عنوان الموضوع : أنــا وزوجي . . وخطيبي قبل الطلاق مجابة
مقدم من طرف منتديات نساء الجزائر

أنــا وزوجي . . وخطيبي قبل الطلاق



السلآم عليكم . .

ابدخل على طول بالسالفه والله قاعه اكتب وانا كلي امل احد ينصحني لاني تعبت خلآص . .

بدايه أنا جميله جدا جدا وجذابه بشهاده الكل كنت ايام الجامعه انخطب لاخوان صديقاتي وكنت ارفض كنت بنت طموحها الدراسه وقمر وتحب نفسها كنت احب الحياه يابنات كانت تواجهني مشاكل صح بحكم طبيعه الحياه لكني كنت احس بامان وثقه واحس اني موجوده بين حبايبي فكنت اعديها بسلام كنت احس كل يوم يعدي من عمري احقق فيه الكثير احس انه فيلم ملئ بالاحلام والتشويق واللحظات الرائعه كنت بنوته جميله اي احد يقعد معي يشبهوني بابطال روايات كنت احب الحياه واحب واحب . . كانو يقولوو دايم يافلانه انتي كلامك يجنن واسلوبك خيالي ياحظ منهو بياخذك وكنت متامله خير بمستقبلي مع زوجي وياليته ماجـــاء وياليتني ماعرفته


. . . . .

اول ماتخرجت من الجامعه وقدمت عالماستر جـأء لحياتي كان مطلق قبلي وكان من الاهل اول شي كنت اضحك واقول ماعليه بشوف خشته ان عجبني كان بها ماعجبني بقوله بيبااااي كنت ماخذه الدنيا ببساطه اول ماشفته مدري وش اقولكم حبيته وربي قلبي تعلق به واجد عيونه وملامحه ودفا يده يوم صافحني وربي حسيت اني بحلم (حبيته ) وربي يابنات حبيته من الشوفه الشرعيه بس ومن بعد ماشفته قطعت كل علاقاتي مع الشباب اللي كنت اعرفهم واللي كانت علاقتي معهم مسن فقط وثلاثه فقط انتقلو لمرحله الجوال ومكالمات لكن وربي من شفته غيرت رقمه وماعاد دخلت اي ايميل خلاص صار هو اللي في بالي وبس ملكنا وكان طاير فيني واشوف نظرات الحب بعيونه كان يجيني كل 3 ايام اهلي يقولون وش هالشوق هذا كان كل حياته انا ماينام ولا اقدر انام انا الا وحنا مكلمين بعض مكالمه لاتقل عن 10 ساعات مدتها تخيلو يابنات عدا يوم بالشهر كان مايكلم قطعت عهد على نفسي اواضب على صلاتي ومااستهين فيها لاني كنت مهمله فيها اعوذ بالله والحمدلله اللي هداني


.....

اخر شهر قبل الزواج هو اللي بديت صفحه جديده مع ربي ويوم قمت ادعيه دايم كنت احس اني احلم في زوجي احلام مرعبه واشوف حشرات بالحلم وبدا شعور غريب يدخل لقلبي ويقولي لاتكملين معه كنت يابنات اتحلم فيه احلام مرععبه كنت اصحى من نومي وانا كارهته وماعاد باقي على عرسي الا كم اسبوع

....

