عنوان الموضوع : اكمل دراسه ولا لا ؟ الطبيب يجيب
مقدم من طرف منتديات نساء الجزائر

اكمل دراسه ولا لا ؟



السلام عليم



اولا أشكركم لانه كتبت مشكله لي قبل وريحتني حلولكم كثير وانحلت الحمد لله

ثانيا عندي استشارته بسيطه ابيها منكم ،،،


صار لي متزوجة سنه ونص وعندي ولد اشترطت على زوجي فالعقد أني اكمل دراستي الجامعية ووافق دخلت التخصص اللي يرتاح له تدريس عشان أتجنب المشاكل بينا مستقبلا كان متحمس وأخذ أوراقي بعد الزواج بثمان أشهر وسجلني مع بدايه العام الدراسي وكنت حامل فالسادس وقتها ومريت بظروف صعبه تعبت الحمل والمشاريع وولدت في نص الامتحانات والنفاس كنت اشتغل على مشاريع وعدت السنه على خير

المشكلة ان زوجي من النوع اللي يقدس عياله والأسره بشكل عام مش متقبل فكره أني اخلي ولدي عند أمي من الساعة 7 الصباح لين 5المساء وأحيانا 7 عرض علي أني اترك الدراسه مؤقتا لين ما أجيب عيال وأكون أسره ويكبرون ومقابل جلوسي فالبيت بيسفرني كل ما سمحت له الفرصة ع الأقل مره فالسنه وليفتح لي صالون تجميل وانا اثق فيه بما انه رجل اعمال ومقتدر

ثانيا هو يحب ولده بجنوووون وياباني اعتني فيه عنايه لدرجه يباني أسوي له كل يوم مساج قبل ينام وبنى له اصاله كامله ألعاب يمكن اكبر من البيت كله والولد حتى ما يحبي زي الناس وهنا مشكله ثانيه أخاف انه يفسده علي غرفته ما فيه مكان من الملابس اسراااف وهو يقول هذا واجبي أني اصرف عليه ويزعل وأحيانا توصل للسب اذا تعور بالغلطولا شاف أظافره وضخه يقول لي أني مو كفؤ أم ومش مباليه ومقصره ومن هالكلام هل الوضع طبيعي




بعد ما شرحت الوضع لكن خواتي اريد أجابه ع السؤالين الله يخليكن ،،،،،،،،،،


1/ اكمل دراستي ولا ارضى بالعرض اللي قدمه لي ؟
2/ هل أسلوب زوجي مع ولدي طبيعي بالنسبة للطفل الاول ولا مبالغ وبيفسده ؟




ملاحظه أني عطيته أجابه متسرعه أني مواقفه على رغبته بوقف الدراسه لانه أحرجني حجز لي سفره ووداني مطعم وفاتحني فالموضوع وانا استحيت أتفلسف وأرفض بس الحين مررره متحسفه أنا مجنونه دراسه لا يمكن اجلس



أسفه طولت عليكم بس والله ان كلمه ونصيحه بسيطه ورد منكم بيفرحني بالذات أني وحيده ومحد اقدر أستشيره لا خوات ولا ام وأعدكم مثل عائله لي الله يحقق مرادكم يارب ويفتح لكم أبواب رزق من عنده

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
اهلا اختي مادام وعدك انه راح يسفر ك
انا لو كنت مكانك كان وأفقت وما أندم على قراري
وبنسبة لطريقة تصرفه مع ابنك عادي لأنه اول طفل له
وبين من كلامك زوجك محترم فاحفظي عليه
والله يوفقك


__________________________________________________ __________

ونسيت اقول لك بس لا تاركين دراستك عشان سفر ات
يعني اتركي دراستك مؤقتا


__________________________________________________ __________

يعني مثلا اذا بتكملين دراستك بيمنعك من السفر؟!! وش دخل هذا في هذا ؟!! واذا على قولته ان هالشي تعويض طيب واذا فتح لك صالون وسفرك وممكن بيوم بيقولك اجلسي في البيت والصالون بيتسكر الرجال ماتضمنينه صراحه وحرام اذا لك رغبه في الدراسه ماتكملين لو انا مكانك اكمل دراستي واخذ الشهادة وذكريه ان هذا شرطك في عقد الزواج وماله حق يمنعك عن الدراسه والولد حطيه بحضانه


__________________________________________________ __________

السلام عليكم
اسمحلي اقول لك انك غبية غبية جدا بشكل غير طبيعي
اول شيء اذا تركتي دراستك و و بعد فترة حصلت مشاكل و تطلقتوا ( لا قدر الله ) ما في غير شهدتك تحميك من الناس و كلامهم كيف بتصرفي على نفسك , ابوك و اخوانك ما بيظلوا معك الى نهاية عمرك
, الانسان بدون شهدته ما يسوى شيء
, ترك الدراسة مؤقت تكذبي علي و لا عليك ما ادري , بعد ما يكبروا عيالك ما في ولا جامعة بترضى بيك و حتى زوجك بيقول كبرتي على الدراسة و انتي بتقولي الى نفسك بعد
هو قال الك بيسفرك كل ما صار عنده وقت كله كذب في كذب مو معقول كل ما صار عنده اجازة بيكون فاضي لك و اذا كان كلامه صحيح السفر هذا ايش بيفيدك فيه غير وناسة يومين و بتروح , بعدين ايش يعني كل ما عزمك على مطعم جابلك هدية تستحي و تقبلي بكل كلامه
, غير اني ما عجبني اسلوب زوجك معك كيف يقول لزوجته انتي ام مو كفئو ... الخ اظن يقدر يقول باسلوب محترم و يساعدك تحسني من نفسك
, بنسبة الى معاملة زوجك الى ولدك غلط في غلط حتى لو كان الولد الاول مو يعني يدلعه بزيادة بكرا ولدك بس يكبر يتفرعن عليك و على زوجك

اسفة على اسلوب كلامي بس انتي نرفزتيني عن جد ما قدرت اتحكم بنفسي


__________________________________________________ __________

انتي غلطتي انك جبتي ولد بدري بعض اصدقاتي ماحملو الا يوم تخرجو
شوفي اجلسي لين يكبر ولدك يعني لين يجي عمره اربع وتكملين اهم شي شهادتك والله اني ندمانه اني ماكملت عاد انا كنت كسلانه بس انتي ماشاء الله تبارك الله شاطره كملي بس اجلسي فتره بسيطه
قولي بجلس لين يكبر ولدي عمر معين وبروح اكمل اهم شي مستقبلك