عنوان الموضوع : ليه امي كذا مجابة
مقدم من طرف منتديات نساء الجزائر

ليه امي كذا



السلام عليكم ورحمة الله وبركاته

بنات انا متضايقه
امي مدري شفيها دايم تقلب علي
دايماً لاكلمتها او سولفت معها تقلب علي
والله اني صرت مااحب اسولف معها كل م اسولف
لازم تهاوشني او تاكلني بقشوري وانا ماكملت السالفه
او اذا كانت السالفه عني وعن شخص ثاني لازم يصير الشخص صح وانا غلط

والله ي بنات اني متضايقه
انا بنتها الوحيده والباقي اولاد وانا البكر
والي تحتي ب اول متوسط دايم اذا جا يسولف لها ولا يفضفض لها تسمع له وبكل انصات ومرات يقول مشاكله مع ولد عمتي ويصير ولد عمتي الغبط وهو الصح وبسبب هالشي اخوي صار دلوع امي واي شي بغاه سوته له طيران مع انه يسيء لامي بشكل موطبيعي ومرات يرفع ليها النعال ولا معلاق الملابس
وصار شايف نفسه ومغرور على الكل
امي دايم تلبي طلباته وانا لازم اذل روحي ذل عشان تشتري لي شي وبفلوسي بعد

وانا لو اسولف لها غصب انا الغلط ولا مره قالت سالفه صرت فيها الصح
ومره درت اني افضفض لصديقتي قامت تهاوشني وتقول انا الاقرب منها مفروض تفضفضين لي

واليوم كنت جالسه عندها بالصاله وقلت لها دريتي ان بنت عمتي قالت بنسوي قروب مع البنات بالواتس وقلت لها كيفك
قامت تهاوشني وتقول ليه تعطينها وجه بيجي يوم بتصير مشكله بتقول انتي الي قلتي سوي القروب(مع ان صحيح بنات عماتي ميتنعطون وجه بس اما ماقلت لها ايه ولا لا قلت بكيفك) حتى سالفتي ماكملتها عشان تفهم

طبعاً ماانكر انا دلوعة ابوي لاني الوحيده بس الابو مو مثل الام
انا ابي امي تصير مثل الاخت الي ربي مارزقني فيها ابي افضفض لها وتسمعني

بس للاسف امي ماكانت كذا قبل سنتين كانت غيررر كنها اختي واسولف معها واضحك والحين لا همها الوحيد اخوي مع ان اخوي يستغلها لان قلبها طيب وابوي عصبي مايلبي الا طلباتي

وقبل اسبوعين شريت عدسه جديده لكمرتي وبفلوسي بعد
وقبل مااكتب هالموضوع كنت جالسه اصور تصوير رمضاني ابنزله بالانستقرام
تجي تسحب مني الكميرا وتقول انا بصور انا بصور وخليتها تصور
قالت لي شلون تخلين مكان مغبش ومكان واضح قلت لها بالعدسه فريها وتظبط
وفرت وتركيز العدسه ماجا للي تبغاه قالت شلون يوضح الفانوس قلت مادري
(لان عدستي حقت العزل)
قامت تهاوشني زهقتيني ابي عدسه ابي عدسه ف النهايه ماتعرفين قلت لها اتوقع انها بفلوسي مو بفلوسك تجل لو بفلوسك وش بتسوين قالت تعلمي شوفي دروس بالنت(والله ي بنات الكميرا الي شاريتها لي مهي حلوه وشرتها كانها مغصوبه لان ابوي قالها اشتريها لها ومانئبط العزل ولا انا حللت كل مواضيع النت عن العزل)

والله انسدت نفسي ي بنات
لو حلستف غرفتي وعلى جهازي جاني ابوي قالي روحي عند امك بالصاله لاتجلسين بالغرفه بروحك ولا رحت هناك استلمتني هواش ب اتفه الاسباب

مرات اسكت لها ومرات ينفلت مني الكلام

هي عندها خوات تفضفض لهم وانا مالي الا هي وياليتها تستمع لي
ابي ارتاح وافضفض لها لانها امي بس على اي سالفه تهاوشني

اجل بالله تهاوشني عشان صدري صغير!!وش ذنبي انا طيب
انا شفت بالنت ان السبب بالهرمونات ولازم اروح دكتوره وهي لو قلت لها كذا بتجلس تهاوش
وابوي ملتزم لازم كل مكان اروحله هي معي


ادري هذي امي جنتي وناري ووالله اني احبها
بس مادري ليه هي كذا

الي ابي منكم تعطوني توقعاتكم ليه امي كذا فجأه قلبت علي

واسفه لو طولت

سلام

>>>>> ردود الأعضـــــــــــــــــــاء على الموضوع <<<<<
==================================


الله مستعان

رفع


__________________________________________________ __________

ممكن حبيبتي لانك بسن مراهقة تشوفين ان العالم ضدك ....
و امك لانها اقرب الناس لك يصير معها هالصدام المتكرر
شوفي يا اما انت مؤثرة عليك هرمونات المراهقة لانها تخلي الطفل و الطفلة يشعرو بمشاعر قوية و حادة اغلبها انهم يحسون بان اللي حوليهم ضدهم فكل شي او ما يحبوهم ..و الغريبة ان الوالدين هم اول ضحايا المراهقة .
و هناك احتمال ثاني ممكن امك تكون في مرحلة ما قبل سن الياس . هالمرحلة صعبة للست .. هرمونيا تتعببب ... و نفسيا و عضويا ... لذلك هي تصير تشعر بالوحدة و ان الناس بعدو عنها و محتاجة لهم و ممكن حتى تصير تحط راسها براس ولادها و كل هاد بسبب التغيرات الهرمونية ..
انا اقول هيك ولا هيك ..... اصبري على امك فانت زي ما تتكلمي انسانة واعية و عارفة مكانة الام عند الله ... اذا زعلت منك بوسي راسها اذا طلبت كاميﻻتك قوليلها تامر امر اذا هزأت وطي راسك و اسكتي .... هادي امك و يوم تروح تقولي ياريتها ترجع و تاخد كل اللي عندي ....
الله يسخركم لبعض و يهنيكم ببعض و يجعلك البنت البارة بامها و يجعل امك لك السند و الرفيق الدائم .. يارب


__________________________________________________ __________

حبيبتي بضل امك وغالية تقربي لها زودي من رضاها لو شوماعملت بالتوفيق يارب


__________________________________________________ __________


__________________________________________________ __________