عنوان الموضوع : توديع العزوبية الطبيب يجيب
مقدم من طرف منتديات نساء الجزائر

توديع العزوبية



السلام عليكم

عندي مشكلة هيا مو مره كبيره بس تعتبر مشكلة
انا زواج بنت خالتي 12/23 يعني مره قرب المهم الاسبوع الجاي بروح عندهم ف الخبر ف اتفقت انا واختها نسوي لها حفلة خاصة للبنات بمناسبة توديع العزوبية واشتريت الهديه 5 بلايز وعطر وساعة واشتريت كعب اثنين ﻻنها تعشق الكعوب واشتريت مناكير وتنوره وبنطلونين ، المهم انا ابغاء رايكم ف الهديه ، مو هنا السالفة السالفة اني حجزت الشاليه يومين عشان ننام فيه بس التجهيزات يعني وقف راسي ماعرف ايش احط ومتوهقه مره وماعرف ابد ايش احط ف التجهيزات ابغااااااء مساعدتكم بلييز

>>>>> ردود الأعضـــــــــــــــــــاء على الموضوع <<<<<
==================================


اعتقد انج ما قصرتي في الهدية
وبالنسبة للتجهيزات لو تسوي انتي واختها فيديو بصورها وهي صغيرة وتعرضونه بتكون حركة تجنن وسوي بوفيه بسيط على قدكم
و عسى الله يتمم لها على خير
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

حطي وانتي وبنات خالاتك خلي يساعدونك موكل شيء عليك الله يوفق العروس


__________________________________________________ __________

هالتكفله كلها مالها داعي!!! وليه تسوينها بشاليه؟! سويها بالبيت اعزميها وفاجئيها بحفله صغيره موضروري حفله كبيره وخساير وحتى مو لازم تسوين فيها عشا يعني حطي حلا وخفايف وموالح مع الشاهي وعصير وكيكه كبيره توصين عليها قبل كم يوم مكتوب عليها اسمها وبس


__________________________________________________ __________

حبيبتي فيه افكار كثير زيني المكان بالبالونات على اشكال مختلفه قلوب او ورود تطلع حلوه جيبوا لها تورته مكتوب عليها اسمها و يكون تصميمها يناسب فكرة توديع العزوبيه و فيه اشكال كثيره منها و اكيد العصير و الشيبسات و صلحي تغميسات بسيطه و خفيفه مع الشيبس يعني و الحلويات مارشملو مع نافورة الشوكولاته اشياء خفيفه ورق عنب معجنات توست بحشوه و مكرونه بشاميل و غيرها من الاكلات اللي تحبها البنت سويه بالبيت انتي و البنات مو لازم تجيبون الاكل من برا .. العبوا العاب طفوليه صيده هربه او غميضه صدقيني راح تبقى في ذاكرتها .. اذا عندها صديقات من زمان ماشافتهم دقي عليهم و اعزميهم و خليها مفاجئه لها لا تعلمينها .. جيبي صوركم و انتم صغار و صلحوها بالفوتوشوب و تكونون كلكم جنب بعض بالصوره و اعطوها وحده تحتفظ فيها و انتم بعد كل وحده تحتفظ بنسخه .. مثلاً جيبي اوراق صغار و اكتبي فيها اسمائكم كلكم ماعدا اسمها و قفلي الاوراق و حطيها بعلبه او صندوق و خلوها تختار و تقرأ الاسم و تقول كلام يضحك او موقف او الشيء اللي تحبه في اللي طلع اسمها بالورقه .. جيبي دفتر ذكريات شكله حلو واكتبوا لها كلكم .. طبعاً كل هالافكار مو لحالك تسوينها تشاركي مع البنات اممممممم ايش بعد ايوه جيبوا لها باقة ورد مو لازم كبيره لأنه بالنهايه بينرمي حرام يعني باقه وسط .. العبوا لعبة الجرأه و الصراحه هذي كل البنات يحبونها خاصه في التجمعات كذا و اهم شيء اعزمي البنات في وقت بدري و هي في وقت متأخر شوي عشان تجي و تكونون كلكم متواجدين قدامها و فيه افكار كثيييير كثييييير هذا اللي جاء في بالي و مو لازم تسوينها كلها اختاري اللي يعجبك و يناسبك الله يوفقكم حبيباتي و يسعد العروسه في حياتها و مبروووك ::


__________________________________________________ __________

رفع