عنوان الموضوع : العباية معاناة !!؟ -لصحتك
مقدم من طرف منتديات نساء الجزائر

العباية معاناة !!؟



السلام عليكم

بنتي عمرها 11 سنه
له تقريبا 9 شهور من بلغت..
ابغاها تبدى تتعود على العبايه جسمها صاير كبير مو جسم طفلة
بس وربي رافضتهاا ما تحبها لا من باب ولا من طاقة
حاولت أعودها وهي صغيرة بس ما تحبها من يوم ما شافت الدنيا
حاولت أقنعها بكل الطرق ومو راضية !!
وش نصائحكم..؟

>>>>> ردود الأعضـــــــــــــــــــاء على الموضوع <<<<<
==================================


خليها ع راحتها لاتغصبيها
اقنعيها بتلهداوه
بعدين اذا مالبست هالسنه رح تقتنع ان شالله الي بعئدهآ وهي لحالها رح تلبس اهم شي لاتغصبيهل ع لبسها


__________________________________________________ __________

حاولي تستخدمي معها شويه الشدة يعني اذا جيتي رايحة مكان قولي لها يا تلبسي العباية يا تجلسي في البيت
شوفيني مااطلع الا بعباتي واذا رفضت خلاص اتركيها في البيت وروحي ...


__________________________________________________ __________

ولا شيء اهيا الصح و انتي الغلط توها حييييييييييييييل صغيرة على العباية عمرها 11 سنة = طفلة! وينها و وين العباية حتى لو جسمها بادي يتغير اهيا صغيرة عليها هالعمر اكثر ناس يبوون الكشخة و اللبس ليش تمنعينها من هالشيء؟

و بعدين بيني و بينچ موضوع العباة حلاته ييي قناعة علشان يدوم انا شطولي شعرضي ما لبستها الا للعمرة و مره حق عزا، اختي اللي اللي اصغر مني متحجبة (لأن انا مو متحجبة فطبيعي ما راح البسها) و ما تلبس عباية الا للعمرة و العزا و صلاة العيد و اهيا اكبر من بنتچ بوااااااايد!

انا اقول خلي البنت على راحتها توها صغيرة حيل (حتى لو جسمها كبير على قولتچ) على العباية اذا كبرت و اقتنعت و حبت تلبسها اهيا حرة بس لا تغصبينها ابداً ابداً ابداً لأن اذا غصبتي احد على شيء صدقييييييني اول ما تبعدين عنهم او لا سمح الله ما تكونين وياهم بدنياهم راح يردون له و اكثر من أول بعد علشان يعوضون؛ اعرف شكثر بنات تحجبوا غصبٍ عليهم بضغط من الأهل او حتى بدون قناعة او اخذ راي چك بوم انتي متحجبة و اول ما تزوجوا او مات اللي غاصبهم فصخوا الحجاب و قاموا يلبسون ملابس حتى انا ما البسها بحجة التعويض لأن من الأساس هذا ما كان اختيارهم؛ عكس اختي ما شاء الله الله يتمم عليها من نفسها اقتنعت ان صار لازم تتحجب و كنا كلنا مستغربين من قرارها و رافضينه لأنها صغيرة ما تخرجت و احنا عندنا ان قرار الحجاب لو تبينه يكون ورا التخرج علشان تكونين ناضجة و ما تغيرين رايچ، المهم ما ردت على احد و راحت السوق و شرت ملابس و حجابات و و و و الحين بتتم سنة من تحجبت، عادي يعني لأنها مقتنعة حبت الشيء و ما تركته او ملت منها لأنها مقتنعة ما ردت على احد فيننا و لأنها مقتنعة ما قالت اختي اللي اكبر مني ما تحجبت شكو انا اتحجب او انطرها تتحجب بعدين اتحجب؛ لأنها مقتنعة ما ترددت ولا غيرت رايها و كاه الحين اهيا متحجبة و شكثر اكبر منها و اولهم انا مو متحجبين. الهدف من كل هاللي قلته ان لو اهيا مقتنعة راح تسوي الشيء و تحبه بس لو مغصوبه راح تسويه بس بمجرد ما تلهين او ما تكونين وياها ما راح تضطر تسويه فما راح تسويه.

تبينها تلبسها؟ عطيها فرصة تكبر و تاخذ قرارها لا تعاقبينها و تجبرينها حببييها فيها علشان تقتنع فيها و اذا صار وقت اتخاذ القرار تختارها براحتها و قناعتها مو لأنچ غصبتيها!

و بس 😁


__________________________________________________ __________

وش فيكم على بناتكم انتم؟!
امس وحده بنتها عمرها 12 وتبي تلبسها عبايه وانتي بنتك 11 سنه
حراااااااام عليك والله صغيره البنت حتى لو كان جسمها كبير لبسيها لبس يكون واسع مايبين جسمها مو شرط عبايه
لاتلومينها اذا رفضت خليها تعيش طفولتها
اقل شي لبسيها اذا صار عمرها 14


__________________________________________________ __________

حراام عليكي البنت صغيررة !
..
استني عليها الين ماتبلغ