عنوان الموضوع : تعبت منه وحسبي الله علي الظالم -تم الاجابة
مقدم من طرف منتديات نساء الجزائر

تعبت منه وحسبي الله علي الظالم



السلام عليكم
يعلم الله ترددت كثير بالكتابه هنا لكن مشكلتي عجزت عن حلها وماقدر اقول لاهلي >> لان لو قلت مافي حياه لمن تنادي عند ابوي عيب ولازم الحرمه تصبر علي زوجه اي كان السبب


مشكلتي بدت من رجوع زوجته الاولي


انا تزوجت << الثانيه >> ومن تزوجته كانت هي عند اهلها زعلانه وطالبه الطلاق وماكنت ادري انها حامل تزوجنا وكنت اسعد وحده وكان مدللني والي ابيه يجيبه وماكان يحب زعلي ابد عقب الزواج باسبوعين تقريبا سالته وش سبب زواجك وياليتني ماسالت (( قال : تزوجت علشان آدبها ))
الكلمه جرحتني طبعا هو ماهو مننا ابد من نفس القبيله لكن الافخاذ غير

سكتت ورحت لاهلي حسيت بتعب واوجاع ورحت للمستشفي قالو لي حامل
انا رحت لاهلي زعلانه وهو مايدري وقررت ماارجع معه لكن يوم عرفت اني حامل تراجعت واستخرت اكثر من مره حسيت اني ابيه ومرتاحه له

مرت سنتين وزوجته الاولي طالبه الطلاق وماتبيه وكانت دايم ترسل له رسايل تهز البدن >> بنت عمه زوجته الاولي عندها بنت

انا بالفتره هذي جبت ولد وكانو اهله يحبوني ويموتون علي ويعلم الله اني ماشفت منهم شي ولاهم

حملت وجبت بنت وعلي طول بعد نفاسي حملت والحين لي 6 شهور حامل ورجعت زوجته الاولي من رجعت صارت المشاكل وانا صرت اتعب ويوديني لشيخ وقال الشيخ ان بينكم شي للتفرقه بعدها بشهر زوجي وداني لاهلي قال عجزت اتحملك روحي خلي يعالجونك
انهرت انا ليش فجاه تغير علي حتي كلامه معي قاسي واسلوبه بعد
جاء بعد شهر ورحت معه وطول الطريق وهو يهاوش يقول تبيني استحمليني ولاجيت اتكلم معه يسكتني واني انا الغلطانه وهو الصح
المشكله انه مطوع😭 وخاتم القرآن
صار لنا خمس شهور من رجعه زوجته
اهله كرهوني وطردوني وتهموني بشي انا ماسويته وكل مايجي زوجي يقولون له انها سوت وسوت والله والله آني برئه من كل التهم انا فوق بشقه وضرتي بجنبي بشقه
هو دوامه بعيد شوي ويجي بعد خمس ايام قبل مايجي زوجته تسوي سالفه وقبل مايروح كذالك طبعا كلها اتهامات باطله علي يجيني علي طول يضربني ويتغلط علي لما اساله يقول ليش تسوين لها كذا انتي وحده فضاحه وتدورين المشاكل وانتي قليله حياء لما ادافع عن نفسي يسكتني واذكره بالله وبالقبر يقول اي صيري ناصحه هذا انتي كذابه وماعمرك تغيرين >> اول مره يقول عني كذا قبل ماتجي كان يجنن ودايم ينصحني للخير واذا سويت يشجعني الحين عكس
حسيت ان في شي فيه وان فيه بلاء بس ماقدر اضلم قلت له نبي نروح للشيخ يقرا علينا اخاف عين او حسد (( مابينت له شي واني شاكه ان فيه بلاء تفرقه علي قوله الشيخ )) قال الشيخ لك ولامثالك


تحملته كثير هي دايم تهاوشه ويضربها لكن عادي يتحملها ويجلس عندها انا اذا جاني اسكت مع اني ادري مضلومه بس اسكت علشان عيالي هو يسوي اي شي بس علشان يزعل ويروح عند امه

