الحياه صعبه ؟
عنوان الموضوع : الحياه صعبه ؟
مقدم من طرف منتديات نساء الجزائر
الحياه صعبه ؟
مساء الخير ~
بدخل بسالفتي الطويله ~
م ابي شيء ولا ابي حلول
بس فيني تساؤلات كثير أحس ابي اجوبه كثيره
" المعروف " أن الأم نبع الحنان و الأب الأمان
أمي و ابوي عايشين الله يطول بعمرهم
بس م حسيت انهم أمي و ابوي
م حسيتهم يحبوني ، الرد الآلي الي كلكم متعودين عليه مافي أهل م يحبو عيالهم لاء فيه
و فيه كثير وش يعني أم ؟ ملاك نازل من السماء ؟ م عندها مشاعر ؟ لاء عندها وما أحسبها ع كرهها
كثير لما نتكلم عن الأم امك ثم امك ... الخ
آوكك انا من أول ابتدائي اخذ حديث و توحيد و تفسير و قرآن فقه العمر كله يضيع واحنى ندرس عن إلام م يحتاج تذكروني لاني ادري
وأقدر آصفف كل الي اخذته
الفكرهه محد يستوعب أن في أمهات م يحبو عيالهم و لزوم برهم ؟ بس في كل إنسان طاقه م يقدر يتحمل أكثر منها خلاص يوصل لمرحلة استوب امي ولا ابوي ولا مين م كان محنى حديد ؟
أمي بالعقد الرابع انسانه حنونه مع كل الناس إلا أنا إلا أنا ليه ؟ مدري ابي اعرف أحس إني ابي أم ابي أم حنونه دايم تكون معي تضمني ؟ بمناسبة الضم م قد ضميتها
طول اليوم تدعي علي الله ياخذك و مدري ايش قاموس ماشاء الله لما اقول لها لا تدعي تسوي سالفة طويله عريضه طيب انا عندي مشاعر احترمي مشاعري حسسيني لو يوم اني بنتك
دايم تجرحني وكلام كثير و اسويها مزحه و اضحك عشان تعدي لاني تعبت من المشاكل
ممكن تكون جالسه معاي ونسولف ونضحك
فجأه عادي تقلب عشان شيء تافه ججججدا و م يخصها يكون بيني و بين اختي الصغيره
تفتح القاموس حق الدعاوي
زمان لما كنت صغيره و آتهاوش مع اخوي للي أكبر مني بسنه وكنت صغيره مرا اقول له
الله ياخذك غبي وكلام اطفال تقول الله وكبر عليكك ياخذك انتي بسم الله عليه ومدري ايش
وقتها م كنت أفهم بس الحين فهمت كل شيء تحب العيال مررا و تكره البنات بس تحب اخواتي لأنهم صغار انا تكرهني هي تقول طول اليوم تدعي سالفة الدعاوي اثرة علي
الشغل فوق راسي و هي تشتغل بس شغل بسيط انا البيت كله و هي بس المطبخ و غسيل عيالها و دايم صديقتي تقول سويت اليوم مدري ايش و امي جت باستني وقالت يعطيك العافيه ماشاء الله الله يخلي لها امها .. نرجع للواقع حقي توهآ والدة و كانت غايبه شهر بالمستشفى و جيت انا و شغالة خالتي البيت عشان ننظف و كنت سعيده و نظفت المطبخ لحالي و مرا كان نظيف و مرتب هو مرا كبير بس تحملت اول م دخلت من الباب قلعت عبايتها وتلف ع البيت تبي تشوف شيء مو مرتب عشان تتكلم ولدت عمليه و كانت تعبانه بس اشتاقت للهواش لما خلصت م لقت شيء قالت المطبخ زي وجهك ابتسمت و سكت دموعي نزلت لا ارادياً شغالة خالتي م تتكلم عربي انجليزي
