عنوان الموضوع : آنقذوني تعبت والله ! مجابة
مقدم من طرف منتديات نساء الجزائر

آنقذوني تعبت والله !



السلام عليكم و رحمة الله
وبعد
انا مشكلتي لا تختلف كثيرا عن مشاكل اخريات مني و مشكلتيه كبيره جدا بالنسبه لي ! و بعد ما لجأت لربي انا ها هنا الجأ اليكن اخواتي ابغي منكن المشوره و النصيحه
قصتي ربما طويله و قديمه ولكن مازلت اعاني منها
انا يا بنات فالبدايه اقولكم اهل اميو ابوي بينهم مشاكل من فتحت عيوني وانا اشوف المشاكل بينهم و اهلي خوالي و اعمامي مانشوفهم الا فالمناسبات يعني مره فالسنه ويمكن اقل باعدين عنهم كافين خيرنا و شرنا .. هالمشاكل سببت مشاكل بين امي و ابوي و صارو متجاهلينا و مايكلمون بعض سنين ونحن مهتمه فينا الخدامه تسبحنا و تاكلنا و ادرسنا
بختصار كان عندنا وقت فراغ كبير محد يراقبنا و يعلمنا و انا ما ابالغ في كلامي اصابني القولون العصبي في سن 12 سنه من الضغط النفسي كيف نبكي و نترجا امي و ابوي يتكلمون
و كنا محبوسين فالبيت مانسير غير المدرسه و مره بس فالسنه نطلع نشتري ملابس
وانا ابد ما اتعذر بظروفنا لكن حبيت تعرفون كيف كنا فاظين ماعندنا شي نسويه و بلا رقيب يقلونا ها صح و ذاك خطآ
كان اخويه الكبير بادي يشتغل وكان شديد و حريص علينا حتى منتديات و فون و مسنجر ممنوع ولكن يقول القايل كل ممنوع مرغوب
ف يوم من الايام كان عمري 14 و في اول ثنوي..ولد عمي الي هو اكبر مني فتح منتدى و جمعنا كلنا نحن العيال عشان يكون مكان نتواصل فيه و نتقرب من بعض و انا كنت فرحانه حصلت شي يشغلني و كنت مبدعه في مواضيعي و احصل على ترقيات
المهم
فيوم ارسل لي ولد عمي ع الخاص انه يبا يتواصل معايه بالمسنجر لانه يبا يعلمني اشيا اسويها فالمنتدى و انا صدقت و خبرت اختي الكبيره انه بيتواصل معايه قالت بس خلج رسميه و كنت حقا رسميه معاه و بعدها بدا يتكلم عن مشاكل الاهل و انه يبغي يتقدم لي لكن المشاكل عائق بينا و من هالكلام انا رفضت و قلت له انت مثل اخويه لكن ما من جدوا مصر ف كلامه وماكنت اعرف شو المغزا دام عارف مستحيل الشي بسبب المشاكل و كشفته الايام انه ذيب و ماكان يبا مني زواج و يبا يستغلني و يفضحني و يفضح اهلي
وهنا بدات المشكله كان يقول لو ماكلمتيني بخبر اخوج انج سجلتي في منتدى و كلمتيني تغازليني و بهالتهديدات انا خايفه من اخويه و سهيت عن المشاكل لي قاعده تكبر من ورا هالتهديدات و يوم عن يوم زادت طلباته و تهديداته و ماقدرت اخبر حد من خوفي والله و كنت صغيره مافكرت الشي ممكن فالمستقبل ياثر فيني
وانا حلفت بالله ماحبيته و لا حتى بمقدار ذره بالعكس كنت اكرهه كره البشر لابليس
عالعموم استمر لمدة شهرين يطلب صور لي و بعدها يطلب مكامله فيديو و بعدها طلباته زادت تعمق و انا مثل الغبيه اصدق تهديداته و البي طلباته و اقعد اصيح و اطلب ربي يساعدني و تعبت نفسيتي اكثر و نزلت 12 كيلو وصرت هزيله و امراضي زادت
وصلت لمرحله قال بمر عليج بالليل و اريد امارس معاج ولو ماطلعتي برضاج بغتصبج في البر ! و ايقنت انه انسان مينون مش مجرد لعاب والله مانسيت كلمه من كلامه و لا زدت من عندي لكن الله هداني و جمعت قوتيه و رديته و قلتله مابينا من غير اليوم كلام انت ماخفت ربك فيني و تكذب وتقول بتزوجج و احبج و لو صادق كنت خبرت ابوك و اهلك و تقدمت لي لكن حسبي الله عليك ذيب و ناوي ع شر ! و حذفته و حذفت المسنجر و قطعت المنتديات و تبت و استغفرت لان جبرني اسوي اشياء ماترضي الله و لا انا راضيه بنفسي من الي يصير و التزمت بالقرآن و الصلاه و الصوم و العباده و كل يوم ادعي و ابكي من خوفي من الله و خوفي من اسبب لاهلي فضيحه
ولوو تدرون طلع لاعب على وايد بنات اعرفهم و مهددنهم بنفس الطريقه!! و بنات اصغر عني
وسافرت اتعالج و سويت ثلاث عمليات و احتسبته تكفير ذنب عسى الله يتقبل عملي
وانا كملت حياتي سيده الحمدلله .. و الحمدالله امي و ابوي رجعو يتكلمون شوي شوي و تحسنت الامور داخل البيت و لو انه مازلنا منقطعين عن باقي الاهل
لكن يا بنات مر على الموضوع 10 سنين و انا الحين 24 سنه و يااما تقدمولي رياييل عيال عرب ماشاءالله لكن رديتهم كلهم كل مره اطلع عذر خايفه من ولد عمي يكون محتفظ بشي من صوري و غيره و يخرب حياتي هالكابوس ماله نهايه ماعرف شو اسوي والله و الحين تقدم لي واحد من بعيد يقربلنا لكنه على اتصال مع ولد عمي
امي و ابوي مصرين هالمره م ا ارفض ولكن انا سببيه في قلبي و اخاف يا ناس مب عارفه شو اسوي لان هالمره احس ماقدر اقنع اهلي اعذاري خلصت وماقدر اصدمهم بالواقع و انا كبرت و حالي من حالكم ابا اكون عايلتي و ايب عيال و مثل ماعارفين البنت توصل سن و بعدين محد يخطبها و تعنس ..

