عنوان الموضوع : اختي معي بالبيت وماتكلمني ابد ودايم تتمشكل وكارهتي
مقدم من طرف منتديات نساء الجزائر

اختي معي بالبيت وماتكلمني ابد ودايم تتمشكل وكارهتي



السلام عليكم
ابحكي لكم عن مشكلتي مع اختي واتمنى القى منكم حلول
اختي ذي اصغر مني بسبع سنوات
شخصيتها مره معقده وماهي ابد طبيعيه واضح انها تعاني
هي ماتحترمني احد وع طول مشاكل مع الكل بس انا بزياده
والسبب لاني علمت امي انها علاقه بشاب مكالمات وانا كشفته
وصارت مشكله وامي سحبت جوالها
ومن بعدها قام تكرهني وتحاول تتهاوش معي وانا مطنشه
تزوجت شخص وفسخت العقد لانه مدمن كانت باي مشكله تنعتني وتقول يا مطلقه احتسب اجري عند ربي
قعدت سنتين وتزوجت وهي بعد ملكت وبعد كتب الكتاب فسخت العقد هنا انا واسيتها بس حسيت وربي الدنيا دواره والشماته موزينه
وكنت مشغوله بحملي ومشاكل مع زوجي
كنت بمشاكل ربي عالمه بها
ولدت ولدي
وبعد مشكله معه طلبت الطلاق وكنت كارهه بيتي وكارهه وجوده معي
وانا اللحين في بيت اهلي وهي معي
كانت علاقتها زينه معي
فجاءه تحولت تهاوش وتسب وتحكم تغار بشي فظيع على اي شي
وصل فيهاا الحد تكره ولدي عمره سنه فقط
حاليا لها تقريبا ثلاثه اشهر ماتتكلم معي واذا سويت اكل واو قهوه ماتشرب منها كانها متقرفه مني
ومن الغرفه لأنني غرفتنا وحده
تعبت منها ابي حل تكون طبيعيه زي الخوات
هي حاليا مخطوبه
ودايم تردد انتي ليش مقهوره مني
واحس فيها شوفك نفس على خطبتها
والله اني ماتمنى لها الا خير
وانا جربت الزواج وعندي ولد
وأما طلاقي فهو نصيب ليش الشماته طيب
دايم احلم انها تتهاوش معي
حاولت احتك بها وافتح صفحة جديده
بس هي تتجاهلني قاصده
طفلي عمرها ماشالته ولاحبته ولا لعبته وهو طفل وش ذنبه
تمسك الاطفال وتلاعبهم وهو لا
يقهرني اذا جاء عندها طفل وش يدريه
تعبت عطوني حلول
مابي اخسرها
ومابي تكبر المشاكل
ودي اجلس بالبيت هاديه
اكون هاديه
اذا دخلت بس ساكته وماترد
وبعض الاحيان تهاوش لو ترمي كلام يعني اذا شافت شي طايح من ولدي
ع فكره هي كسوله ماتحب تشتغل
ابد يعني موحرص على النظافه لا عشان ماتسوي شي
افيدوني
واعطوني ارائكم

>>>>> ردود الأعضـــــــــــــــــــاء على الموضوع <<<<<
==================================


الله يهديها ويصلح حالها ..
بس انتي ادخلي عندها وكلميها بالموضوع قوليلها انا اختك واحبك ليه تعامليني كذا انا نفسي نكون مثل الخوات الباقيات نتكلم ونضحك قوليلها الدنيا زايله وش مزعلك مني وانا اختك ومهما كان اللي سويته غلط انك ماتكلميني ومن هالكلام .. بس مو بعصبيه كلميها بحنيه يمكن صار منك موقف هي كرهتك منه ..
الله يحنن قلوبكن ويخليكن لبعض ..


__________________________________________________ __________

المشاركة الأصلية كتبت بواسطة الجـو ـري
الله يهديها ويصلح حالها ..
بس انتي ادخلي عندها وكلميها بالموضوع قوليلها انا اختك واحبك ليه تعامليني كذا انا نفسي نكون مثل الخوات الباقيات نتكلم ونضحك قوليلها الدنيا زايله وش مزعلك مني وانا اختك ومهما كان اللي سويته غلط انك ماتكلميني ومن هالكلام .. بس مو بعصبيه كلميها بحنيه يمكن صار منك موقف هي كرهتك منه ..
الله يحنن قلوبكن ويخليكن لبعض ..



__________________________________________________ __________

انتي ليش ما ترجعين لزوجك؟
يعني خلاص تطلقتي من زوجك ولا كيف ؟
والله يهدي اختك


__________________________________________________ __________

شوفي عزيزتي يمكن اختج تبا يكون وضعكم طبيعي مثل اي اخت واختها
بس ما تعرف الطريقة ليتصلح الوضع بينكم
اذا عندج انتي وياها واتس اب تواصلي وياها عن طريقه ... احيانا الطريقة الغير مباشرة افضل في حل المشاكل
كلميها و قولي لها احنا خوات وانا حابة اننا نرجع نسولف ونكلم بعض مثل اي خوات
و قولي لها انا اعرف انه انتي حابة هالشي يصير
فخلينا يكون عندنا هدف و هو اننا نتصالح
لانه الرسول عليه الصلاة والسلام يقول (( لا يحل لمسلم ان يهجر اخاه فوق ثلاث .... )) عليه الصلاة والسلام
الله يصلح حالنا جميعا
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

لازم تتكلمي معاها وتقوليلها وش الشي اللي مضايقك مني..وانا مستعده اتركه وابدا معاكي صفحه جديده..واحنا خوات ومن دم واحد حرام كذا تطنشيني ...انا احبك مثل نفسي واكثر ومستعده اي شي تبينه راح اسويه...بس اهم شي ماتبدئي معاها بالكلام الا وانتي متاكده انك رااايقه وراح تضبطي اعصابك لو غاطت عليك باي شي....



....لازم اللي بينكم من حواجز تنكسر..وانتي كوني السبّاقه للشي ذا...والله يوفقك وان شاالله ترجع المياه لمجاريها