عنوان الموضوع : ملّانه من وضعي -لصحتك
مقدم من طرف منتديات نساء الجزائر

ملّانه من وضعي



السلام عليكم



مني عارفه شلون ابدأ بمشكلتي لكنها مقلقتني واجد
بنات الحين انا مخلصه الثانويه تعرفون شيعني ؟
يعني بقى كم اسبوع واصير جامعيه وبسبب الظروف ابدخل تعليم عن بعد وممكن انخطب واتزوج ........... وغيره
مممم مدري شلون بس احس مدري وش وظيفتي ف الحياه ؟
امي لاهيه عني ولاتدري عني شي اذا قلت لها تعلمني الطبخ توافق بس مو عملي لا تقولي اعملي كذا وكذا وكذا ولما ندش المطبخ إهي تسوي كل شي ماتحب اننا نلمس شي وهذا يضايقني لاني صج ابتعلم
حتى ماعرف شي بالمطبخ ووش اسامي الاشياء والخضروات واشياء غيرها.. وبصراحه انا انسانه نوعا ما عمليه واحب التفاصيل بكل شي يعني اذا بسوي طبخه احب امي جمبي تقولي شيلي ذا وحطي ذا وانا اسوي كل شي بس تقولي كل شي بالتفصيل.. واتضايق من سالفه الملعقه يوم تقولي نص ملعقه مثلا ما اعرف اضبطه تقولي كثرتي !!!! او قليل !! حاسه نفسي ملخطبه ..... وغير هالسالفه احس على اني واجد ذكيه ولماحه وافهم بس مدري شلون احسني مب مثل بعض البنات ثقافه وجذي.. يعني مدري ف وشو اتثقف واقرأ شلون اغير من اسلوبي ... بعض الناس يحسبوني مصلحجيه لاني يوم ينتهي المدرسه ما اتواصل وياهم ولا انا مب جذي بس مدري بوشو اسولف معاهم؟ اظل ساكته مدري وش اقولهم؟ ......... مب عارفه وش اقولكم بس عنجد ابي اتغير بس مب عارفه شلون وكيف ولأي تغير ابي اوصله مدري ؟
وووو مب عارفه منين ابدأ ..... احب يكون احد واقف معاي ويساعدني واساعده ونتشارك بكل شي ومب من اول مره اتعلم < هذي امي جذي تفكيرها تحسب الناس تتعلم من مره وحده وييييييينن وربي تضيق صدري بكلامها احيانا وترى انا احاول اتعلم بس والله مب مني عاد شسوي لازم التكرار معاي وربي تعبت حاسه اني ابدخل غرفه واقفل على روحي وولا اشوف احد ولا يشوفوني بعد بممووووووتتتتت

>>>>> ردود الأعضـــــــــــــــــــاء على الموضوع <<<<<
==================================


انتي حاولي تتعلمين بدون مساعدة امك
ولله يوفقك


__________________________________________________ __________

عادي حبيبتي بالنسبة لطبخ أدخلي مواقع و طبقي و عندك اليوتيوب يكفي و يوفي
بالنسبة لثقافة عندك الكتب إقري مو حابة كتب
عندك شبكات التواصل الإجتماعي مليانه ثقافة من مختلف المجالات
شوفي أنا بصراحة كنت دلوعة أهلي لإنه عندي خوات كبار و كانوا هم اللي يطبخون و يشتغلون
لكن تزوجوا وصرت طفشانة من الروتين اليومي جامعة و بيت صرت أدخل المطبخ و أطبق طبخات سواء من النت أو من كتاب النخبة
و الفيس بوك معجبة بصفحات للموضة أو أخبار أو تطوير ذات أو طبخ أو تعليم لغة أنجليزية
و تويتر كمان

موفقة أختي


__________________________________________________ __________

الله يعافي اليوت يوب ماخلا شي من الطبخات ،، تعلمي وعيدي وزيدي في المقطع ليييييين تفهمين الطوروق وخلاص ما تحتاجين أمك ،،
،
،
،
لا اله الا انت سبحانك ربي اني كنت من الظالمين💕


__________________________________________________ __________

إنتي مشكلتك مو بالتعليم .. مشكلتك إنك إتكاليه
يعني تعتمدين على الغير أكثر من نفسك وهالشي ماراح يضر غيرك
لازم تتعلمين من نفسك مايحتاج أحد يعلمك ..
جربي مره وأول مره غالباً تجيبين العيد وتخطأين وبعدين تفرحين باللي سويتيه
بالنسبه للطبخ كلنا أول مره كنا خايفين ولا ندري كيف نص ملعقه او ربع
اول طبخه وثاني طبخه تفشل .. ثالث طبخه الجامده الي ياكلون أصابعهم وراها
عادي مافيها شي إطبخي لين تضبط
تعلمي بالبدايه عن الطبخات السهله لا تطبخين طبخ صعب ع طول
جربي مكرونه بالصلصه الحمراء بس لإن طريقتها سهله.. إبحثي عن طريقتها باليوتيوب
وشوي شوي تتعلمين ع الطبخ بشكل عام
ونصيحه تعلمي طريقة طبخه تحبينها عشان تطلع طعمه
وعن كلامك انك ماتدرين وش ترسلين لصديقاتك .. عادي هي صديقتك
مايحتاج سالفه مرتبه ومخططه
إبديها بكيفك وش جديدك وش اخبارك .. اذا فاقدتها أرسليلها فقدتك
ومع هالرساله تجي السوالف واذا ماكان عندها سالفه عادي أقلها سألتي عنها
وتعرف انك مهتمه
وبالثقافه .. إفتحي قوقل وإكتبي مكتبه
تطلع لك مواقع كثيره ل المكتبه تقدرين تحملين منه أي كتاب
إفتحيه وشوفي الكتب الموجوده الكتاب الي عنوانه يشدك تحسين ودك تقرينه
إفتحيه وأقريه ..

إنتي ذكيه بس تخافين تسوين شي غلط .. تبين تكونين عارفه كل شي
وهالشي لازم تسوينه من نفسك .. عشان تكسبين ثقة نفسك انك تعرفين تضبطين أمورك

"دعواتك"


__________________________________________________ __________