عنوان الموضوع : حرمني من ابسط حقوقي ورضيت الطبيب يجيب
مقدم من طرف منتديات نساء الجزائر

حرمني من ابسط حقوقي ورضيت



اول شي اعرفكم بنفسي انا بنت عمري17 سنه ثاني وحده قبلي ولد والباقي البنات المهم ي ناس ابوي ظالم ظ ا ل م م يخاف ربة ! حرمني من ابسط حقوقي ورضيت! لكن 24 ساعه يدور مشاكل لو يشوفني جالسة لوحدي يطلع لي مشكلة كلها حاجات تافة!! يكرهنا مدري ليه بالذات ويكذب ويناق! معليش لحد يقولي لاتقولي كذا بس عشان اوصلكم المفهوم اتخيلو مرا اشترا لن خبز بريالين اخخخخ جلس يقول ل صحاب البقالة شوف شوف كثير ذا الخبز انا اشتريلهم دايمن وفرحان وحق البقاله انشق من الضحك ويروح يتصل ع اصحابو يجيب اي شي عشان يسالوه فينك؟ يقول دوبي اشتريت لهم خبز بريالين محسسني انو ملكنا الدنيا م خلى احد م علمو ولو يشتري لنا اي شي يسوي نفس الحركة المشكلة انو بخيل لدرجه محد يتخيلها!! والله العظيم مايدينا فلوس ابدن ولا عمرو الا وقت العيد يدينا 500 واحنا6 بنات ومع امي بالله ايش تجيب 500 لنا كلنا ؟ معليش هوا راتبو فوق العشرين كل شهر يشتري كل شي لنفسو ويشتري ملابس وجزم وعطر وساعه وشامبو ويفعل ويشتري جوال ؟ ويزبط سيارتو طيب واحنا؟ مع انو م يحتاج اتخيلو كل شهر لازم ذي الاشياء طيب واحنا معيشنا عيشة الفقراء يمين بالله لو انو ع قد حاول والله نرضى لمكن فوق ذا كلو يصرخ ويضربنا ع اتفة شي يحاسبنا ولو م سمعنا كلامو حتى لو ف شي غلط يذبحنا ومسوي هوا اللي يأمر وهوا اللي محد قدو خلنا خوافين زرع فينا الخوف اتخيلو أخويا طلع خواف بشكل وهو أكبر واحد ومجتمع العيال معروف كيف بيكمل حياتو الله يستر ابوي كان عايش ف الطائف عملت هناك واحنا بجده مع امي جلسنا هناك عشان أهل امي يعني من يومنا متعودين ع امي كان يجينا كل خميس وجمعه وف الاجازات ذا الوضع من يوم إحنا صغار وكنا مرتاحين كنا نخاف لما يجي بس يضربنا ويصرخ علينا واحنا ماندري ايش سوينا كان يضرب امي لما نشوف جسمها كلو اخضر من قوه الضرب وتقولنا أبوكم م ضربني ذا انا طحت! كان يخليني اللبس عباية واغطي وانا سنة ثالث ابتدائي كنت صغيره مرا شكلي صغير حتى ذحين لما بلغت وكبرت طولي م يتعدا 150 كانو كل صحباتي يضحكو عليا وحتى اهلي كانو ينادوني ب القاب بشعة قدام ابوي واشوفو مبسوط! الحمدلله اني كبرت وارتحت من ذا الهم بس للاسف طلعت لي هموم اكثر احس دايمن يعاملني غير عنهم دايمن يضربني ويجرحني مع اني اكثر وحده بارة فيه ومحسنه له والله العظيم دايمن ارتب اغراضو واقولو تبغا شاهي تبغا شي وانظف لو وافرش فراشو واجلس احاول اسولف معاه م يديني وجه وحتى لو ضحك معايا م يكمل دقيقه الا قالب عليا تعبت حتى اشترا ل اخواتي اللي أصغر مني جوال كلهم الا انا ليه مدري اخخ احس بسكينه تدخل قلبي كل لحظة اتمنى الموت جد لاتقولو عشان جوال ؟ وسي تافة لا مو تافة التفرقة بين الابناء صعبة ومحد يحس فيها الا اللي انظلم! ودا شي واحد انظلمت فيلو من بين مليون شي كنت أمر ب ازمه نفسية بسسب اني ابغى جوال. كنت انام وانا ابكي واصحى وانا ابكي حاولت بكل الطرق م رضى قلتلو انا اجمع وأشتري يقولي مافي اقولو ليش بس انا يقولي مزاج انا اللي اصدر القرارات وبكيفي يلا انقلعي يمين بالله حرق قلبي ف ذا الزمن صعبه الوحيده تكون بدون جوال! والله كل يوم ارجع من المدرسه اسمع هروج صحباتي واشترو جوال وغيرو جوال وطول الوقت يبغوني يضفوني وأصرف واصرف!! وكل يوم ف البيت اهلي كلهم ع اجهزتهم اتخيلو حتى اللي أصغر مني وانا اتفرج فيهم وادور ف البيت لين يخلص اليوم وأنام وع ذا الحال ولما نجتمع مع بنات خالاتي اللي تكلم صحبتها واللي مدري ايش الا انا امي حست فيني وقامت اشترت لي من ورا ابوي وجلست شهر وانكشفت وقام ضربني ضرب وضرب امي وطردها واخذنا إحنا وودنا ف بيت صغير فيلو غرفه وحمام بس ومافي مفرشة ولا اي شي ع السراميك جالسين وحرمنا من امي ومن كل شي اتخيلو يعني انا عمري 17 جالسه مع اخواتي أصغر مني ف ذا المكان لوجدنا وماتعرفي احد ولا نعرف شي ولا عندنا نت اول حتى جوال حتى الأكل يمين بالله يوم يجيب يوم لا واذا جاب غداً م يجيب عشا وع ذا الحال 10 شهور بعدو رجعنا ع البيت وامي رجعت عشاننا المشكلة اني مو مسوية شي غلط لا قدامو ولا وراه انا انسانه اخاف ربي لو كنت لوحدي وفتش جوالي مالقى شي وكسرو وحرمني من دراستي سنه وعذبني عذاب أخ بس م اعرف افرح يعني حتى اعز صديقاتي اتغيرت عليا بعد م عرفت ظروفي. وصارت قاسيه معاي وسحبت علي وانا والله احبها واعزها وماتهون علي وتقولي م ابغاكي اكرهكي م تفهمي وانا تركت كل الناس عشان ارضيها بس لازم اتركها عشان كرامتي وانا انسانه ربي رزقني بجمال واثنين من خلاني اغتصبوني وحق البقاله كان دايمن يغتصبني وانا صغيره ومحد يدري بذا الشي اتعقدت دايمن يجوني بنات يبغو يخاوني خير سخافة ل ذي الدرجه انا مدري ايشبهم الناس لازم الوحيده تخاوي ولا تحب ولد ؟ مدري هما غلط ولا ذا الشي صار عادي ف دا الزمن! اول انا تفكيري أكبر مني اول اني ع قولتهم متخلفة مدري ايش اوصف صراحه الله يفكني من ذي الدنيا بس الدنيا سخيفة بعيني يارب الجنه بس الله يرزقنا الجنه انا وانتو م في شي نتعب عشانو الا الجنه جعلنا من أهلها وذي الدنيا كلها ابتلاء بس ي ناس احسني مستحيل اقدر استحمل شي حتى امي اتغيرت عليا صارت بس تصرخ عليا م في شي يعجبها انا اللي اطبخ واغسل وامسح وكل شي فوق راسي معايا الضغط والقولون ع اي شي ادوخ احس بوحده فضيعة م عندي احد لاتقولولي خلي احد يكلمو لانو عند الناس مسوي الصالح الطيب وكلهم يمدحوه وعندك واسطات قد الدنيا كل شي يبغاه يصير

