عنوان الموضوع : مشكلتي المعقده.. -تم الاجابة
مقدم من طرف منتديات نساء الجزائر

مشكلتي المعقده..



السلام عليكم ورحمة الله وبركاته
إن شاءالله الكل بصحة وخير
انا بنت عمري 22 سنه وادرس بالجامعه
مشكلتي ان كل شيء مرتبط مع بعضه وللأسف أمي جزء كبير بالمشكله الله يطول بعمرها ويخليها لنا القصه من كنت صغيرة ماكانت امي تعطينا حنان ابد هي من النوع العصبيه والقاسية شوي الله يهديها ماتحضنا ماتقول لنا كلام حلو حتى بنتي او ولدي المهم تعودنا على اسلوبها لما وصلت مرحله المراهقه كانت امي من النوع اللي يخاف من العين بشكل ماتتوقعونه وللأسف بيئه اهلها اللي هم خالاتي كلهم كذا كبرت وربيت عالخوف وانه الناس راح يأذونا حتى لو كنتي متحصنه بالاذكار مايفيد بالنسبه لهم المهم كنت متعوده على هالشيء ولا اعطي امي او خالاتي اهتمام بالمدرسه من الابتدائي لين الثانوي كانوا فيه مجموعة بنات دائما يتمسخرون علي ويضحكون تنمر نفس مانقول وهالشيء خلاني جدا افقد الثقه بنفسي وصرت اكره المدرسه واخاف من هالبنات بعدين لما رحت الثانوي زاد عالمشكله انه بديت اتأثر من افكار امي وخالاتي الله يسامحهم تخيلوا لما يجتمعون كل كلامهم عن الموت وفلانه جاها سحر وفلانه بها عين للأسف ماعندي بنات كبري الا بمنطقه ثانيه فمضطره اقعد معهم بدا يجيني خوف ووسواس لدرجه صرت اخاف من الناس جاني اكتئاب بفتره من اول الى ثاني ثانوي الحياة حرفيا كانت سودا وتخوف الحمدلله على اللي كتبه لي ربي مااقدر اعترض اخذت له علاج لكن قطعته من نفسي ماتوقعت انه بيضرني اكثر الدكتور مانبهني لهالشيء الله يسامحه للعلم كان دكتور باطنيه مو تخصصه نفسي زادت الاعراض علي جاني قلق ونوبات هلع وخوف مو طبيعي صارت حياتي جحيم رحت لثالث ثانوي وانا نفس الاعراض واقول لامي ابي اروح لطبيب نفسي لانه كنت خلاص ما اتحمل ما تتخيلون قد وشلون هالشيء متعب ننفسيا وجسديا الطلعه من البيت كانت عذاب بالنسسبه لي لمدرسه اهل اي شيء كنت انتظر متى نرجع للبيت احس بموت احس الناس بيأذوني اكيد فيني عين اووسحر او شيطان او وا او طبعا كله من امي وخالاتي الله يسامحهم خلصت الثانويه بفضل الله وحده وبشق النفس كانت تمر علي ايام اتمنى ما اقوم بكرا من شده اللي اعانيه واعيد كل المعاناة يوميا ياربي لك الحمد رحت لدكتور نفسي بحمد الله بعد معاناة مع اهلي اننهم يوافقون مع العلم انه خالي اخو امي من ابوها طبيب نفسي وكانت امي تقوله تبيه يساعدنا لكنه رافض بحجه انه الاطباء النفسيين مايعالجون اقارب واكتشفنا انا وامي بالفتره الاخيره انه يعالج خالتي من رهاب وتصير اخته من امه وابوه المهم ماراح اسامحه الى يوم الدين وراح اخاصمه عند الله يوم القيامه يا ما ترجيناه كنت بحال مايعلم فيها الا رب العالمين ,بعدين اخذت علاج والحمدلله اموري تحسنت بفضل الله خلصت العلاج بعد سنه وشهور كان المفترض اتشافى لكن الحمدلله على كل حال رجعت لي الاعراض بعد سنه واللي زادني وحدني ارجع للدكتور مره ثانيه موقف صار بين امي وابوي للأسف علاقتهم رسميه ببعض وكل واحد مو مرتاح مع الثاني المهم دائما بينهم وهواش ومشاكل وهالشيء طبعا كثير مأثر علي باخر موقف انفجر ابوي ويقول كلمات انا نفسي حسيت بالاهانه وكان يقول بيطلقها وبصراخ وهواش انا خخلاص ماتحملت انهرررت قعدت ابكي حسيت روحي بتطلع ماقدرت اتنفس بحكم انه عندي قلق ونوبات هلع المهم الترم الثاني من هالسنه رجعت للدكتور النفسي وبديت علاجي من جديد وزدنا الجرعه عن قبل ياربي لك الحمد والشكر وش اقدر اقول الحمدلله الامور احسن من قبل بس لازلت متضايقه وكارهه اهلي احس هم سبب كل شيء انا فيه احس ودي اطلع عنهم اغير بيئتي اللي يزيد مشكلتي انه امي ابدا ماتتفهم علي على اني والله باره فيها ودايم اسمع شكاويها ومشاكلها واحاول اخفف عنها ماتعاملني باحترام يعني مثلا اذا صرت نايمه وطولت