قبل امس كان عندي وطلبته مقاضي رمضان قال لا مافي احد يروح اكتبي بورقه وهو دايم باخذني واذا رفضت يجبرني الحين لا
سكتت لاني وثقت انه ماياخذها لانه ماخذاني
شوي الا هي رايحه معه ومتقضيه لي جاب لي الاغراض ورفضت استقبله بحجه انه رفض اني اقضي لنفسي وهي قضت لي

وتهاوشنا وراح عند امه الا زوجته تقول لامه انه زعلت وماتبي الاغراض ومدري كيف خليه يوديها لاهلها ومن الكلام
نزلت تحت ابي زوجي لانه مايرد علي مكالماتي الا هو وهي والعجوز جالسين يوم شفتهم حبيت ارجع الا العجوز خذت عيالي وقالت انتي مانبيك انتي ماتستحين انتي روحي لاهلك وابو خالد يطلقك والعيال لنا

سكتت ورحت لبيتي جاني زوجي بعد ساعه وجاب عيالي ولدي يبكي بقوه واسمع صوته لكن مابيدي حيله

جاء المصون وقالي جهزي كل اغراضك حنا انتهينا انا ماتحملك وانا وانا
قلت له ابشر والله حسيب كل ظالم حسبي الله ونعم الوكيل جاني البارح الساعه 10 قالي خلاص انا بسامحك المره هذي ان تكرر شي حنا انتهينا قلت له ابي اهلي وخلاص طلقني اذا انت كذا قال لا ومشى لدوامه وخلاني يجي الجمعه

انصحوني وش اسوي وش افعل لان بجد تعبت وماني قادره اتحمل اشوف عيالي وبنكسر قلبي ،؟،

قال اذا تبين اهلك خليهم ياخذونك واذا طلعتي من بيتي لارجعين


حنا اذا طلعنا من الديره سمنه ع عسل لكن من اجي بيتي تصير مشاكل واحس يكرهني

ابي الشور تكفون

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوة الا بالله الله يعينك ويفرج همك
حسبي الله على كل ظالم


__________________________________________________ __________

قوليله ينقلك يسكنك بعيد عن ضرتك غلط يسكنك جنبها واكيد المشاكل بينكم مابتخلص رووحي لبيت اهلك واشرطي عليه يسكنك بعيد عنها ومايجمعك فيهاا مكااان ...ويكفي هالظلم اللي صااارلك لازم تحطين حد للموضوع ولاترجعين الا بشروط انه يسكنك بعيد عنها وانها لاتتدخل بحيااتكم واذا مارضى الطلااق اخر شي


__________________________________________________ __________

الظاهر ان فيه سحر تفرقه لو ما قدرتي تروحي للشيخ رقي نفسك وبيتك وزوجك بنفسك واصلا وجودك انتي وضرتك بجنب بعض اكبر غلط


__________________________________________________ __________

سحر تفرقه حسبي الله على كل وحده ماتخاف الله
ان شالله الله بينصرك وسحر الحقيره بينقلب عليها
انتي بس كرري حسبي الله ونعم الوكيل


__________________________________________________ __________

هو باين من سرد القصه إن هناك حلقات مفقوده ما ذكرتيها لكن بما ان كل اهله موقفهم موحد من جهتك أنصحك بشده تكسبي والدته في صفك لانها هي تعبي راسه عليك وهو بالنهايه ملتزم ومطوع يعني كلام امه مثل القرآن عنده تمسكني حتى تتمكني بالكلمه الطيبه وحتى لو بالنفاق مو مشكله لا تنتقدي امه ابدا دايم امدحيها قدامه واظهري احترام كبير لوالدة وحتى لو كنتي مظلومه دوددي لوالدتة باستمرار واثني عليها ومجديها لان مستقبل حياتك الاسرية مرتبط بها وأتركي الاوهام وسحر والكلام الفاضي ولا تفتحي على نفسك طريق للشماته بحيث يقولون اهله وش تبي فيها عليها جن مسحوره مريضه مجنونه هذه التصرفات من قبلك والإيحاء له بانك مسحوره حتى يقف في صفك ليس في صالحك ابدا بل يستخدمها اهله ورقة ضغط عليه لكي يقوم بتطليقك اوقفي الحرب من قبلك وكوني مسالمه وتقربي لزوجك وإعلمي أن الكلمة الطيبه تفعل ما لا يفعله السحر