يبون يطلقوني من زوجي وش اسوي !! مجابة
عنوان الموضوع : يبون يطلقوني من زوجي وش اسوي !! مجابة
مقدم من طرف منتديات نساء الجزائر
يبون يطلقوني من زوجي وش اسوي !!
انا متملكه من سنتين والحمدلله انا وخطيبي متفاهمين ونحب بعض ونحترم بعض وكل واحد فينا شاف في الثاني كل مايتمناه
الحمدلله مرت هالسنتين وكأنها شهر ماختلفنا ولاصارت بينا اي مشكله وكل واحد همه كيف يسعد الثاني ويقدره
المشكله يابنات ابوي يبي يطلقني منه ﻷنه للحين ماحدد الزواج
وانا مره في هم وبس ابكي وربي ماتخيل حياتي من دونه صار روحي بختصار ..هو خطبني وهو اخر سنه بالجامعه ووافقنا ﻷنه انسان دين وخلوق ومحترم ومافكرنا بالماديات والوضيفه بتجي بتجي ان شاءالله بس الي حصل انه للحين ماتوظف وماكمل المهر بسبب ضروفه الماديه الصعبه بس ان شاءالله يتوضف انا عندي امل !
انا راضيه ومقدره ضروفه ودايم اقول ل ابوي لاحقين على الزواج بس خل خطيبي يكون نفسه طبعا يهاوش ويخاصم ويقول لمتى !!؟
انا ماعندي مانع انتظره 10 سنوات ﻷنه وربي لو اعطيه عمري فدوه شايلني بعينه وماقصر معي بشي هدايا واهتمام ويحبني مررره ويحترم اهلي طول هالسنتين ماشغت منه شي ومابي اخسره كيف اقنع ابوي يبعد هالفكره من راسه خلاص تعبت منه حتى خطيبي لما يزورني وجه ابوي مكشر ويتكلم بدون نفس معه احرجني كثيييير ادعولي ان اموري تتيسر ويتوضف ونخلص من كلام الناس ومن فكره الطلاق
>>>>> ردود الأعضـــــــــــــــــــاء على الموضوع <<<<<
==================================
الله يعينك يآروحي حآولي يستعجل شوي ويكون نفسه صرآحة أبوك مدري أيش يحس فيه
الرجآل طيب ويحبك وشآيلك في عيونه أيش يبي أكثر حبيبتي وكلي أمرك لله وربي بيقدم اللي فيه الخير
إدعي وقت الاجآبة إنه تتسهل أمور زوآجكم وتتزوجون بسرعه وإن ربي يشيل هالفكرة من رآس أبوك
شوفي عيوني حآولي تتفآهمي مع أبوك بهدوء وإن مآنفع الآمر أبكي خلي يحن عليك
موفقه
__________________________________________________ __________
بصراحة الحق عليه لانه خطب وهو لسى طالب وعلق بنات الناس !!
على كل حال الي صار صار حاولي تخلي امك تتكلم مع ابوكي
وخطيبك لازم يدور على اي وظيفة مو ضروري تخصصه
__________________________________________________ __________
في وظايف كثيره بس طبعا الراتب يكون قليل
حتى 3000
بس عادي يشتغل علشان يجمع على ماتطلع له وظيفه عدله
__________________________________________________ __________
المشاركة الأصلية كتبت بواسطة الحلوة الشقورة 
في وظايف كثيره بس طبعا الراتب يكون قليل
حتى 3000
بس عادي يشتغل علشان يجمع على ماتطلع له وظيفه عدله
انا الوم خطيبك ليش ماشتغل اي شغله وجمع له فلوس
انتي تقولين عنده بس مايكفي للزواج
عالاقل يجمع له
هو ساكن عند اهله وياكل ويشرب يعني ماراح يدفع للاجار
بس خل يجمع من اي شغله حتى لو راتب بسيط
__________________________________________________ __________
طيب ابوكي مافكر في كلام الناس
يعني بعد مايطلقك منه راح تصيري قدام الناس مطلقه
خليه يصبر ع الولد لين ربي يفرجها
ولاتنسي كمان زوجك لازم يشتغل ويكون نفسه
من شان تتفادو كلام ابوك وكلام الناس
وربي يصلح الحال
رد مع اقتباس