بالنوم وبحكم انه الحبوب العلاج اللي اخذه ينوم تقعد تهوش تقول قومي يالخايسه وومامنك نفع ووو واتركي هالحبوب وبس نايمه ووو على اني والله قايمه بشغل البيت ومو مقصره بشيء بس امي تحب تتحكم الله يصلحها ويمشي كل شيء نفس ماتبي وطول اليوم يروح صراخ وهواش الله يسامحها احس تحط حرتها من ابوي فينا وحنا مالنا ذنب دائما سلبيه وبس رايها اللي يمشي اذا جئ طاري الزواج تقعد تتطنز فيني تخيلوا تقول وش تبين بالزواج ولايسمعك ابوك بس كأني قايله ابي اصير عاهرة بسم الله علي وعلى المسلمين المشكله اغلب صديقاتي تزوجوا ماشاءالله وبعضهم جابوا اول طفل بصراحه ابي هالشيء ابي اتزوجج ويكون لي بيت خاص لو بكوخ مايخالف انا راضييه اهم شيء اطلع من بيئه اهلي مليت منهم وقسم تعبت نفسيا ماجابوا لي الا الامراض النفسيه الله يسامحهم المشكله كلما جبت هالطاري لو امي حتى لو باستهبال تسوي نفسها ماتسمع او تقوم تاخذ الموضوع بسخريه مو جد تحسسني اني بعنس او محد يبيني وفعلا الى الان ماجاني خاطب وهالشيء جارحني كثير لاني اسمع البنات ماشاءالله ياكثر اللي يجيهم وابوي غامض ورسمي مرة معنا ونفس امي يحب يدبر من دون ماندري يعني ما ادري صراحه هل يجيني خاطب ولا يقول لي؟ مرة قلت لامي اسأليه اذا احد جاني ودي اشوف اذا جد فيه احد او لا عصبت وقامت تهزأني كاني قايله شيء يكفر من المله لايسمعك ابوك وماقط خبرنا البنت تقول ههالشيء وتبيه ووو بعدين قالت كلمه جرحتني قالت اذا تبين تتزوجين اتركي هالحبوب تقولها بتحدي خنقتني العبره حسيت اني معيوبه ومو نفس باقي البنات رحت فووق وجلست ابكي جت وقلت لها ليش تحسسيني اني كذا غير عن الناسس انتم اهلي المفروض تساعدوني وتصيرون دعم وسند لي هالشيء ان شاءالله فتره مؤقته وبيروح انتم بس اصبروا معي ومع علاجي لانه حتى ابوي يتضايق اذا جى موعدي اروح للدكتور يقوول مو لازم ووو يحسبوني استهبل او اتفاول على نفسي؟ امي خلاص احس مو قادره اتفاهم معها احس شوي واكرهها انا اكبر عيالها وش فيها لو عطتني وجه وسمعت وش ابي وش فيها لو سولفنا بزواجي بالمستقبل حتى لو موب صاير مايخالف تطيبه خاطر واللي يحز بخاطري وياقف شوك بصدري معاملتها لاخوي الثاني اللي بعدي اصغر مني بسنتين بس فرررررق 180 درجه عني تخاف عليه وتكلمه باحترام وتسولف معه وتضحك وكل شيء ولا تجرحه وتعيي علينا نوصيه على شسء يجيبه لنا ماتبيه يطق مشوار توه جاي وجوعان وووو لدرجه مرة اخوي الكبير عصب على اخوي الصغير وصاحت عشان اخوي الكبير تقول بسم الله عليه عصب وهو مايتحمل ووو وانا اللي جتني امراض نفسيه وياما مريت باشيأء ياربي لك الحمد بس اكل تهزيء وصراخ هالشيء صار ينفرني منها اكثر خلاص وقسم مو قادره اتحمل ابي اطلع من بيتهم بأي طريقه ابي اتزوج هالشيء من حقي بس لا مااقدر اتكلم واقول وابوي علاقتنا معه رسميه مستحيل اقول له شيء نفس ككذا والله احس بتتعدل نفسيتي ان شاءالله لو بعدت عنهم الله يسامحهم بس كل اللي يعرفونه بحياتهم هواش وصراخ واخبار سلبيه وتضيق الصدر الحين اللي مضيق صدري اكثر احس ماراح اتزوج من بيقبل وحده عندها قلق ورهاب وتتعالج انا ادري ان ههالشيء عادي ونفس اللي عندهم سكر وضغط بس فيه ناس للحين الله يسامحهم يحسون انه الناس اللي تتعالج نفسيا فيها شيء ومايصلح يتزوجون على انه والله الحمدلله انا انسانه متفوقه دراسيا واحب الاناقه والاهتمام بالمظهر وانيقه الحمدلله ومملوحه بشهاده كل اللي حولي يمكن يعيبني النحافه بس والحمدلله اجتماعيه ولي علاقات وصداقات يعني مو انسانه نفسيه وبالبيت ومحب اطلع لحد لا , عشان كذا ابي اغير البيئه اللي انا فيها واتزوج يمكن ان شاءالله يفيدني بالعلاج اختلط بناس جديده وحياه جديده وتغيير جديد
انا ضايعه ما ادري وش ابغى تفيدوني فيه بس يمكن اخر جزء مشكلتي مع والزواج وتعاملها معيي يخلي استفادتي من العلاج اصعب