>>>>> ردود الأعضـــــــــــــــــــاء على الموضوع <<<<<
==================================


والدك قاااسي وظاالم الله يساامحه ووصلت انه يطرد امك علشان جوال!!!! شي مايستااهل للاسف ابوك تااافه جدا جدا وفعلا تفرررقه واااضحه في المعاامله وش معنى خوانك اللي اصغر منك جوالات وانتي لاء!!!! اكيد في سبب مو معقوله يكرهك كل هالكره الا اذا انتي موبنته.....الله يكون بعونك ويصبرك ....ادعي له بالهداايه قولي الله يهديه ويصلحه لك ولامك .... ياليت لو قلتي كيف اكتشف ان عندك جوال؟!! طلعتيه بالغلط قدامه ولافتش ولاكيف؟!!! والحمد الله ان امك رجعت وجود امك مهم جداااا واذا هي معصبه لاتلومينها معاملة والدك القاسيه هي السبب .....اجلسي مع امك وواسيها وبوسي راسها وقوليلها من لكم غيرها بالدنيا هي اللي فاهمتك وحست فيك وشرت لك جوال من غير علم ابوك هالشي دليل انها تحبك وماتبي تحسسك بالنقص والله يخليها لك ويطول بعمرها ...وانتي بعدك صغيره عمرك17 سنه العمر كله يارب تحملي واصبررري الين ان شااء الله تتخرجين من الثانويه وتدخلين الجامعه وتاخذين الشهاده وان شاء الله بتتوظفين وتشترين كل اللي بخااطرك وتشترين لامك بعد وتعوضينها ..... وحااولي تتجنبين والدك اذا هو كارهك لهدرجه لاتجلسين معه بس عامليه بكل احترام وواجب الطاعه وخلاص.....لاتكلمينه ولاشي ابداا وادعيله بالهدايه ولاتنسين القران والاذكااار واكثرري من الدعاااء ان الله يفرج همك ويصلح والدك ويوفقك بحياتك وبدراستك واصبررري وان شاء الله صبرك مايضيع عند ربك ......والله يعوضك بكل خير


__________________________________________________ __________

بالنسبه للصديقه اللي عرفت مشكلتك وتركتك اذا تركتك علشان هالسبب معناته انها انسانه تافهه وماتستحق صداقتك ......وانصحك لاتقولين مشكلتك لاحد لاتقولين مشاكلك لصديقاتك مشاكلك واسرار بيتكم احفظيها لتفسك غلط تقولينها لصديقاتك......وقلتي (اثنين من خلاني اغتصبوني) لحظه هنا كيف اغتصبوك؟!!! يعني كنتي تعرفين شباب ؟!!! وراعي البقاله اغتصبك !!!! معناته كنتي تطلعين من البيت لحالك؟!!!غلط الله يهديك واذا هالشي بس يوم كنتي صغيره ماقول غير الله لايساااامح اهلك اللوم عليهم يتركون بنتهم الصغيره تطلع لحالها وتروح وبقاله لحالها لا اخو ولا ابو معك!!! وش هالعايله؟!!!! اهل عديمين احساس وعديمين مسؤؤليه !! واي بنت تجيك وتقولك خااوي ولا حبي ولد لاتسمعين كلامها يعلمونك على قلة الادب والصياااعه ....انتي بنت عااقله وعقلك اكبر من سنك لاتسمعينهم وتسوين اشياء تغضب ربك ....لاتسمعين لكلام بنات يبون يدمرون لك مستقبلك ....هم فاضيات وماعندهم اهل يراقبونهم والله يكفيك شرررهم


__________________________________________________ __________

الله يكون معك ياحبيبتي
مافي شي قوله بخفف عنك
بس اكيد كله بميزان حسناتك
الله يهديه يارب


__________________________________________________ __________

بجد بجد عورتي قلبي ما عندي شي اقوله لك الا الدعاء اللهم يارب يفك كربك


__________________________________________________ __________

الله يفك كربك عن قريب