عنوان الموضوع : أختي واليزر والمنطقة الحساسة ضروووري -تم الاجابة
مقدم من طرف منتديات نساء الجزائر

أختي واليزر والمنطقة الحساسة ضروووري



السلام عليكم ورحمة الله وبركاته.

كيفكم بنااات

أبي أستشيركم في أختي زواجها السنة الجاية أزعجتني
تبي تروح لمركز لازالة الشعر بالليزر أنا بروح ﻷن عندي شعر زائد بالوجة وهي تبي تروح معي وتبي تشيل المنطقة الحساسة رفضت طلبها وقلتلها حراام مايجوز تكشفين عورتك بس البنت ماتسمع تعبتني وموراضية تقول ﻷمي هالشي تكذب على أمي وتقولها أبي أشيل منطقة اﻷبطين . ماني عارفة وش أسوي أقول لأمي أخاف تزعل لان أمي ماراح تخليها تروح لو تعرف .أنا متزوجة ولا سويت هالشي
صدق بنات اليوم مايستحون
الله يوفق اللي ترد ويجزاها الجنة دلوووني على التعامل الصحيح أخاف أخذ ذنب معاها الله يصلحها .

>>>>> ردود الأعضـــــــــــــــــــاء على الموضوع <<<<<
==================================


شوفي ياقلبي في بنات يكون شعر المنطقة الحساسة غليظ جدا والجلد رقيق فما تقدر تشيل بالحلاوه الجلد يتقطع وينشال مع الحلاوة واذا شالت بالموس انواع الدمامل والحبوب انا مثلا اعاني من هالمشكلة ما اقدر ابدا عالحلاوة الجلد رقيق وينشال معاها واذا شلت بالمووس يوووه حتى الاندر وير ما اقدر البس من الدمامل ويطلع يقزز ويألمني وما ارتحت الا بعد ماعملت ليزر كم جلسه صار الحين الشعر خفيف ومعقول فأنتي لاتحرجين اختك العروس وحاسبي تكشفين سرها لأمك لانها امنتك والامانة برقبتك فلاتخسرين ثقتها فيك وللعلم في عيادات كثير يخلون البنت تستخدم الليزر لنفسها يعلمونها عليه واهي تسوي لنفسها وارجوك لاتحبطينها وتسوين مقارنات بين جيلك وجيلها ادعميهااا وحفزيها وخليها تفرح بتجهيزها للعرس


__________________________________________________ __________

الاخت اللي قبلي كفت ووفت
بارك الله بيها
ابد لاتعلمين امك على سر اختك وتفاهمي معاها


__________________________________________________ __________

أحس الموضوع إنه مو مسألة حلال ولا حرام بس الموضوع ليه إن أختك تسوي قبل زواجها وأنتي ما سويتي يعني غيرانه وحاسده لأختك وجالسه تتستري بالدين وناويه تخلي أمك تمنعها عشان تبقى مثلك يعني قمة الحسد والنذاله والدليل على كلامي قولك (.أنا متزوجة ولا سويت هالشي صدق بنات اليوم مايستحون يعني إش معنى أنا ما سويت وهي تسوي
هذا اول شي ثاني شي في مراكز تشرح الأخصائيه للزبونه على دميه كيف تشيل المنطقه الحساسه وكيف تستخدم الجهاز وهي تشيلها بنفسها هذا لو كنتي صادقه بس الحسد أعماك ولا حول ولا قوة إلا بالله


__________________________________________________ __________

ايش فيكم على الحرمه

الحين طالبه مساعدتكم وتقلبون عليها صحيح بعض الردود اصحابها مايستحون

ايش عرفكم عن نيتها فتشتوا قلبها


اسمعي انا اعطيك الحل

اذا كانت نيتك صادقه انه تفكرين في الحلال والحرام دوري على مركز متخصص ومثل مايقولون مايكشف على العوره

موفقه يارب


__________________________________________________ __________

بصراحة عيب والله تسوي كذا وهي بنت بصراحة مو لايقة أبد
ويختلف من مجتمع لمجتمع
عندنا هالشيء مرفوض وأعتقد ممكن يصل إلى حد أن زوجها ممكن يكرهها بسبب هذا الفعل