عنوان الموضوع : حياتي حياه سجين 2 الطبيب يجيب
مقدم من طرف منتديات نساء الجزائر

حياتي حياه سجين 2



كل الشكر لكل من رد علي ودعاء لي .. أنا نسيت أقول أن اخوي هو ولي أمري بعد وفاه أبوي ونفس الي يسويه فيني يسويه بزوجته بس زوجته أذا راحت عند أهلها تستانس وتطلع وتمرح وتروح للمكان الي تبي أما أنا لا أنتظر الفرج أنتظر زوج المستقبل لعل وعسى ينسيني همومي .. والبعض تقول ناقشيه أبداً أبداً ماأقدر أناقشه وهو عصبي حييل وكل ماأفاتحه بموضوع الدراسه وكذا يصرف من جد تعبت والي تقول قولي لأمك المشكله يمشي كلمته على أمي لا الحمدلله يبر فيها ويحترمها بس أمي تخاف منه وماتقدر تفتح هالمواضيع معه يوم عن يوم أذبل عمري عمر الزهور والي يشوف شكلي كأني ماخذه هموم الدنيا كلها على راسي وخلوكم واقعيين مو تقولون قولي لأحد من أهلك كيف يعني أقول لعمي ولا خالي أخوي رافض أكمل دراستي ماهي حلوه لا بحقي ولا بحق أخوي وأهلي .. تكفون الي ماعندها رد .. تدعيلي بالزوج الي يهنيني ويسعدني

>>>>> ردود الأعضـــــــــــــــــــاء على الموضوع <<<<<
==================================


طيب كلمي زوجته ....او انتي تشجعي حبيبتي ولاتخاافين وكوني قويه ولشفتيه هادي كلميه حاولي ثانيه وثالثه وعاشرة لاتيئسين لاتخافين من عصبيته يعصب؟!! خليه يعصب مومن حقه يمنعك حنا قلنا تدخلين اهلك ايه ونقولها لك مرة ثانيه دخليهم عمك ولاخالك علشان يوقفونه عند حده ومايمنعك من حقك بالدراسه والطلعات لاتقولين ماهي حلوه اني اكلم خالي...ابدا بالعكس ومالك الا هالحل اصلا او على الاقل انك تواجهين اخوك ومن غير خوف ....اخوك مره قااسي واناني ومايفكر بمصلحتك ومايفكر بمشاعرك ....انتي بالبدايه كلميه بهدوء وقوليله ابي ادرس حالي حال كل البنات واشغل نفسي بالدراسه واستفيد بدل ما انا جالسه كذا بلا هدف...ونا جالسه طفشانه وماادري وش اسوي ..قوليله كذا ...وكوني قويه وقولي هالشي من حقي ومالك حق تمنعني من الدراسه وقولي ابي اطلع زي الناس واغير جو ودني طلعني من هالبيت حرام تعاملني هالمعامله .....وادعي ربي يهديه الله يفرج همك


__________________________________________________ __________

الله يرزقك بزوج صالح


__________________________________________________ __________

ما عندك الا رب كريم وصبر جميل معلش حبيبتي ماراح يطول كتير ربنا يفرج ان شاء الله وكوني على يقين بس انت استمري على الدعاء وقراءة البقرة وفرج الله آت
ربنا يرزقك الزوج الصالح ويرزقك الصبر والفرج


__________________________________________________ __________

حسبي الله ونعم الوكيل في الاخوان اللي عايشين حياتهم طول بعرض ويمنعون اخواتهم من ابسط حقوقهم ، ربي ياخذ لك حقك وترى كثير مثلك ،


__________________________________________________ __________

ربي يرزقج بالزوج الصالح اليسعدك آمين يارب العالمين