شوهو سمعتنا كلهم حسبي الله ونعم الوكيل
عنوان الموضوع : شوهو سمعتنا كلهم حسبي الله ونعم الوكيل
مقدم من طرف منتديات نساء الجزائر
شوهو سمعتنا كلهم حسبي الله ونعم الوكيل
السلام عليكم ورحمة الله وبركاته ...
ارجوكم اخواتي بالمنتدى تنزلون موضوعي بسرعة…
انا عندي مشاكل كثيرةبسبب معاملة امي لنا خلتهم يسوون كذا عندي اثنين اخوان واحد عمره29والثاني عمره 23 ويكلمون بنات واهلي اكشفوهم وانا سمعت من اهلي ان واحد منهم طالع مع وحدة مطعم او كوفي شوب واهلي مسوين له مشكلة كبيرة ويتهاوش معاهم وانا شفت واحد من رسايل بالواتساب وهو مايدري راسلها كلام حب ويقول لها لاتخافين حبيبتي وبعدين هو جاء وحطيت جواله بسرعة عن يشوفني وماكملت باقي كلامه حسبي الله عليهم مدري وش بينهم بالضبط اناعارفة ان راح ينكر و يكذب و يتهاوش معاي ويضربني واخاف يتهمني بشي لان في وحده من خواتي واجهتم وكلمتهم واضربوها وانا وحدة متزوجة واخاف يفضحونا وزوجي يطلقني لان عندي وحدة مطلقة وموناقصين فضايح تعبانة نفسيتي كثير ابي اشوف حل اوقفهم عند حدهم حسبي الله ونعم الوكيل بنات ابليس لاعبين في بعقولهم وابوي متوفي اخاف زوجي واهله والناس واقاربنايسمعون وانا ماقدر اقول حق زوجي لان زوجي ماعنده هالسوالف وخايفة يغلطون بشي مع بنات ابليس حسبي الله عليهم ويجبون لنا مصايب ارجوكم ساعدوني لاتقولون يتزوجون لان هم مومتهيئين لزواج ومايعجبهم العجب واخاف اذا تزوجوا يعذبون بنت الناس اللي مالها ذنب وانا واخواتي وعيالي مالنا ذنب نتشوه لان هم مقويين علينا ويقولون الرجال مايعيبه شي البنت اللي يعيبها هذا قانونهم لاحتى هم يعيبهم واحنا مالنا ذنب نتشهوه وربي اني مقهورة كثير وابكي نفسيتي تعبانة ابي حل ربي يوفقكم دنياواخرة ويستر عليكم دنيا واخرة
>>>>> ردود الأعضـــــــــــــــــــاء على الموضوع <<<<<
==================================
!!!!
يأختي خلينا واقعيين في مجتمعنا مايناضرون لاعيوب الرجل
طيب انتي الحين ليه حارقه اعصابك على شي مايخصك
انتي قدمي لهم النصيحة ودعيهم إلى التوبه وذكريهم انه كما تدين تدان
لكن مسألة انه لو انفضحوا بتنفضي ومدير ايش لا ياحبيبتي مجتمعنا ينقم الفتاه ويمجد الرجل
__________________________________________________ __________
ريحي اعصاابك ولاتبكين ولاتتضايقين زي ماقالت الاخت اللي قبلي انصحيهم وبس تابو الحمد الله ولا ماتابو الله يهديهم ادعي لهم بالهدايه وبس واذا خايفه ان زوجك يطلقك ...اذا زوجك يطلقك بسببهم معناته انه رجال تافه ويهمه كلام الناس !! يعني اذا طلقك زوجك لاتاسفين عليه واذا زوجك يحبك بصدق صدقيني مايهمه اللي يسمعه وانتي اصلا مالك ذنب فيهم فليه يطلقك؟!!! وان شالله مافيه الا الخير
__________________________________________________ __________
ايه صادقه في مجتمعنا ان الرجال مابعيبه شي واذا سوى كذا عادي ويتزوج ويفتح بيت اما حنا غلطه صغيره مايغفر لنا المجتمع
دامك متزوجه اسحبي نفسك مالك دخل فيهم
__________________________________________________ __________
الحين البنات لاعبين بعقولهم؟! يا سلام سلم! ابشرچ ترا انتي بالضبط بالضبط نفس اللي خايفه منهم و من السنتهم على فكرة يعني ترا It takes two to tango الغلط مو بس من البنات الغلط هم بإخوانچ! يعني مو "بنات ابليس" اللي لاعبين عليهم عادي تلاقين اخوانچ لاعبين على البنات و واعدها بالزواج..إلخ!