دلوني على الحل شو اسوي تعبت والله من الهم !
وو لي دعوه لكل من يمر ولو بكلمه

>>>>> ردود الأعضـــــــــــــــــــاء على الموضوع <<<<<
==================================


استودعي الله نفسك وادعي ان الله يسترك دنيا وأخره
لاتوقفين حياتك ووافقي على الي خطبك بعد ماتستخيرين
وان شاءالله مايصير إلا كل خير عسى الله يسعدك


__________________________________________________ __________

استخيري ، واستودعي الله نفسكك ..

وخلي الوساوس والشكوك بعيدا عنكك ..

اكيد حذف الصور ، لان الشغلة صار لها زمااان ،، وياقلبي لاتخليه يخربط حياتكك ..

وينكد عليك، انسيه من عقلك ،، واستخيري الله وتوكلي على الله الواحد الاحد

والله يوفقك دنيا وآأخرةة. ❤


__________________________________________________ __________

السلآم عليكم ورحمة الله وبركآته
حبيبتي لآتجعلي حيآتكِ جحيم بسببه ، توكلي على الله وبإذن الله لن يردكِ خآئبة
قولي دآئمآ اللهم أسترني فوق الآرض وتحت الآرض ويوم العرض !
أيضآ كرري حسبي الله ونعم الوكيل اللهم من أرآد بي سوء فأجعل كيده في نحره
وإستخيري أولآ وأخيرآفمن إستخآر مآخآب ، لآتوقفي نصيبكِ من أجل شخص قليل إحترآم
بإذن الله ربي معآكِ ، ومآبنسآكِ من دعوآتي ، وخبرينآ عنكِ قلبي معآكِ
لآإله إلآ أنت سبحآنك إني كنت من الظآلمين


__________________________________________________ __________

كان الله بعونك
حبيبتي استمري بحياتك
ولو خفتي يفضحك كلمي حدا من خواته ..
او انسيه خلاص حتى لو عطاكي صورك الحين في شي اسمو فوتوشوب قوليلهن مو انا وخلاص
ربي يحميكي


__________________________________________________ __________

اقري الاذكار يوميا واستودعي نفسك
وقبل كل شي استخيري
لا تخلين ولد عمك عائق بمستقبلك انسييييه