بالنهايه انا إنسانه مؤمنه باللي ربي كتبه لي وراضيه فيه ولا اشوفه شيء حرام او عيب واسأل الرحمن انه يجعله لي تكفير لذنوبي وزياده لحسناتي ودعواتكم انه الله يثبتني على طاعته ورضاه واياكم..

التمس منكم الكلمات الطيبه والنصائح الحانيه التي لم التمسها ولم اسمعها من ام حانيه او اخت كبرى عطوفه وجعل الله كلماتكم الطيبه في موازين حسناتكم()

>>>>> ردود الأعضـــــــــــــــــــاء على الموضوع <<<<<
==================================


الله يعينك
رفع


__________________________________________________ __________

اسال الله العلي القدير ان يفرج همك وهم جميع المسلمين ويزوجك عاجل غير اجل ...
واصبري واكثري من الدعاء والاستغفار


__________________________________________________ __________

الله يعينك


__________________________________________________ __________

مممم صراحة عجبني اسلوبك بالحكي الله يحفظك يا رب
وانا بصراحة مش عارفة شو بدي احكيلك يعني الله يكون بعونك مش قليل اللي صار معك بس والله يا قلبي ما في حل لمشاكلك الا انك تلجأي لربك وتدعيه هو ادبر فيكي
الزمي الاستغفار والتسبيح والدعاء والاهم قيام الليل حاولي قبل ما تتناولي الحبوب تصلي ركعتين لربنا وتفرغي بسجودك كل اللي بقلبك وهو اقرب ما يكون العبد الى ربه عند السجود
ادعي اللهم يا مقلب القلوب ثبّت قلبي على دينك
وكمان لا اله الا انت سبحانك اني كنت من الظالمين
اللهم اغننا بحلالك عن حرامك وبفضلك عمّن سواك
اللهم اكرمني بمن يقرّبني إليك
اللهم اني اعوذ بك من حب بلا زواج واعوذ بك من زواج بلا حب
استغفر الله العظيم الذي لا اله الا هو الحي القيوم واتوب اليه
الله يشفيك ويكون معك ياااا رب

وبيشرفني تكوني صديقة الي اذا حبيتي تبعتيلي طلب صداقة


__________________________________________________ __________

غآليتي
تقربي من الله ، إلزمي الدعآء والآستغفآر بإذن الله ستجدي الرآحه
موفقة