشفق عليا فيه
تمنيت الأرض تنشق و تبلعني ولا أنحط في هذا الموقف قدام الناس. و والله لو كان بيني و بينها عادي، لكن جرحني انه على مسمع الجميع

و الشيء المؤلم أكثر هو أمي و اختي الكبيره. ودهم أتزوج.. خايفين علي بشكل واضح لي أنا
و قاعد يألمني أنا
لأني أحس منه بعد بالنقص و اني (هم)
مو هم ودهم يتخلصون منه! هم يفكرون متى يفرحون فيه خوفاً عليه من الجلوس على مقاعد العنوسه
أمي تحرص تاخذني لكل مناسبه أو فرح و تهم في لبسي و شكلي
مستعده تدفع عشان تشتريلي أحلى فستان أحضر فيه و اي اكسسوار و مستلزمات بأي سعر و تدفع عشان اسوي شعري و مكياج عند الكوافير كل مره!
تصر انها تسوي كل هذا عشان أطلع بشكل حلو و مميز
عشان النااااااس تشوفني
عندي اختين أصغر مني و حتى هم في سن انهم ينخطبوا، لكن أمي ماتسويلهم نفس الي تسويلي. اخواتي مايفكرون أصلا في الزواج ولا همهم هذا النوع من الاهتمام ولا سبب بيننا مشاكل الحمدلله. و كل الي تسويه أمي على قول أختي الكبيره عشان ( ربي يجبر كسر قلبي ) في الي تقدمولي و ماتم الموضوع!
و لما اخواتي يطلبون فلوس من أمي تقولهم ماعندي، فيقولون لها لما حنا نطلبك مافي فلوس لكن لفساتين فلانه تطلع. و أمي تكون من جد خلصت الفلوس كلها تقريبا الي عطاها أبوي علي أنا

أنا مو مقتنعه باللي تسويه أمي و ما اشوفه صح لأن فيه نوع من المبالغه
و الموضوع كله بأمر الله، والله لو تلبسني فساتين العالم كلها و لفت بي بيت بيت عشان انخطب اذا ربي مو رايد ما راح يتم. و لما ربي يريد والله لو اني لابسه خيشه و منخشه في صندقة دجاج بيجيني العريس لحد عندي
يألمني اشوفها تسوي كذا لكني أحس انها مرتاحه .. مقتنعه انها قاعده تتخذ الأسباب. اذا هي مرتاحه و مبسوطه باللي تسويه فأنا بكون راضيه ولا أعارضها حتى لو آلمني هالشي.

أنا صرت أتمنى الزواج و أفكر فيه كثير. مابي اشوف ولا أحس بأي نظرة شفقه أو نقص أو احس اني هم و ثقل على أحد
ودي ما اخلي أمي تصرف علي بهالشكل
ودي أخلي أمي تفرح فيني صدق، الله يرزقها الفرح و السعاده والله يقدرني أبرها على حرصها و خوفها علي

و شايل هم تخرجي قريب، الحين انا شاغلتني دراستي الحمدلله لكن اذا ما توظفت على طول بكون فاضيه طول وقتي و ابدا أفكر بهالأشياء. خصوصا ان ماعندي هوايات أحبها! أميل للشغل يعني اذا زهقت أقوم انظف أغسل أكنس و لأن بيتنا فيه شغاله و مابه بزران مافيه شغل كثير يقضي طفشي حاولت أجرب اكثر من هوايه لكن شوي و أتركها و ما أكون مستمتعه فيها. فودي ربي يكرمني بزوج صالح انشغل فيه و في بيتي.
ادري مو صح نفكر كثير في الأيام الجايه و وش بيكون وضعنا فيها لأنه مرهق و بإذن الله ربي كاتب لنا أيام أحلى

الحمدلله انا مداومه على الوتر و الدعاء بأن يكتب الله مافيه خير لي و أن يرزقني الرضا و القناعه بما قسمه لي ♡
و ماقد اشتكيت لأحد غير ربي الذي ابث له حزني و همي، لكن اليوم خاطري أفضفض كمان لأحد
أسأل الله ان يرزقني و اياكم الرضا و السعادة و راحة النفس و طمئنينة القلب، إن ذلك على الله يسير ♡

أشكر الادارة على هذا القسم، عسى الله أن يعجله في موازين حسناتكم و مشكلتي اعتبرها انحلت بقراءتكم و سماع كلماتكم الطيبه
و لكل من دعا لي بظهر الغيب، أسأل الله أن يرزقها ضعف ماتمنت لي ♡
و السلام عليكم و رحمة الله و بركاته

>>>>> ردود الأعضـــــــــــــــــــاء على الموضوع <<<<<
==================================

والله حسيت عمرج فوق الخمسين من كمية اليأس تصدقي حسيته من عنوان المشكلة !!!
انا عارفة وحاسة انه بعض البشر ما يثمنون كلامهم قبل ما يقولونه ... و للاسف هالنوعية منتشرة وبشكل كبير
حبيبتي لا تحسي انج ناقصة عشان الزواج !!!
صح كل البنات يتمنون يتزوجون وييبون عيال ويكونون اسرة
لكن مب كل البنات سعيدة بزواجها وفيه منهم من تمنت انها ما تزوجت
عيشي حياتج و اسعدي نفسج بالطرق المباحة واللي شرعها رب العالمين ولا تنتظرين الزواج عشان تذوقي السعادة وتحسي فيها
الله يرزقج بالزوج اللي يسعدج جريب ياااااااا رب
موفقة

استغفر الله العظيم الذي لا إله إلا هو الحي القيوم و أتوب إليه

__________________________________________________ __________

الله يهديك وليش مستعجله ؟!!وماشاء الله انخطبتي بنات يوصلون اهر العشرينات ماحد دق بابهم ويتزوجون من احسن مايمكن
توك صغيرة واذا بنات جماعتكم يتزوجون صغار الله يسعدهم بس مالك دخل فيهم كل ورزقه ونصيبه
بيجي يوم ان شاء الله تضحكين ع كلامك وشكلك موسوسه والدعوه لايقصد بها الزواج بشكل خاص لا، تقص الحياة عموما ترا العجايز يشوفونك صغيرة بس انت تفسرين الامور غلط وتحسسين واستغفري وادعي والله يرزقك يارب

__________________________________________________ __________

حبيبتي.. حسيت بكل كلمة قلتيها والله، انا اعاني من نفس المشكلة بس باتجاه ثاني (تأخر في الحمل) واعرف يعني شنو الناس يطالعونج بنظرة شفقة وحتى الدعوة رغم انها تطلع بطيبة قلب لكنها تحز في الخاطر، واعرف الاحساس لما امج تبي تفرح فيج ويتأخر اللي يفرحها كل هذا احسه واعيشه وفاهمته والله يا اختي لكن في شي اكبر من كلام الناس واكبر من كل الم نعيشه وهو ارادة رب العالمين ومثل ما قلتي اذا الله اراد الشي بيصير دايما ذكري نفسج بهالشي وتأكدي ان الله ما يأخر رزق الا عشان يختبر صبرنا وايماننا عشان لين جانا الرزق نحس بحلاوته. الله يوفقج ويرزقج بالزوج الصالح يا رب

__________________________________________________ __________



__________________________________________________ __________

^
اختي شوفي الفديو مدته 3 دقائق
+
تفضلي هذا موضوع لي
أنا عانس لذا لاقيمة لي بالحياة

الله يوفقكك