تزوجنا ومن اول اسبوع احس اني في خطر ماني عارفه كيف اشرحلكم بدا يتشدد علي كان متشدد ويعصب كنت ماحس بالامان معه كنت ابكي بدون سبب كنت اكرهه لاقرب مني وقعدت اقول اني دلوعه ولازم اتعود على وضعي الجديد ومرت الايام وبعد 4 شهور بالضبط من عرسي اكتشفت انه متواعد مع اصحابه يطلع البحرين ويروحون الديسكوات اللي زمان كانو يروحولها والمشكله ان اللي طلب هالطلب هو زوجي سكت ولا عاد قلت شي قلت يمكن زله وماعاد بيعيدها وقلبي بينفجر هالشعور اول مره بحياتي احسه بعدها بكم شهر طلب مني ادخل عالمسن حقه اشيك على شغله ولقيت بنات ليل صورهم وسخه يراسلونه ولقيت له مقاطع في الداونلود هو محملها افلام اباحيه يابنات قعدت اجمع بقلبي ولا اقول واظهرله الحب لين ماجا يوم قال قومي رتبي الشنط بنطلع من تبوك قلت وين رايحين قال بنروح الشرقيه هنا قلبي عورني وعرفت ش******** في مكانها وانه ناوي قلت ماله داعي مالي خلق بتبدا الجامعه قريب قال مالي شغل انا هنا قمت وقلت كل اللي في قلبي المصيبه انه ضربني وسبني وسب اهلي وقال انا اروح هناك احشش واشرب واتفرج على رقاصات واكحل عيني ههه عبالكم مسح دموعي بعدها راح مشط شعره وطلع ماعاد شفته يوم كامل

....

رحت مسحت دموعي وغسلت وجهي وطلعت دبدوب صديقتي اللي اهدتني اياه وحظنته ونمت مايحتاج اقولكم قد ايش ذيك الليله سودا ومتعبه بالحيل كلمت صديقتي اقرب الناس لي بعد ماما قالتلي ليكون انتي قصرتي في حقه او شي ورحت بديت صفحه معه واعتذرتله انا تخيلو انا اعتذرت مو هو ومن بعد هاليوم هذا وهو كل يوم يطيح من عيني الاقيله مقاطع بالجوال واسكت والاقي سب واهانات واسكت والاقي ضرب منه واسكت كان كل همي مااخليه يحتاج شي غيري كنت البس واكشخ له وكان يسحب علي ويكلم اصحابه بالساعات وانا كنت احزن على نفسي انه مهملني عالاخر كنت احبه وكان يعتبرني خدامه في حياته انا شغلتي اني اخدم واطبخ وانفخ واتحمل انتقاداته على كل شي فيني وفي شغلي مايحقلي اغريه او اسوي اي شي ثاني اكتشفت بعد الزواج من قريباته انه كان يعشق وحده منهم بس هي رفضته وخطب ثنتين قبلي ورفضوه واللي زاد الطين بله قاعد يسال اخته وين احلى فلاننه ولا اللي قبلها ههه يخلي خواته يقيموني وعباله ماسمعته

.....

مايحتاج اقولكم معدلي نزل وطلبو مني اخذ ملفي من الجامعه مايحتاج اقولكم الامراض اللي جتني من قولون عصبي لانيميا وشحوب في بشرتي اللي كانت مافيه اجمل منها وتساقط فضيع في شعري نفسيتي خاست لانني ببساطه كنت افتقد شي اسمه ثقه ماكنت احس اني متزوجه كان يهجرني بالاربع خمس شهور مايقربني كان بوسات مايعطيني الا بطلعه الروح احظان اذا رضي علي تكرم وحظني ماكنه حق من حقوقي كنت اقوله انت مقصر معي في الجنس وفي كل شي يقول مالي خلق شي ابي انام وووو حسيت اني قاعده ارمي نفسي عليه تعبت يابنات بشتى الطرق هو شخصيته شمالي شرقي كتوم ولايطلع شي حياته كلها اسرار وغموض ومافيه اي احترام بيننا حتى ثقه امان مافيه كان يرميني بالشقه ويطلع يوم كامل مادري عنه ولايدق يتطمن عني حسيت اني ولاببيزه عنده

......

