عنوان الموضوع : زوجي وزوجة أبيه -لصحتك
مقدم من طرف منتديات نساء الجزائر

زوجي وزوجة أبيه



السلام عليكم

اخواتي الكريمات بختصر الوقت وأدخل في الموضوع

انا ولله الحمد تزوجت قبل 7 سنوات من رجل يحبني واحبه ومحافظ على صلاته ودينه واخلاقه وكل شي... بس اكتشفت بعد ثاني سنه ان زوجي مريض نفسيا .. واحيانا ما ينام بالليل ودايما يعاني من الأرق..

ومع السنوات بديت ابحث في الموضوع واحيانا ألمح له (لانه ما يبغى أي احد كان انه يعرف) وفي النهاية عرفت وتأكدت انه ماهو مريض لانه مريض فعلا .. لكن هو تعب نفسيا بسبب ضروف سيئة مرت عليه بطفولته..

الجزء الأول
زوجي توفت والدته وهو طفل يمكن رابع او خامس ابتدائي وعمره الان حدود 35 سنه وكانت أمه مريضة ودايما تطيح قدامه وقدام اخوانه وتتنوم بالمستشفى واخوانه صغار مايفهمون بس هو كان يفهم ويعرف ويحزن عليها ... والسيء الأسوء انه ابوه كان فيه مدري سحر او مس وكان دايما يضرب امه ويرميها عند اهلها لوحدها والاولاد عنده وهكذا الين تهدورت حالتها الصحية وماتت.

فزوجي لما كان طفل تعذب من مرض امه وكيف كانت تتألم قدامه وكذلك من معاملة ابوه السيئه لها...


الجزء الثاني:
ابوه تزوج وحده ثانيه وكانت شيطانه بكل ماتعنيه الكلمه.. أمام الناس تسوي انها متدينه وتخاف الله فيهم وداخل البيت كانت قاسيه معاهم (لكن مع زوجي مجرمه ) لانه كان الكبير وهو اللي يفهم... فبدأت في تعذيبه وتخويفه انه ابوه مجنون وانه راح يذبحك ويقطعك ويرميك ومن هذا القبيل...
تخيلو درست البيت وشخصية كل واحد وعرفت كيف تسوي مشاكل لا حدود لها
المشكله انه ابوه لما كان تجيه فترات المرض كان يضربه ضرب لايمكن احد في العالم يضرب بالطريقة اللي سمعتها لدرجة اني سمعت انه كان يجلس بالاسابيع يعاني من جروحه من آثار الضرب..

الجزء الثالث:
مع الايام بدأت تحسن علاقتها مع اخوان زواجي عشان تثبت للناس انه قليل ادب وهي ضعيفه فالناس تقول ماشاء الله شوفو العمه هذي الضعيفه تعاملهم زي اولادها ... ولكن داخل البيت تحرض ابوه عليه .. وتفشله قدام الناس بل اني تفاجئت من اقاربه يقولون كنا نعرف كل عيوره والاسماء السيئه اللي سمته عشان تعقده واي خطأ يسويه تمسح به الارض وتعلم في كل الناس يدون استثناء..
المشكله انه ابوه دايما يشغله في اي شي في البيت واخوانه الاشقاء وغير الاشقاء مايتعبون انفسهم بشي ولايمكن يصلحون حتى لمبه
يوم كبير زوجي اكتشفت زوجة ابوه انه كان يحب وحده ( غيري) وانا الى الان مسويه نفسي ما ادري وبدأت تخرب عليه وتأثر في أبوه الين خلتهم يفسخون الخطوبه وبعد ماتوظف بدأت تضغط على ابوه انه يحول فلوس ويساعدنا في اخوانه واخواته
وبدأت تحرض اخوانه عليه واخواته
تخيلو يحرم نفسه من كل شي عشان اهله وفي المقابل يجحدون كل شي يسويه...
بل انه كان يروح يشتري اغراض للبيت ويوديها لبيت ابوه وتجي زوجة ابوه وتاخذ الاغراض وتدخلها المطبخ بسرعه عشان ما احد يعرف انه جاب شي ... واذا احد من الاولاد الثانين تخليها كم ساعه عند الباب عشان تمدح فيهم وتقول ما شاء الله فيهم خير وبارين في ابوهم وامهم..
وهذا اللي تسويه فيه خلال 3 سنوات شفت كل شي بعيني ... زوجي يبذل ماله وجهده ووقته عشان أهله وفي الاخير تجي وتعبي روسهم انه مافيه خير وما يبي أهله.


