عنوان الموضوع : ليش يصير معي كذا مجابة
مقدم من طرف منتديات نساء الجزائر

ليش يصير معي كذا



السلام عليكم
بنات انا باقي كم يوم واخلص نفاس مشكلتي للحين مااحد فكر يزورني او يجيب لي قهوه او عشاء مدري ليش وربي حازه بخاطري .. مجهزه استقبال للضيوف مجهزه نفسي للنفاس ارواب كشخه وكل حاجه واخر شي مااحد جاني حتى اهل زوجي ماجوني .. انا بكريه وولدت ولاده مبكره .. انا عمري ماضريت او قصرت بواجب احد ليش مااحد معبرني وعلاقتي كويسه مع الناس ومع اهل زوجي كل مامر يوم ومااحد زارني اقعد ابكي وربي مستحيه من خواتي يقولون مااحد زارك حتى يقولون لي اكشخي واستعدي لزوجك بعد الاربعين بس مالي مزاج ضايق خاطري

>>>>> ردود الأعضـــــــــــــــــــاء على الموضوع <<<<<
==================================


ماعليكي من الناس عليكي من حالك وجوزك
صح هي بتحز بالنفس انو مافي حدا زارك واستفقدك
بس لاتدايقي حالك عالفاضي يعني هما ما اجو ان كنتي رضيانه ولا زعلانه


__________________________________________________ __________

بصراحة انا ما استوعب استقبالات الولادة يعني أم يديدة و خصوصاً اذا بچر و ولادة مبكرة اكيد تعبانه وتبي ترتاح و مو صوب الناس ولا فاضية لهم علشان چذي ما أزور اي احد بعد الولادة كنوع من التقدير مو تقليل من القدر او الإحترام .. ممكن اطرش ورد او ككاو بس ما أزور الا بدعوة...

يمكن عاداتكم و تقاليدكم غير بس احنا كل الإستقبالات بدعوة؛ نادي الناس على استقبال و راح ايييونچ...انا عن نفسي ما ايي الا بدعوة علشان ما أكلف على احد ولا اضايق احد حتى لو اهلي...يمكن الناس نفسي و مو قصدهم يقللون من قدرچ، و بالعكس ما يبون يكلفون عليچ و يتعبونچ لأن انتي ام يديدة هذا اولاً يعني المفروض ابداً مو فاضية لهم، و لأنچ بچر فالتعب مضاعف و مشغولة بالبيبي اليديد هذا ثانياً، و ثالثاً و اخيراً لأنچ والده قبل موعدچ...كل هالظروف تخلي الواحد يستحي يزورچ علشان ما يكلف عليچ مو علشان ما يبون او لأن يبون يقللون من قيمتچ و قدرچ

و بس مبروك المولود/ة و الله يرزقچ بره/ا،، قومي كشخي و تزهبي حق فترة ما بعد النفاس.


__________________________________________________ __________

والله تحز بالنفس صح
بس اكيد ولدتي برمضان والناس مشغووولة
والحين اجازة وسفريات
انا ما استغرب من الناس مستغربة من اهل زوجك ليش مازاروك

خصوصا انه اول بكر لولدهم لانك تقولي بكرية


شوفي سوي عزيمة للنونو
وان شاء الله تشوفينهم


__________________________________________________ __________

والله احسن لك قسسسم اكره الاستقبال مرررره يوم نفاسي ماني طايقه احد وكل شوي جاينن ضيوف واصلا جاين لقافه ،، تعبانه موووووت وهم جاين بعطوراتهم ومتكشخين
سلامااااات بغيت امووووت من العطور ،، وجعت الخياطه وحاااالتي حااااله ،،
،
،
،
لا اله الا انت سبحانك ربي اني كنت من الظالمين💕


__________________________________________________ __________

ان شاء الله يجون

بس انتي لا تستعجلين
لغايب عذره معاه