و تسألني وش فيك قلت لها امي م عجبها تنظيفي بلهجتها طبعاً قالت بلعكس انتي فتاة جيدة و شغلك مرتب و نظيف و ابتسمت و ابتسمت لها كنت يوميا اصحى بدري و انوم اخواتي عندي واسوي الحلبه و اشياء النفاس البسيطه م اطبخ و البيت و قتها كله علي و كانت مشيه أمورها معي عشان اخدمها اول م طابت رجعت ل حالاتها و ازود تقول أنتي المفروض نتعامل معاك زي الكلب قلت م عاش لسع .. و مرا كنى ببيت خالتي و عادي جالسين نسولف م كان بيني وبينها شيء بعدين جلست اقول طفش نفسي إسافر خالتي قالت لي وين
ابتكلم امي قالت نار جهنم وتضحك ؟؟؟ خالتي قالت حرام عليكك بسم الله عليها انا اكتفيت بنظره استغراب و ألم ليه يعني ايش الي قلته انا يخليك تقولي كذآ ؟ من جد ليه لما اقول لها تعبانه تعصب مدري ليه ؟ أنا مو انسانه م اتعب م ابي منها شيء غير سلامتك ؟ تطالع فيني ب استحقار و تطالع ب جوالها أو م ترد علي اقول لها ليه ايش قلت عشان تعبانه قالت مافيك شيء .. هي لما تكون مضايقه الليل كله اجلس اسمع لها لما أكون أنا مضايقه م ترضى تسمع لي طول الليل تكلم اخوآتهآ و تضحك معهم و تسمع لهم طيب هم عندهم أمهم و ازواجهم طيب انا من يسمع لي ؟ ع فكره عمري 17 تو داخله بال17 صرت أكرهه البيت من مشاكلها و طبعا اكيد الشك مرض وربي مرض دايم تشك فيني و تقول آيه من المواليف الي بالجوال ؟ ولا تقول احنى دوبنا مشغلنا الجوال ؟ ولا تكلمي مين ؟ و أذ شافتني أتكلم حتى لو مع خالاتي تعصب مدري ليه ؟ و هي طول اليوم من المغرب لين م يقول الله وكبر و هي تتكلم ؟ مرا أذكر ظلمتني بشيء كبير اني اكلم واحد ؟ وقتها م سكت لها و تكلمت و تكلمت أصعب مشاعر ممكن يمر فيها الإنسان الظلم اهه طعمه مرير وقتها جت اعتذرت وأول مرا في حيتها تسويها لأنه كان شيء كبير و ايش العذر ؟ تقول انا عصبيه أقبح من ذنب كلنا عصبيين بس م اتهم و أظلم انسان ؟ .. م تحبني أكل ولا انام ولا اضحك إذ شافتني اضحك تعصب و دايم تدز ابوي علي و تعبي رأسه كلام و بنتك و بنتك ابوي ماله شخصيه ماله مشاعر ذاك اليوم كان تعبان و صبيت له العلاج بيدي و شربته اياه هو ماهو كبير بعمر امي و كانت أول مرا و فرحانه كنت ل أسبوع بعدها مفعول الفرح م راح أحس اني سويت شيء حلو و بعدها راح يسمع كلام امي و يقول لي كلام قوي وربي محد يتحمله يصدمني الكلام طيب ليه ايش سويت ع مزاجه وقت يكون رايق يحبني وقت يكون ماهو رايق يطلع كل شيء فيني يحب اخواني حيل تو شاري ل اخوي الي بالثانوي سياره ب 107 الف وانا إذ طلبته شيء يقول م معي وهو راتبه ي كثرهه .. مراا قال ياليتك م جيتي ياليتك نزلتي دم م نزلتي روح .. لا تعليق .. امي م تحب أهل ابوي و ابوي العكس و م تحب أقرب صديقه لي مدري ليه م تعرفها البنت م سوت لها شيء و تستحقر أهلها عشانهم فقراء حتى يوم العيد تقول هم الي خلصو الكاكاو ؟؟؟ و قبلها كانو ناس كثار ؟ تقول لي اني مريضه و كذآبه وأنها م تثق فيني وأنه م يثمر فيني الخير و اني انانيه وقاسية و حاقده ؟ فرعون مو بنتها ؟
تعبت منها و من كل شيء في البيت
رحت لطريق غلط مع البويات و خاويت 2 وكلهم تركتهم و حالياً تاركه كل الناس أكرههم
ابي اروح لمكان مآبه أحد لأن الأحد يوجع كثير .
