عنوان الموضوع : شوفوا وش سوو فيني أهلي وأنا نفاس -لصحتك
مقدم من طرف منتديات نساء الجزائر

شوفوا وش سوو فيني أهلي وأنا نفاس



السلام عليكم
اخواتي انا والده من 16يوم وهذي ولادتي الثالثه تمنيت اني اجلس في شقتي اريح لي وﻷولادي لكن المشكله اني ساكنه مع اهل زوجي في الطابق الثاني و شقتي جدا ضيقه ولا عندي غرفة انام فيها غير غرفة نومي فمافي مكان للضيوف اذا جوني وغير كذا المدخل مشترك والدرج بنص البيت فصعبه حتىابوي أو اخواني الاولاد يجون يزوروني
عشان كذا رحت بيت اهلي وكنت مفكره اني برتاح من مسؤولية اطفالي وبيصير اهتمامي بالبيبي
تخيلوا عيالي صغار ولدي عمره سنتين وبنتي عمرها اربع سنوات وفيهم شطانه شوي
يعني يسوون ازعاج ويتهاوشون وتعرفون حركات الاطفال شلون اذا يبون شي وماخذووه يبكون المهم انا على طول اتخانق مع اختي الصغيره عمرها13اذا ضربت بنتي
وأخواني الكبار يشووفون اني ماأرضى احد يضرب عيالي ومن البارح واختي اللي اصغر مني بسنه عمرها21 تضرب بنتي تخيلو فجاه اسمع بنتي تبكي واختي تصرخ عليها وتقول اذا قربتي وعدتي حركاتك بكفخك مرة ثانيه
واطلع من الغرفة واقول وش صاير ليش كذا اختي تدخل غرفتها وتسكر الباب وامي تجلس تدافع عن اختي بنتك اللي بدت وبنتك جننتها وبنتك طقتها على عيونها واهي مركبة عدسات زين ماعمتها وووووو
اقول لامي هذي طفلة صرخوا عليها خوفوها لكن مو الكل يضرب
وبدون فايده قبل خمس دقايق اسمع بنتي تبكي واختي تصرخ عليها واخوي مو مقصر بعد طول اليوم يتذمر شياطين وزعجوني ويصرخ عليهم والله نفسيتي تعبانه اهلي بدل ماا يخففون علي بالعكس متعبيني اكثر
من اول اسبوع بديت شغل الغرفة اللي جالسه فيها انا انظفها اقوم انظف وانا
فيني جرح وخياطه كنت اموت من الالم وانا اكنس واشيل الاشياء اللي على الأرض
انا ما انكر امي تجيب لي الفطور والغداء والعشاء للغرفة لكن انا اللي انظف والصحون لو ما اوديهم المطبخ يضلون بالساعات
والحمام اللي استخدمه الله يكرمكم انا اللي انظفه بعد طبعا الحركه اول اسبوع اثرت علي وفكتلي غرزتين واليوم اشوف الخياطه ملتأمه بس مكان الغرزتين مفتوح تخيلوا دائره بالنص صايره ومفتوحه
والله بموت من القهر اشيل هم نفسي ولا هم النوم ماأنام طول الليل من البيبي يبكي على طول ولا اشيل هم بنتي وولدي وخواتي كل شويه يضربونهم ولا ايش
طبعا اخذت موعد عند دكتوره ثانيه غير اللي عملتلي الخياطه عشان تشيك على الجرح والله يستر لان دكتورتي لما رحت وقلت لها في فتحه في الجرح قالت لا كل شي طبيعي والجرح لسه يلتأم هالكلام من 7أيام
والجرح فعلا التأم كله بس الفتحه لسه نفس ماهيه
وقررت بعد ما اروح موعدي في المستشفى يوم الخميس
على طول أرجع شقتي لأني بصراحه مو عاجبني تصرف امي واخواني جدا مضايقه واحس بخنقه وودي ابكي
اتمنى تنصحوني بموضوع الخياطه هل اللي فيني طبيعي بعد16يوم ولسه فيه فتحه بنص الجرح؟!
وتشوفون تصرف اخواني صح مع اطفالي وخصوصا الضرب وهل من حقي أزعل على تصرفاتهم ؟!
أتمنى من الاداره تنزل موضوعي كثير محتاجة لنصايح الاخوات..

>>>>> ردود الأعضـــــــــــــــــــاء على الموضوع <<<<<
==================================


والله مدري شقولك
بس اذا اهلك ماعندهم احد صغير وملقوف مابيتحملون ازعاج عيالك لانهم تعودو على الهدوء
الله يعيينك يارب


__________________________________________________ __________

انتي الي متحسسه بزياده واذا يعني ضربو بنتك وش صار انا عمر بنتي سنه ونص واهاوشها واذا غلطت واحد هاوشها مازعل
صراحه يرفعون ضغطي بعض الحريم ماتربي عيالها وﻻتبي احد يكلمهم طبعا هالكﻻم مو لك اختي اتكلم عن الحريم الي كذا
بعدين ذولي اهلك كيف تزعلين عليهم


__________________________________________________ __________

لاحبيبتي مو طبيعي الجرح الي فنص الخياطه اتوقع تديكي كريم مضاد للجرح
اذا اهلك زوج بيهتموا فيك فالوجبات انصحك تروحي بيتك ازود ماعلى الحرمه راحتها النفسيه واذا لا استني عند اهلك لين تطيب العمليه لأن شغل البيت فيك فيك عند اهلك والا فبيتك بس بالله مين بيطبخ وينفخ الله يخليلك الوالدهولايحرمك من برها يااااارب
وفالك العافيه ياقمر وان شاءالله تقومين بالسلامه


__________________________________________________ __________

الله يعينك


__________________________________________________ __________

الي اعرفه اي وحده تدخل نفاس تستأجر خدامه
تنظف لها تهتم باولادك الثانين ،،
وبالنسبه لعيالك خلي معاك
خيزرانه للتخويف وليس للضرب