عنوان الموضوع : ام خطيبي من اولها كذا...
مقدم من طرف منتديات نساء الجزائر

ام خطيبي من اولها كذا...



السلام عليكم
عمري 23 سنه ومتملكه وعمره 23 بس اكبر مني ب8 شهور
مشكلتي وافقت عليه وندمت اول شي شكله قصير ومكرش
تغاضيت عن شكل وقلت مومهم شكله
طلب رقمي يكلمني وكلمته بالواتس لاحظت انه مايعرف يكتب رغم انه كاتب عند امير استغربت وسالته اشلون؟قام يرسلي كلام وخرابيط
وانا شكيت قلت دق علي ماحب اكتب بدا يتهرب ان جواله مافيه رصيد
ومشيتها بعدين دقيت عليه من رقم غريب ردت علي حرمه وغيرت صوتي وكلمتها طلعت امه الي تراسلني من جواله ثاني انصفق وجهي وانقهرت
وطنشت وبعدين دق علي من جوال ثاني وكلمني طنشت السالفه الاولى
دق علي مره وحده وبس وثانيه قالي بالغلط دقيت عليك
ومطنشني مايرسل ولايكلم انا تنرفزت منه ويبي يسوي زواجي مع اخوه ناقشته قام يلف ويدور ويطلع الف كذبه وكذبه انا كرهته كره موطبيعي
وامه من نوع الي يمشي كلامها ترسلي بالواتس دقي علي واتصل عليها تقولي تحضرين زواج فلانه وارقصي واصبغي شعرك وسوي مكياجك كذا
وانا رصيدي راح وانا اجاملها وفوق هذا تقول خذي بنتي سولفي معها عمرها سنتين انا للامانه طنقرت موبرصيدي عاد بطلعه الروح اشحن
بس مستحيل ارجع ادق عليها مره ثانيه
انا تناقشت مع زوجي وبينت له اني زعلانه فقام يزعجني برسايل الحب والغرام وانا عارفه انه شغل نسخ ولصق مومن قلبه
واخر شي جابلي هديه رضوه ساعه بعشرين ريال وعطر من ابو 10 تقليد وبدون تغليف !
ماحبيت اكسر فيه وخذيتهم
انا مادري شلون اتصرف معه احس ماقدر احبه ولايحبني احس نجامل بعض
مابينا اي حوار اوتفاهم مايرسلي الا يامرني باركي لاامي سلمي ع امي
وانا ماقول شي هذي امه بس انا زوجتك بعد اقل شي برد قلبي من كان عمري 11 وانا ميته ابي اتزوج بسبب مشاكل بيتنا الي ماتخلص ابوي يضربني ولايحترمني وامي بس تلعني وتجرحني واخواني كل واحد بعالم
ومانطلع الابسنه مره وطول طلعه ابوي يضرب ويسب وانا ابكي تحت الغطاء
احس لواموت اريحلي
عطوني حلول تبرد قلبي الله ينور عليكم حدي مقهوره ومغبونه افكر انفصل بس ابوي استلم جزء من المهر وتقاسمه مع امي وانا اخر من يعلم
يقولي وش تبين فيه ! والمشكله اخاف انفصل ومالقى احد يطلعني من البيت جاني اكتئاب من كنت بالابتدائي وحزن ومريت بحاله صمت رهيبه وشعري طلع فيه شيب بلمتوسط كل ليله احلم برجال الي يحبني ويعزني
ويعوضني ويدللني واخر شي انصدم بعد الملكه نفسيتي تدمرت بقايا الامل اختفى ونص شعري شيب واصبغه وقبل كم يوم كتبت موضوع تكفخت بدون سبب من ابوي الله يسامحه

>>>>> ردود الأعضـــــــــــــــــــاء على الموضوع <<<<<
==================================


مدري وش اقولك يالغاليه غير الله يعينك انا لو كنت بمكانك تركته لانه واضح من كلامك انه فيه عيب بس مخبين عليك وامه من اللحين متسلطه عليك اجل لادخلتي بيتهم وش بتسوي فيك
انا اقولك انفصلي احسن دامكم بالبدايه


__________________________________________________ __________

نصييييييييحة

اتركيييييه

انفصلي عنه

بكرا ان تزوجتوا بتنشبين

محد بيطلقك منه

وبتصيرين تفكرين بسالفة كونك مطلقة

وتصيرين بين نارين

نار اهلك ونار هالرجال

وان حملت زاد همك

تموتين بدون زواج وبهم واحد

ولا تعيشين تتمنين الموت من همومك


__________________________________________________ __________

ي اختي صلي صلاة الاستخارة والله يكتب لك اللي فيه خير


__________________________________________________ __________

عليك بالاستخاره
وكثرة الاستغفار والدعاء فقيام اليل باذن الله تنحل مشكلتك


__________________________________________________ __________

داام بدايتهم كذاا وش بيسوون لاعشتي معهمم اكرره الرجال الي امه تمشييه مستحيل اقدر اعيش معوو حااسهه بوضعك صععب ججدا الله يعينك ويسهل لكك.