الي يبي يقول امك ترى ادري جنتي وناري لاء
جنتي الأعمال الصالحة وصلاتي .
وش هي الامومه ؟
>>>>> ردود الأعضـــــــــــــــــــاء على الموضوع <<<<<
==================================
الله يعينك حبيبتي, و إن شاء الله يعوضك ربي خير و يرزقك بزوج صالح حنون يعوض عليكِ الحرمان العاطفي
ليس أمامكِ عزيزتي سوى الصبر و تحمل قسوة أمكِ و أبيكِ,لو ناس غيرهم لقلت لكِ لازم تتصرفي لكن هؤلاء والديكِ الله يعينك و يصبرك على ما أبتلاكِ
يقول رسولنا الكريم صلّ الله عليه و سلّمرحم إمرا رحم إمرا رحم إمرا أعان أولاده على بره)
لقد ذكره ثلاث مرات كلمة رحمة, يجب على الآباء أن يعيوني أولادهم على برهم
الله يوفقك و يسعدك غاليتي
دمتِ بخير مع محبتي كومي
__________________________________________________ __________
انتي تقولين لاتذكروني بفضل الام وانها جنتي وناري الا بنذكرك ونعيد عليك هالكلاام مليون مره وتقصير امك موعذر لك تروحيين تسلكين طريق غلط وتخاوين بويات ....وياما نسمع ونقرا مشاكل بنات مثلك امهاتهم مقصرات وماسوو مثلك!!! هذي امك وهذا والدك ومهما يقولون حتى لو دعااوي قوليلم الله يهديكم سمعيهم هالكلمه يمكن يحسون بغلطهم قولي لامك الله يهديك وابوك الله يهديك .....امك وابوك انتي الحين عارفتهم زين وحاولي قد ماتقدرين تتجنبين اي شي يغضبهم منك اذا عن الاكل كلي بغرفتك واي شي تسوينه سويه بغرفتك مع نفسك علشان امك لاتسويها سالفه .....وانصحك تصاارحين امك حاااولي حتى لو هي قااسيه حاولي وحاولي لاتيئسين وقولي لوحده متفهمه تكلمها واصبررري وواصبررري لك اجر عظيم بصبرك على ظلم والدينك اصبرري وتحملي وادعي لهم بالهدايه
__________________________________________________ __________
انا حاسه فيك حبيبتي واصدق كل حرف قلتيه..
انا عانيت مرارة الألم من امي وابوي
واشد منك
وهذا يدخل في العنف الاسري ..سواء كان بنفسي او الجسدي
والحل انك
تصبري وتسكتي ...وتصيرين قويه
ولاتفكري فيهم ..
بس سوي الووووواجب الي عليك من احترام وبر عشان تريحي ضميرك
واجتهدي بدراستك
وموفقه
لكن
وناس ماراح تفهمك ..ماتحس بنار الا رجل واطيها
...لان الناس ماتفهم معنى الألم لصار من امك وابوك
ينتظروك تموتين بسبههم عشان يقلون عنف اسري
__________________________________________________ __________
ممكن ردي يكون غير مرتب بس ان شاءالله مفهوم
لاني اكتب من جوال
الله يعينك ويسهل امرك
__________________________________________________ __________
حبيبتي والله حاسه فيك عمري ما حسيت بحنان الام ولا الاب والان انا متزوجه وعندي ابني وزوجي والحمد لله مرتاحه واحاول اعطي ابني حناني كله ما ابيه يفقد حنان مثلي ويقول امي ما اعطتني حنانها اسال الله لك بالزوج الصالح اللى يعوضك كل شي عاجلا غير اجلا
رد مع اقتباس
