عنوان الموضوع : التأتأة والقضاء عليها وتحقيق حلمي
مقدم من طرف منتديات نساء الجزائر

التأتأة والقضاء عليها وتحقيق حلمي



السلام عليكم أرجو قراءه الموضوع كامل

مشكلتي مدري كيف أتكلم عنها ممكن تكون وراثه ويمكن شئ نفسي

أنا بنت عمري 24 مصابه بالتاتاه علي أيام المدرسة كنت أتحكم وأفكر وأركز بكل كلمه أقولها عشان ما تاتاه وتمر بسلام مع اني والله كنت اعرف الاجابات وادرس واحفظ القران خاطري اسمع بالصف بس إذا قالت لي المدرسة حافظه بس أقول لا مب حافظه واطلع اني الكسوله أو حتي سؤال واعرف الاجابه أجاوب مختصر ومره قلت شئ غلط بس المدرسة أضحكت علي الله لايسامحها عورت قلبي يومها المهم هاذي ذكريات قديمه .....


مشكلتي الحين كبرت ابي أكون اجتماعيه اسولف أتكلم بطلاقه حاولت وايد وانجح بس فجاه ارتبك واتاتاه اخبر وحده تقرب لامي كنا بخطبه بنت خالتي واسىلتني أخبار الوظيفة قلت للحين انطر الرد قمت اتاتاه والكل قاعد ويهي صار الووووووان انحرجت


والله هالشي محرج جداً أنا تاتاه فيني يمكن 20 بالميه بس تجيني وقت أنا في مكان جلسه مع الأهل مكان رسمي احد سألني كلمتني وحده فجاه ارتبك انحرج أخاف اغلط بالكلام مدري شنو الحل


افكر لو تزوجت زوجي شنو وضعه هل بيخاف علي بيوقف جنبي وبيكون هو الشخص الي ارتاح ويرتاح لي. مدري مع اني والله مب ناقصني. شئ بس إذا الله احب عبده ابتلاه أنا ابتلايت بالصدفيه والتاتاه بفضل ربي الصدفية تشافيت منها تقريبا بفضل الله وثقتي بالله.


بنات والله بحياتي مرات تالمت ومرات حزنت وبكيت امور تخص اهل امي حتي انخطبت صليت استخاره وانا وافقت وكنت مستانسه لانهم من اهل زوج خالتي ونعرفهم وقلت ابتسمت لي الحياه فجاه اهل الرجال قالت امه ولدي مايبي رفض مايفكر وانا خطبت له وهو مايدري وفجاه بكم شهر خطب وحده نعرفها بس هي ارفضته يوم امه قالت هالكلام والله يومها تالمت الم حقدت انقهررت انا والله كامله والكامل الله ليش يرفضني
ااه مدري ليش حياتي كذا

بنات حلمي اني أتزوج وافرح قلب امي وأبوي والله يرزقني برجل صالح وحنون ويسعدني واكمل دراستي الجامعيه بنات دعواتكم وكيف إتشافي من التأتأة


الله يرزق كل بنت بالزوج او زوجه محرومه من الضني بما تتمناه ويسعدكم خواتي لاتنسوني من الدعاء

وتقبل الله صيامكم وقيامهم ودعواتكم وصلاتكم وفمان الله

>>>>> ردود الأعضـــــــــــــــــــاء على الموضوع <<<<<
==================================


في أطباء يقومون بعمل عمليات
ابن خالتي كان مثلك وراح للهند والحين احسن من قبل
اسئل الله أن يرزقك بزوج صالح اللهم امين يا رب


__________________________________________________ __________

الله يرزقك ي قلبي


__________________________________________________ __________

الله يرزقكِ يآقلبي ويشفيكِ


__________________________________________________ __________

بنت عمي كانت مثلك بس كانت تتكلم وتستمر في الكلام حتى مع التأتأة كانت واثقه من نفسها والحين ماشاءالله بارك الله تحسنت كثير
يا أختي حاولي تعطين نفسك الثقه عشان تتحسني بإذن الله وحاولي تروحين عيادة لتحسين النطق وأسأل الله تعالى أن يشفيك ويفرج همك .


__________________________________________________ __________

حبيبتي انتي من تنحرجين اتصور تاتئين خاليج افقة من نفسج وربي يرزقج الزوج الصالح ويفرحج عاجلا غير اجل