عنوان الموضوع : يا مجتمع اتركوا عنكم سالفه الحجز مجابة
مقدم من طرف منتديات نساء الجزائر

يا مجتمع اتركوا عنكم سالفه الحجز



انا وحده من ضحايا الحجز .. ضايعه بسبب هذي السالفه انا مع خطيبي بالجامعه وندرس مع بعض و قليل مانكلم بعض بروحنا بس اغلب الاوقات في المشاريع والمناقشات مع بعض .. هو محجوز لبنت خالته بس هو يبيني انا وبعد كل الفوضى اللي صارت و المشاكل اخذني .. بس الحين انا اللي تورطت .. خالته قاعدته تشوش عمتي (ام زوجي ) مع ان هي متقبلتني وتحبني حتى الطبخ تقول انتي عروس لا توصخي نفسك و دائما اقعد معائهم بس الليل اقعد شوي مع خطيبي وارجع البيت

(ملكنا احنا وصار زوجي بس بالبحرين عقب الحفله نصير ازواج )

صارت توزها علي وتقولها اني من قبل مو زينه ومن هالكلام و تقوولها اني ناويه اطلع برا البيت مع زوجي و احس ام زوجي دخلت هالافكار ببالها و ساعات اقدر امحيها مثل اني قلت لها لو شنو بضل وياج وانا احبكم و انا صد احبهم

وبنتها لا اله الا الله جميله فعلا فعلا يمكن اجمل مني بس خبيييثه

تقعد قدام زوجي بدون عباه ولابسه لقنز و بلوزة شوي طويله وضيقه

حتى اخواته متضايقين من لبسها

انقذووووووونيييييييييييييييييي الحل مابي اخرب علاقتي مع عمتي اللي مثل امي

>>>>> ردود الأعضـــــــــــــــــــاء على الموضوع <<<<<
==================================


الله المستعان


__________________________________________________ __________

كرري حسبي الله ونعم الوكيل


__________________________________________________ __________

الله يعينج انتي توددي لعمتج وجيبي لها هدية وخدميهت وعبري عن حبج وكذا وان شاء الله تتقبلج ودايما رددي ( اللهم اكفني شر خلقك)


__________________________________________________ __________

اكره هل سالفه فلانه محجوزه لفلان ولا عكس طيب وش يدريكم ان يبها اكره ذا سالفة احس تخلف

وانتي ماعليك ماادم ملكتوا صار زوجك وام زوجك عامليهم كويس وبين لها انك بنت خلوقه ومحترمه

وان كلام الي يوصل لها غلط وكرري حسبي الله ونعم الوكيل والله يكفيك الشر


__________________________________________________ __________

لا حول ولا قوة الا بالله
الله يبعد عنك شرهم دائماً الجأي لربنا وادعي ربنا يحفظك من شرهم