عنوان الموضوع : محتاره انصحوني وجهوني يا أمهات وأخوات
مقدم من طرف منتديات نساء الجزائر

محتاره انصحوني وجهوني يا أمهات وأخوات



السلام عليكم اول شئ مبارك عليكم الشهر مقدما

أنا محتاره وأبي رأيكم بنات

أنا بنت عمري 25 الحمدالله طيبه وجميله مب مدح بس هذا الواقع من فضل ربي من زمان محد تقدم لي آخر مره بشهر 11 2016 ومر أسبوع وكنت بوافق بس رجال غير رأيه وأمه تاسفت وتفاجات انه من بعد كم أسبوع خطب وحده بس هي ارفضته ...... هذا مب موضوعي. وتألمت من الموضوع وايد لانه أكيد في احد خرب من أهل أمي لأنه قلبهم اسود. . بس الحمد الله خيره



الموووووووضوع

امس أنخطبت اتصلت نسيبه خالتي أم زوج بنت خالتي المهم كلمت خالتي قالت وحده من أهلي تبي تخطب فلأنه بنت اختج تقصدني المهم قالت هي عندها ولدين واحد مواليد 85 والثاني 86 واحد فيهم متخرج من بريطانيا وناس ما شاء الله تقول خالتي عندهم خير المهم قبيلتهم القبيسي . قالو يبون بسرعه تصير الخطوبه رسميه بس كلام يعني لانه لزم تحاليل قبل العقد المهم عشان ما باقي شئ علي رمضان أمي قالت لي صلي استخاره شوفي وأختاري من تبين وأنا محتاره ماعرف عنهم شئ لين تجينا امه وتعلمنا بكل شئ وخالتي تقول اذا وافقت بنتج بخلي زوج بنتي يسىل عنه وأنا محافظه علي صلاه الوتر والقران واقراه البقره كله ليله لدرجه اختمها بالاسبوع مرتين الحمدالله والأذكار وادعي بالزوج الصالح كل ليله ..


بنات أنا من شوي صليت استخاره حسيت شعور عادي كنت مساعه خايفه كأني عطشانة ومرهقه يمكن من الخوف واحين راح الخوف والتعب مدري شنو أقرر وشنو أسوي ومحد ينصحني بالبيت أمي مره تقول اخذيه ومره تقول لا ماله اصل إماراتي وتوهقت أخاف أكبر وما تزوج إلا بسن كبير علي ثلاثين مثلا




كل البنات من يلي بعايلتنا تزوجو والي حامل والي عندها اعيال ومدري

وأنا نفسي أجهز لعرسي وافرح وأسس عائله واجيب توأم ودي من قلب
بس خايفه من المجهول خايفه اتفشل وانحرج قدام أهل أمي

بنات انا فيني صدفيه بس الحمدالله ارقي نفسي خفت واجد وتقريبا تشافيت منها بفضل ربي وبعد فيني تاتاه خفيفه وتجيني إذا كنت بموقف والكل يطالع وأنا أتكلم ارتبك ) الله إذا احب عبده ابتلاه والحمد الله

أنا طبعي حساسه ومابي شئ يعور قلبي

أخيرا أدعو لي الزوج الصالح الي يسعدني ويحطني بعيووونه وأكون سعيده معاه وأهله يحبوني

>>>>> ردود الأعضـــــــــــــــــــاء على الموضوع <<<<<
==================================


الله ييسر امرك انشاء اللهويفرجها عليكي ...
عند الخوف والارتباك اقري اية الكرسي كثيييير مفيدة.ولا تخافي لانه الله ما يعمل شي الا وفيه خير وانتي مؤمنة خلي ثقتك بالله كبيرة في قلبك ولا تخافي من شي.


__________________________________________________ __________

الله يرزقك الزوج الصالح ويوفقك ويسعدك


__________________________________________________ __________

الله يسهل امورك ان شاءالله و ان كان فيهم الخير و بأهلهم
الله يجعل واحد منهم من نصيبك ..
بس افضل تسألوا عنهم بين العرب و الاخير لك و لدينك اختاريه
توكلي على الله ووافقي و إن شاءالله تتم الامور بخير


__________________________________________________ __________

خلي ابوك ولا اخوانك يسألوا عنهم كويس وانتي استخيري والله يوفقك


__________________________________________________ __________

الله يوفقك ويقدم لك اللي فيه الخير غآليتي