عنوان الموضوع : تمنيت امنية وياليتني م تمنيتها!
مقدم من طرف منتديات نساء الجزائر

تمنيت امنية وياليتني م تمنيتها!



تمنيت امنية وياليتني م تمنيتها!؟

السلام عليكم ورحمة الله وبركاته ..
احبتي ودي اكتب لكم مشكلتي وأتمنى تخففون عني وتلقون لي حل ..
انا بنت عمري 14 من فترة تقريبا قبل اسبوعين او اكثر رحت العمرة و ف العمرة شفت الناس شلون تدعي وشلون تتعبد و ف ناس واضح مكروبين ويصيحون انا صح كنت اعبد ربي واستغفر واتعبد وادعي بس م كنت اصيح واستغفر الله تمنيت امنية ياليتني م تمنيتها تمنيت تجيني كربة او مصيبة عشان ابكي وارجع لربي وعقب ع طول استغفرت وتميت خايفة من هالشي ... عدت ايام العمرة بخير والحمد لله رجعنا البلد الي انا فيه .. امس بالليل اخوي قال لنا ان جاته رساله من مكان شغل ابوي انه يروح لهم باجر .. انا ع طول خفت يمكن يكون انهاء الخدمة (يتفنش) لان ابوي اصلا عمره عدى 60 بس اختي قالت تفاولو بالخير تجدوه المهم رقدت وقمت اليوم والا امي تقولي قومي ادعي ابوج تفنش مو عشان شي بس عشان عمره عدى 60 وصار 62 عطوه مهلة لين 1-8 وبعد قالوا له في مجال انك تقدم طلب تبقى سنتين ويمكن نوافق ويمكن لا .. انا ع طول حسيت باحساس م اقدر اوصف لكم وكنت ببكي بس قلت لنفسي انا اقوى من جي و م بكيت ( ملاحظة: انا من بنجلاديش بس انولدت بقطر وعايشة بقطر وكل حياتي بقطر بس سافرت لبلدي يمكن مرتين مدري ثلاث ) المهم انا كل حوفي دراستي ومستقبلي .. خواتي واخوي كلهم ماشاء الله تزوجو وفيهم الي كملو دراستهم ويشتغلون وبعضهم لسا ف الدراسه المهم انا خايفة من مستقبلي مرررره يعني انا لا قدر الله اذا خلاص بنسافر شلون بعيش والحياة هناك مرة صعبه بالنسبة لي انا ابدا مو متعودة ع حياتهم .. انا اسمي بالبنغالي يالله اكتبه شلون بكمل دراستي هناك والدراسة عندهم بالبنغالي والانجلش وانا امنيتي اني اصير مستشارة واخصائية نفسية واجتماعية واذا لا قدر الله سافرت بتضيع كل احلامي وامنياتي يمكن تقولون .. وابوي قالي اذا رحنا هناك بيفتح لي ف بيتا هناك زي مدرسة صغيرة احفظ قران ( انا خاتمة ولله الحمد) اعرف انه شي زين بس خايفة كثير من مستقبلي واملي وطموحي من كم سنة وهذا امنيتي .. قلت حق ابوي انا توني بخلص الاعدادي قالي يعني بتصيرين نفس امج وعماتج قدر الله وماشاء فعل .. الحين انا محتارة وودي اقترح عليهم اني انقل كفالتي مع اخوي (هو يشتغل وعنده بيت ومتزوج ماشاء الله) واسافر لهم بالاجازات ( انا هني بقطر يجوني طالبات واحفظهم قران والقى مبلغ الحمد لله قريب 1000 ريال يعني اقدر اجمع باذن الله واسافر بالاجازات بدون م اكلف ع حد واذا سافرت عادي امي وابوي يصرفون علي هناك كله اكل وشرب م احتاج اكثر .. بس ف نفس الوقت افكر اذا انا تميت هني امي وابوي بتمون بروحهم ومن بخدمهم لان زي م قلت لكم خواتي كلهم متزوجات ف عشان جي انا مررره محتارة مدري اقترح عليهم ولا لا .. ساعدوني وفقكم الله .. واعتذر ع الاطالة

>>>>> ردود الأعضـــــــــــــــــــاء على الموضوع <<<<<
==================================


الله يعينك يآقلبي
مدري أيش أقول إدعي إنهم يقبلون أبوك لمدة سنتين وبإذن الله تتحقق أحلآمك
وبموآزيين حسنآتك تعليمك القرآن
وتعلمتي إنك مآتدعي وهذآ خير لكم يآقلبي
موفقه


__________________________________________________ __________

الله يكتب لكم الي فيه الخير

ويوفقج


__________________________________________________ __________

الله إفك كربتك يارب ادعى وأستغفر الله


__________________________________________________ __________

لا تخافي ربي اعلم بحالك و دايما الي ربي يكتبه هوا اللي فيه الخير لكي فخلي ظنك بربنا انه بتجيكي من عنده أبواب رزق وبتنفتح لك أبواب ما كنتي تخيليها ،

ثانيا : احس مدام انك حابه تحقيق طموحك فحوالي تعملي قدر الإمكان ولا تستسلمي للظروف وخليكي وراء حلمك وأهدافك وربي بيعينك ، حاولي تلاقي حلول لانه لكل مشكله حل ، وحلول وسط ترضي الجميع ، حل انك تنقلي كفالتك على اخوكي حلو ومناسب ، وبأذن الله أبوكي بيتم قاعد بقطر ، يعني اذا اتفنش من الشغل بيطردوكم من قطر مو معقوله !! ، ان شاء الله بتتيسر وأهو الحل موجود انقلي كفالتك اذا لا سمح الله أبوكي بيرجع لبلده ، وانتي 14 سنه صغيره لسع ودائما ادعي ربي يكتب لك الخير أينما كنتي


__________________________________________________ __________

رفع