الحل: مالچ شغل بأحد اذا المجتمع نفس عقليتچ بيشوفون ان الغلط من البنات و ان اخوانچ انلعب عليهم بعدين شكو خايفه من الطلاق و من الناس...انتوا شكو؟! {وَلَا تَزِرُ وَازِرَةٌ وِزْرَ أُخْرَىٰ ۚ وَإِن تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَىٰ ۗ إِنَّمَا تُنذِرُ الَّذِينَ يَخْشَوْنَ رَبَّهُم بِالْغَيْبِ وَأَقَامُوا الصَّلَاةَ ۚ وَمَن تَزَكَّىٰ فَإِنَّمَا يَتَزَكَّىٰ لِنَفْسِهِ ۚ وَإِلَى اللَّهِ الْمَصِيرُ} سورة فاطر (18) انتي واجبچ النصح اذا ما سمعوا كلامچ بعد رياييل طول بعرض ما تقدرين تطقينه او تعاقبينه سويتي اللي عليچ و رايتچ بيضا!
نصيحة اخويه على الطاير لا تتليقفين مره ثانية و تمسكين موبايله هالمره طافت المره اليايه اذا صادچ تحملي اللي يييچ ولا تقولين متزوجة او مرأة او كبيرة او او ترا اللي چذي ما يعرفون الفرق و بصراحة (من تدخل فيما لا يعنيه سمع ما لا يرضيه)! و انتي مو ناقصچ طراق او كف يخلي فيچ كدمات تفضحچ، يا تنصحين بهدوء و بشكل غير مباشر لأن باين ان التفاهم و النقاش بين الإخت و اخوها باي باي عندكم، يا تكلمين ريال كفو بالعايلة يكلمهم، و اذا صار ما صار و انتشر الخبر سوي نفسچ ما تدرين و مالچ شغل و هذا الواقع انتي مالچ شغل.
آخر الكلام: عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم . انتي ما تقدرين تمدين ايدچ، فجربي التغيير بلسانچ (الكلام و النصح) و اذا ما قدرتي بقلبچ (الضمير و الدعاء) و انتي بالشرع سالمه مالچ شغل براي و كلام العباد اذا انتي ارضيتي رب العباد و اديتي الواجب المطلوب منچ، ولا تخافين الله ما راح يحاسبچ على ذنب ما سويتيه!
و بس!
__________________________________________________ __________
المشاركة الأصلية كتبت بواسطة Just Go With It 
الحين البنات لاعبين بعقولهم؟! يا سلام سلم! ابشرچ ترا انتي بالضبط بالضبط نفس اللي خايفه منهم و من السنتهم على فكرة يعني ترا It takes two to tango الغلط مو بس من البنات الغلط هم بإخوانچ! يعني مو "بنات ابليس" اللي لاعبين عليهم عادي تلاقين اخوانچ لاعبين على البنات و واعدها بالزواج..إلخ!
الحل: مالچ شغل بأحد اذا المجتمع نفس عقليتچ بيشوفون ان الغلط من البنات و ان اخوانچ انلعب عليهم بعدين شكو خايفه من الطلاق و من الناس...انتوا شكو؟! {وَلَا تَزِرُ وَازِرَةٌ وِزْرَ أُخْرَىٰ ۚ وَإِن تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَىٰ ۗ إِنَّمَا تُنذِرُ الَّذِينَ يَخْشَوْنَ رَبَّهُم بِالْغَيْبِ وَأَقَامُوا الصَّلَاةَ ۚ وَمَن تَزَكَّىٰ فَإِنَّمَا يَتَزَكَّىٰ لِنَفْسِهِ ۚ وَإِلَى اللَّهِ الْمَصِيرُ} سورة فاطر (18) انتي واجبچ النصح اذا ما سمعوا كلامچ بعد رياييل طول بعرض ما تقدرين تطقينه او تعاقبينه سويتي اللي عليچ و رايتچ بيضا!
نصيحة اخويه على الطاير لا تتليقفين مره ثانية و تمسكين موبايله هالمره طافت المره اليايه اذا صادچ تحملي اللي يييچ ولا تقولين متزوجة او مرأة او كبيرة او او ترا اللي چذي ما يعرفون الفرق و بصراحة (من تدخل فيما لا يعنيه سمع ما لا يرضيه)! و انتي مو ناقصچ طراق او كف يخلي فيچ كدمات تفضحچ، يا تنصحين بهدوء و بشكل غير مباشر لأن باين ان التفاهم و النقاش بين الإخت و اخوها باي باي عندكم، يا تكلمين ريال كفو بالعايلة يكلمهم، و اذا صار ما صار و انتشر الخبر سوي نفسچ ما تدرين و مالچ شغل و هذا الواقع انتي مالچ شغل.
آخر الكلام: عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم . انتي ما تقدرين تمدين ايدچ، فجربي التغيير بلسانچ (الكلام و النصح) و اذا ما قدرتي بقلبچ (الضمير و الدعاء) و انتي بالشرع سالمه مالچ شغل براي و كلام العباد اذا انتي ارضيتي رب العباد و اديتي الواجب المطلوب منچ، ولا تخافين الله ما راح يحاسبچ على ذنب ما سويتيه!
و بس!
رد مع اقتباس