كنت لما اقعد مع صحباتي اللي زوجها يعشها ويجيب لها هدايا واللي كل شهرين سفره وترجع مبسوطه عكس سفراتي تماما ارجع وانا متقطعه من الشراب والساخه اللي فيه كانو يتكلمون عن لياليهم ودلعهم لازواجهم وووو
وقت ماكان طالع طلعت لحديقه عامه جنب البيت وقعدت قعده صدق مع نفسي وكان بالشنطه اللي خذيتها معي جوالي القديم فتحت وقعدت اشوف صوري ايام الجامعه والله يابنات اني بكيت لاشعوريا وبدون مادري عن نفسي الا والبزارين متجمعين يناظروني قمت مسحت دموعي وقعدت امشي بالممشى وقعدت افكر مع نفسي كيف كنت وكيف صرت وش اللي غير حالي حسيت اني قاعده اجبر نفسي على شي اكبر مني اصعب شي اني اعيش والامان والثقه غايبين عني اول مافكر عقلي بالطلاق لازال يبيه يابنات لازال قلبي يحبه بعد كل اللي صار قعدت استرجع ذكريات كثيره وقررت اني اتبع عقلي وبس لاني يوم تبعت قلبي وصلت للهاويه رحت لاهلي بالمدينه وطلبت الطلاق وهو للان معلقني بنات انا ابي اتطلق صح تحسنت احوالي ورجعت ربع من مها الاوليه لكن مابرتاح الا اذا شفت صك الطلاق بيدي

.....

صار على هالسالفه سنه كامله والحمدلله ماعندي عيال تعبت مع قلبي يابنات وين ماروح استرجع ذكرياته مدري وش اسوي لي سنه اتذكره وهو ولا دق ولا سال ولا حتى رساله تخيلو سنه كامله ولا حن لي لحظه وانا ادري انه ماخذ راحته بدوني طلعات وجيات وصياعه لكن ليه مايطلقني بهالفتره هذي سجلت بالماستر وكملت واخو وحده من صديقاتي خطبتني له وهو مطلق معه بنتين وعنده قصر جنب بيت اهلي بنفس الحي وخدامتين وحده للبنات ووحده للبيت وعايلتهم تشرف وقلتلها ماتطلقت للحين فقالت بيصبر لين ماتخلصين عده والمفاجئه انه اخذ حسابي في الكيك وقاعد يراسلني وانا مارد عليه كل صباح الاقي اشعار ويقول وين الاقي مثلك وكلام كثير

اخر شي يوم تعلقت باخو صديقتي قدرت انسى زوجي لكن المفاجئه زوجي ارسلي كلام كثير اسف وظلمتك كثير وبجي اراضيك وانا مارديت عليه ابوه واهله توهم يصحون ويجون عندنا بعد سنه كامله ويقولون ارجعي وكلام كثير ماله معنى تكفون اعتبروني اختكم الصغيره وشورو علي تعبت نص يبي زوجي ونص يبي اخو صديقتي
تعبت يابنات تعبت

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله والله قصتك قهرتني
بس انا لو محلّك لو بيموت قدامي ما برجعلو
بدوس على قلبي ولا يسمح لحدا يهيني ويمس كرامتي ولو بحرف
يعني بالمختصر المفيد بوافق على اخو صاحبتي وبعترفلو اني كنت بحب جوزي كتير وبطلب منو هو انو ينسيني جوزي
بس طبعاً بفكر منيح بالموضوع وبستخير واللي كاتبو ربّي بيصير
الله ييسر امورك يااااااااا رب
ويا ريت تطمنيني عنك شو بيصير معك


__________________________________________________ __________

انصحك يا اختي ماترجعي له انسيه و ابدي حياة جديدة مع اخو صديقتك
والله يوفقك


__________________________________________________ __________

الله يفرج همك
لااله الا انت سبحانك اني كنت من الظالمين


__________________________________________________ __________

كيف ترجعين لمدمن مخدرات

المفروض تخليعينه من المحكمة صدقيني مدمن المخدرات ومن يتعاطى مادة الحشيش المخدر يبدا يفقد عقله بالتدريج وتموت كثير من خلايا الدماغ بالتدريج

اعتقد انك تحني تحششي وهو كان يحاول انك تدمني بس ما قدر الجزء الي يخليك تحني له هو جزء المخدرات فقط لا غير أعذريني على قسوتي


__________________________________________________ __________

دامك ماجيتي منه أحد ﻻ ترجعين له خلاص يكفي اللي صار والمؤمن ﻻ يلدغ من الجحر مرتين


وأهم شي اﻻتقدمي على شي إلا تستخيري