عنوان الموضوع : زواجي بعد اسبوع واربع ايام وخايفه.. الطبيب يجيب
مقدم من طرف منتديات نساء الجزائر

زواجي بعد اسبوع واربع ايام وخايفه..



انا الحمدلله كنت متينه ونزلت كثير كان وزني 74 وصار الحين 64
المشكله مش هنا الحين صار في جسمي ترهل في الزنود وفي اسفل البطن وعندي زوايد من الجنوب والارداف من الداخل مره مترهله مع اني كنت امارس الرياضه من اول ما ملكت بس ما شفت نتيجه لان الترهل في الجلد يمكن مش في العضلات
هذا غير التشققات في الركب والبطن والارداف وزنودي من فوق واستخدمت كريم من الصيدليه اخذته برضه من اول ما ملكت للتشقات وماشفت نتيجه ملحوظه اللهم صار ملمسها انعم من قبل لكن لسا واضحه
والمنطقه الحساسه سمراء عندي واحد الاشفار الداخليه طويل ولونه اغمق من المنطقه ومائل للسواد وخفت يشك فيني باني كنت امارس العاده السريه وانا ما عمري سويتها ولا عرفتها الا من قريب لما بديت الاحظ الاشفار الداخليه وقريت في المنتديات انها بسبب العاده بس الدكتوره تقول طبيعي جدا في حريم كثير كذا
جربت كريم تقشير خفيف جدا الدكتوره وصفته لي سبب لي التهابات شديده وافرازات غير طبيعيه وقفته لحد ما خفت الالتهبات بس الافرازات لا زالت مستمره وهذي مشكله ثانيه رحت عند طبيبه نساء وولاده مع امي وقالت لي انها طبيعيه بما ان لونها ابيض ومافيها ريحه او تسبب حكه بس المشكله كثيره ومستمره وما توقف طوال الشهر يوميا وبكميه بسيطه حتى الصلوات صرت اوضي على كل فرض وعانيت اكثر شي لما رحنا مكه لمدة 4 ايام كنت لازم ارجع الفندق واوضي لكل فرض حتى بين المغرب والعشاء وعانت امي معي لان اول كنا ننزل الحرم من صلاة العصر وما نطلع الا بعد صلاة العشاء
استخدمت ليمون وسكر مع مرطب وسبب لي حساسيه حبوب صغار وسمرت اكثر بس لما وقفته رجع اللون الاول الحمدلله
والصدر ايضا مترهل مع نزول وزني حتى اني تمنيت اني ما نزلت وزني مع اني فرحانه بجسمي الحين اكثر مت قبل بس من فوق الملابس

يعني ما اهملت نفسي وش اسوي

بالعربي يعني عروس وجسمي مرره مشوه كيف اقابل زوجي بهذا الشكل حتى ملابس داخليه انيقه ومغريه ما قدرت اخذ لانها تبرز عيوب جسمي شريت اشياء حلوه ومناسبتني طوال اليوم بس المشكله لما يشوف جسمي من غير ملابس اخاف يشمئز مني من البدايه وممكن يطلقني او حتى لو ما طلقني ممكن يجلس معاي غصب عنه عشان اهلي لانه يحسب حسابهم والناس

والله ماني قادره استمتع زي اي عروس واعيش ايامي بفرحه واجهز الاشياء الحلوه الي كل عروس نفسها فيها بس عشان جسمي احس اني مقيده حتى فستان الزواج تعبت لحد ما لقيته لان عندي زوائد على الجنوب تخلي اي شي ضيق البسه يطلع بشع حتى لو كان حلو بس الحمدلله لقيت فستان يناسبني بعد جهد جهيد وغير التعديلات الي اضفتها عشان تخفي زوائدي


ساعدوني وخصوصا المتزوجات كيف ممكن تكون نظرة زوجي لي بحكم تجاربكم وعشرتكم مع الرجال لو بطفي النور مثلا في الايام الاولى لو رضي مستحيل يرضى طول الايام يكون طافي لان من حقه يشوف جسم زوجته والله انا راحمته لان بيتزوج وحدها جسمها خربان هل الرجل ولا تقولون اذا كان يحبك ما بتهمه ذي الاشياء بس مشكله اخرى ما مداه يحبني او يتعلق فيني لان تواصلنا جدا جدا ضعيف اللهم رسائل على البلاك رسميه جدا دعاء وتصبيح وتمسيه فترة الملكه كانت 4 شهور

>>>>> ردود الأعضـــــــــــــــــــاء على الموضوع <<<<<
==================================


حبيبتي منو قالك ان الرجال يقعد يدقق على هذي الأمور وقت الجنس

انتي مكبره الموضوع

مو لهذي الدرجه ومستحيل يطلق لهذا السبب


__________________________________________________ __________

لاتشيلي هم والله اني مثلك نحفت قبل الزواج وطلعت لي تشققات في بطني واعلى فخوذي وركبي والمنطقه اللي تحت نفس وصفك سمرا وذا طويل بس الحمدلله ماقال شي بالعكس مبسوط من جسمي ومن ذاك المكان اكيد بينبسط لانه اول مره في حياته يشوف شي ع الطبيعه فمهما كان الشكل او اللون راح يعجبه وبالرغم من كذا على ان جسمي فيه تشققات الا اني البس ملابس مغريه ولاهمني ..والله اني كنت شايله هم مايعلم به الا الله من جسمي لكن الحمدلله ماعمره ناقشني او قال شي حتى لو مزحه يابنت توكلي على الله ولا تهتمين في ذي الاشياء


__________________________________________________ __________

الله يتمم عليك
وربي يهنيك


__________________________________________________ __________

ي قلبي والله ضاق صدري عليك
شوفي بنصحك بعض النصائح إن شاء الله راح يمديك تسوينها اول شي روحي
اي دكتوره جلديه وتسوى لك الليزر لشد الترهلات البطن والأفخاذ يصير جلدك مشدود اوك لحقي عمرك
والمنطقة استمري على ماء ورد ونشاء لاتخلينها الا ليله الزواج عشان المنطقة تتفتح
والسمار فينا فينا بس على الأقل تتفتح لو شوي وبالنسبه لإفرازات أتوقع انها طبيعية
بلا ي قلبي سوى اللي قلتلك عليه وادعيلي


__________________________________________________ __________

لاتحاتين وﻻتخربين فرحتك استمتعي
بالنسبه للخطوط بتروح مع الوقت ان شاء الله
وفيه كريم اسمه زبدة الكاكاو بالمرز لشد الجلد بعد الولاده
استخدميه وان شاء الله تدريجيا تخف وخلك على نظام غذائي معتدل لاتخربينه عشان الزواج بس زوجك اذا جبرك قولي معليه حبيبي هذا اكلي لآ تتحمسي اذا قال عشاني هههههههه امزح معك بس ترى جد بنات كثير خربو رجيمهم بعد الزواج
واستمري على تمارين شد الجسم والمشي وترى نوع قليل من الرجال يدقق
اهم شي اضواء هاديه واللمبات الصفر او اباجوره ومع الأيام تتعودين وبيصير عندك عادي باللمبات

وموفقه