عنوان الموضوع : هل ممكن البنت تحس بنصيبها تجاه شخص !!؟ -لصحتك
مقدم من طرف منتديات نساء الجزائر

هل ممكن البنت تحس بنصيبها تجاه شخص !!؟



السلام عليكم ورحمة الله وبركاته
اسعد الله مساءكم بالخير والرضا ،،

اولا انا بنت عمري 23 متخرجه من الجامعه قبل سنه بالضبط
وانا البنت الوحيده ف عائلتي بين 5 اولاد

من زمان دائما انخطب وكان الرفض من اهلي بحكم اني اكمل دراستي
ومن تخرجت انخطبت 4 مرات وايضاا اهلي رفضوهم كلهم رغم انه مافيه سبب معين
سوى انهم مايبون يزوجوني لشخص من بعيد ولا اتزوج واطلع من منطقتنا

ووصل الامر ان اهلي يخبون عني سيرة الخطوبة ولا ادري الا من عمي او صديقاتي
واسكت ولا اقول شي عشان اهلي مايفكرون اني مشفوحه عالزواج وبنفس الوقت مقتنعه
ان النصيب لو جاء محد يرده وامر الله واقع ،،

وتجاهلت وهمشت موضوع الزواج لدرجة من داخلي حسيت اني انسانه الزواج مو لي

اللي حصل !
قبل يومين اخوي كلمني كلام عادي عن صديقه اللي مدري فجأه شلون طلع
وقال انه كلمه قال ( ابي اتزوج وادور بنت الحلال ) وقال ( المثل يقل اخطب لبنتك قبل تخطب لولدك )
رجع قال اخووي احس انه يلمح وشوفيني اقولك لو خطب صديقي بتاخذينه
رغم اني ماشفت ف كلامه لاخوي شي يدل ع انه يبي يخطبني

وتفاجأت حتى امي لما اشكي لها تقول اخوي كلمني وقال وقال وكله كلام
قالت وش فيه الولد مايعيبه شي واخوك عارفه زيين ولو خطبك انا مابعترض

تجاهلتهم بس بعد كم يوم لاحظت ان تفكيري كله صار بصديق اخوي وصرت احس اشياء مدري وشهي
احس ان شي داخلي يجذبني له شي (شعور بايخ ما اطيقه ولا ابيه ) وبقوووه احس انه ذا نصيبي اللي باخذه
لدرجة احس حتى قلبي مال له ،، شي جا كذا من غير تفكير او اني شغلت نفسي به وعلقت نفسي به
انا بعمري م استخفيت كذا ولا جاني شعور المراهقات ذا
انتقد نفسي بقووه لما احس كذا وبنفس الوقت مابي احط نظري ع شي مو صحيح
او عشان كلام او ظنون
بس والله شي جاي بقلبي بقووه عيييا يرووح شي من حاله جاي شي مو انا جبته ولا ابيه
شلون اعبر

ساعات اقول انا وصلت لمرحلة اني اتعلق كذا وعالريحه لهالدرجه رغم اني ما اظن لاني مبعده نفسي وقلبي
عن ذي المشاعر اللي ماوراها خير ،، او انه فعلا ذا نصيبي ويحصل للانسان يحس بنصيبه لاقرب منه !!


لحد يقول اني اتمرهق من غير مدح عقلي كبير ورزينه ولا انهبل لهالدرجه ،،

السؤال : ممكن الواحد يحس ب نصيبه ويعتفس مثل عفستي !!
ذا شي طبيعي ولا ايشش
والله اخاف اوصل لمرحلة اني اتعلق به فعلا رغم اني والله ماعرف عنه شي ولا اعرف شكل حتى
واسمه بعد مو متأكده منه ، كل الحاصل مشاعر وميول قلبي اللي مدري وش مناسبته وليييييه

زعلانه من نفسي حيل ليييه يانفسي

والله ينزع من قلبي الاوهام لو كانت اوهام ،،
وفقط

اسفه عالاطاله بس مالقيت مساحه اكتب فيها ب اريحيه مثل هنا
ومشكووووووووورين

>>>>> ردود الأعضـــــــــــــــــــاء على الموضوع <<<<<
==================================


رفعع


__________________________________________________ __________

انا حاسه فيك وفااهمه اللي تقصدينه بالضبط. الشعور اللي تحسين فيه انك متعلقه فيه وفيه ميل قلبي. لكثرة مايتكلمون اهلك عنه ويحاولون يدخلونه براسك والظاهر نجحو بهالشي لدرجه يخلونك تفكرين فيه وتحطينه ببالك. وهالشعور طبيعي ويصير لكل بنت يمدحون لها شخص يبي يخطبها فتعلق عليه الامال والاحلام والاوهام. هالشخص ممكن يكون نصيبك وممكن لاء. فانصحك لاتعلقين املك فيه. لاتفكرين فيه. لانك ممكن تنصدمين بكلام غير متوقع عنه ماتدرين. لاتهتمين لامره ابدا. اذا هو يبيك يتقدم لك. ولاتستبعدين انه ممكن امه تدور له غيرك. واذا هو رجال فيه خير ان شاء الله يكون من نصيبك


__________________________________________________ __________

الله يرزقك بالخير واحسن نصيب انا لس ماجربت ذا الإحساس بس الله يوفقك ويسعدك ويسر امرك ويفتح لك باب رزقه يارب ياكريم وفقها


__________________________________________________ __________

ربي يوفقك حبيبتي
انا حسيت مع زوجي مثل هذا الاحساس
ولكن ما تاخديها قاعدة حتى لا تنصادمين لو ما كان فيه نصيب
المهم ربي يكملك اللي في بالك و يهنيك و يجيبلك اللي فيه الخير


__________________________________________________ __________

ما تعلقي نفسك باي انسسسان حتى ما يتعذب قلبك بعدين لتنسي

بس ما داااااام اخوكـي قاااال
يعني مكلم اخوكي و انتي لو سالك مرة تانية قوليله يتقدم و يصير خيـر
يعني ما فيك تعرفي الا لما يتقدم لك
بعدين هادا اخوك يعني صاحبة و ما رح يذموه
بس ما دام اخوكي راضي فيه يعني منيح ... لان يعرفه ما رح يزوجك واحد يعرف ان مش منيح مثلا

الله يوفقك

بس يمكن ان الي تمري بيه شيء طبيعي .. لو تم يستمر ولو ما تم الامر ايااام و يروح