الجزء الرابع:
يوم تأكدت من الامور اللي تسويها معاه وصارحتها تخيلو طارت عليه وحسيت انها شويه وتضربني بعد ( لانها من النوع اللي متحكم بالبيت كله ومتسلطه وتكذب دايما وتحلف كذب وتحقد اذا احد قالها حرام عليك ) ومن بعد ما قلت لها حرام عليك زوجي مهما يسوي في البيت تحاولين تخفين معروفه ولو احد غيره دخل ومعاه علبه لبن مدحيته اسبوعين للناس كلها ... وبدت تصنع البكاء وتقول انا مسكينه تعبت منه وهو ما يبيني وكم عذبني ...
والحين قامت قلبت اخوانه واخواته على زوجي وعليه ... بدأو يتفقون علينا ويدسون لنا المكائد .. والله تعبت وانا لوحدي ضد هذولا كلهم
تخيلو صرت ابكي اذا عرفت اننا بنروح لهم حتة ولو يوم واحد لاني عارف مستحيل نروح الا تسوي لنا مشاكل وتهينني هي وبناتها
كلمت ناس كثير من اقاربه يوقفون مع زوجي ويقولون كلمة الحلق لكن اكتشفت انه كل واحد همه نفسه وبس

والمشكله ان زوجي بدا يرتفع عنده الضغط ويتساقط شعره ويسرح دايما واذا زعل ترجف يدينه ومع ذلك فهو حنون جدا جدا وقلبه طيب ويخاف الله ولو احتاج احد من اخوانه اي شي على طول يوقف معاه


وبعد ما يأست من الناس اللي حوله واقاربه بدأت باخواته قلت يمكن يخافون الله ولكن قلبو عليه واتهموني اني انا احرضه عليهم وانه هو اصلا مايبي احد

بعدين رحت كلمت حريم اخوانه ونفس الكلام ماقدرت اخلي أحد يوقف معاه

ولكن مع السنين ابو زوجي اكتشف انه في مكائد تصير ضد زوجي وصار بعض الأحيان يوقف معاه .. لكن المشكله انه ماعاد احد يخاف من ابو زوجي ولا احد يحسب له حساب


انا يا اخواتي اكتب الكلام هذا من اكثر من ساعتين كل شوي اوقف وابكي.. واتذكر المواقف اللي مر فيها وابكي

زوجي كان حاس انه غريب وهو بداخل بيته
زوجي كان يبلل فراشه من الخوف والعنف الين صار بالغ وهو يعاني
زوجي كان جيعان في بيت ابوه وماكنت تبقي في المطبخ لقمه عشان يوصل لها
زوجي كان يحس ان ابوه بيتخلص منه في اي لحظه
زوجي ماكان يلاقي حتى الملابس الزينه مع اخوانه واخواته يلبسون احلى لبس
زوجي ما كنت تخلي معاه لا هدايا ولا فلوس ولا شي حتى السياره ماخلت ابوه ياخذ له زي اخوانه الا لما قرب يتوظف
زوجي مر عليه فتره ماينام الا بحبوب
زوجي مر بأمور سيئه جلست سنين أدرس وأبحث واسأل دكاتره قالو يبغى له سنين من العلاج السلوكي المعرفي لان الحبوب ما تنفع لوحدها






انا وربي عطيته كل الحنان اللي يحتاجه لكن انا حاسه ومتاكده انه محتاج اكثر .. ترى ماهي سهله ان الواحد يكون واقف لحاله



اخواتي قبل المشوره وقبل اي كلام ابي من كل من يقرى كلامي هذا انه اول شي يدعي لزوجي

الله ينصره على زوجة ابوه وكل من وقف معاها عليه...

>>>>> ردود الأعضـــــــــــــــــــاء على الموضوع <<<<<
==================================


ياحياتي الله يفرررررج همه
واهنيك على وقفتك معه يابنت الاجاويد
تري انا اشابهك بشغله وحده وهي ان زوجي عاش يتيم ووضعه المادي صعب جدا وانحرم من شغﻻت كثير
اﻻن احاول اعوضه بس مدري كيف


__________________________________________________ __________

لاحول ولاقوة الا بالله والله اني بكيت الله ينصره يارب على كل واحد ظلمه حبيبتي اللي يمر فيه زوجك شي مكتوب من الله مو من الناس فليش انتي تدورين الحل عند الناس وماتلجئين لرب الناس صدقيني الدعاء آخر الليل له تأثيره والاستغفار واهم شي تظلين جنب زوجك لانه يحتاج العلاج اللي فقده من صغره اللي هو الحنان واقري عليه عند شيخ ترى القراءه مو بس على المعيون والمسحور القرآن كلام الله له تأثيره على جميع الامراض الجسديه والنفسيه
واذا تقدرون تنقلون من المدينه اللي انتو فيها وتغيروا ارقامكم وترتاحوا منهم ومن اذاهم لان العلاج للامراض النفسيه اول شي تنحل المشاكل اللي مسببه له هالنفسيه وبعدين يعالجون ماسببته المشاكل من اثار على المريض ..
واخيرا الله ينصركم يارب وبضل ابدعيلكم


__________________________________________________ __________

ياعمري انا والله بكيت لما قريت موضوعك
لكن اختي انتم الآن متزوجين ومستقلين
بإمكانكم أن تستغنوا عن الناس وعن أهل زوجك بالذات
يعني خلوا زيارتكم في الشهر مره أو بعد شهرين
الشي الثاني مهما كنتم محتاجين لهم لاتبينوا لهم والعروض انكم في غنى عنهم
وعلى قول المثل صر بعيد تصير حبيب
وانصحك تبثي الأخبار انكم مبسوطين وأحسن حال حتى لو أنكم عكس
كما أنه ليس واجب على زوجك الصرف على أهله وهم هكذا يجدونه
خلاص ﻻ يصرف عليهم

أختي انا على أتم استعداد اني أوقف معاكي ويعطيك آراء والله يعلم الله اني مقهورة من الداخل عليكم
مع العلم اني اشوف الأمر سهل انكم تتحولوا من موقف الضعف إلى القوه


__________________________________________________ __________

الله يخليلك زوجك وينصررره على هالظالمه زوجه ابوه ....اذا ماعنده احد يوقف معاه انتي اللي وقفتي معاااه انتي حرمه عن عشر رجااال واصيله بنت رجااال .....زوجك انظلم ظلم موطبيعي والله ينصرره وينتقم له منها حسبي الله ونعم الوكيل ماخلت له شي حتى ماخلت له اهل ....الله لايوفقها ...حبيبتي اذا زوجك ماعنده اللي يوقف معه ويحميه انتي كوني له عوون في شدته وتقرربي منه واحتوويه هو يحتاااجك كثيرررر ....قلتي انه انحرم من وحده يحبها لكن ربي عوضه فيك ...ربي عوضه بوحده اصيله وتخااف الله وتحبه ....والله يخليكم لبعض انتي وزوجك...الخوف انها تفرقكم موبعيده هذي ماخلت احد من اهله وبعدته عنه وقفيها عند حدها اذا هي ملسونه وعينها قويه خلي عينك اقوى .....الله يفرررج همك


__________________________________________________ __________

الله يخليلك ياه ويحفظه ويبع عنه كل سوء يارب
حبيبتي انتي حاولتي وعملتي يلي عليكي
خلص استقلو لحالكم اقطعو علاقتكم فيها
وبس مشان صله لرحم يبقى خلي والده يزوركم