عنوان الموضوع : معلقة مهمومه الطبيب يجيب
مقدم من طرف منتديات نساء الجزائر

معلقة مهمومه



ما اعرف كيف ابتدي قصتي .. قصتي طووويلة وأليمة من بعد زواجي
ياليت أحد يقولي ايش اسوي لأني فعلا تعبانه لدرجة الكل صار يناديني " النفسية"

ماأعرف من فين ابدأ , يمكن الكلام ملخبط بس اعذروني أخواتي
عمري 27
من سنة تقريبا رجعت لأهلي وهي المره الثانية طبعا ..بعد مشاكل ما اعرف ايش اساسها لانها فعلا تافهه بس زوجي يخليها مصيبة وعظيمة وهذا اللي مخليني أحس فعلا انو يتعاطى أو فيه سحر لأنه فعلا مو طبيعي .. خلال هالسنة مافكر يرفع السماعه يتصل أو يرسل إلا اليوم الثاني من خرجتي للبيت ارسل انو يعتذر وانو انا لازم اعتذر واني انا غلطانه ولازم ارجع عشان الاولاد "نسيت اقول لكم انا عندي طفلين".. يعني برسالته أبدا ماحسيت انو يبغاني ارجع الا عشان العيال ,وأنا متأكده انو ارسلها بس عشان لما احد يقوله انت مافكرت ترسلها حتى يقول ارسلت لان المره الأولى طنااااش لمدة نص سنة ولما واحد من اقاربه خاصمه عشان هالشي ارسل على طول . يعني أهم شي عنده صورته قدام الناس مو أنا اللي اهمه لا تقولوا انو مجرد احساس..لأ أنا عشت معاه عشر سنين كفيلة تخليني أعرف تفكيره وأسلوبه .
كانت حياتنا بالبداية عادية زي اي اثنين متزوجين يحبوا بعض صح فيه مشاكل بس ماكانت توصل انو اخرج من بيتي بسببه لأ ..يمكن يوم ونرجع نتصالح عادي ..مرت علي فترة تجيني أحلام غريبة طبعا أنا ماكنت أهتم بتفسير الأحلام بس من كثر ماتتكرر علي وتجيني صرت اتضايق والله صرت اوقات ماانام الليل عشان ما احلم .. دايما احلامي سحر وساحره وثعابين واسود ونمور واوقات جن بيطاردوني او يحاولون ايذائي بس كنت دايما اصحى وانا قارية الفلق او الكرسي .. مره تعبت وزوجي لاحظ هالشي بس يقولي انتي من الخوف يجيك هالشي وانا الخوف صار يجيني من اللي اشوفه ماكنت كذا ..
المهم صرت اسمع اصوات غريبة بالبيت اقول يمكن عادي اوقات احط القران وقت النوم اصحى الاقيه على مسلسل او اغاني لما اقوله يقول لي يمكن الاولاد .. يصرف عشان ما اخاف وانا اولادي وقتها صغار مايوصلوا للريموت .. انتقلنا لبيت ثاني جديد وقلت يالله الحمد لله المشاكل ح تهدا وتتغير حياتنا الا بالعكس صارت اقوى من اول .. ونفس الاشياء والاحلام تتكرر .. مره كنا قاعدين ع الوجبة وخرجت اجيب حاجة ورجعت الاقي جدار الغرفة كامل كأنه مكبوب عليه مثل البيبسي لونه بني ولزج مره .. خفت طبعا ووريته زوجي شافني خايفه قال لا عادي يمكن المكيف خرب البويه مع ان البويه عاديه لونها والمكيف مايشتغل دايما هناك وما اعرف ايش علاقة هذا بذاك ..
طبعا بالايام الاخيرة اشتدت المشاكل بيينا لدرجة رفع علي المسدس وقال بذبحك واذبح الاولاد وانتحر .. طبعا أنا بعدها خلاص خرجت من البيت بعد ما استنجدت بواحد من اقاربي يوم شافني بطلع جلس يبكي ويترجاني يقول انا مريض وارجوك بتغير واوعدك للي تبغيه بيصير وووو من الخوف مارديت عليه احسه مو هو اللي كان قبل شوي .
يوم جيت لاهلي فسرت حلم حلمته بنفس اليوم اللي حصلت فيه المشكله قال لي زوجك مسحور عمل من الشباب والبنات اللي يمشي معاهم .. طبعا أنا للحين ماكلمته ولافكرتت لأني اعرف تفكيره واهله لو اقوله بيقول حنت وتبي ترجع ومن ذا الكلام ومو بعيده يقول انا اللي سحرته .. وبصراحه انا خلاص كرهته ماعاد أأمن على حياتي معاه بالمره واللي قاهرني لي سنه ماشفتت عيالي رفض مره وطريق المحاكم اهلي مايحبوه ..طلبت الطلاق برضو رفض انه يطلق
خلال فترة هالمشاكل صار شكاااك مره فيني وفي شرفي وانا الحمد لله ما امدح نفسي بس من عائلة محافظة الحمد لله .
أخاف اتطلق واتزوج واحد نفس الشي واندم وماراح اخذ واحد متزوج لو ايش يصير لاني ما ابي اكون سبب بجرح زوجة في يوم من الايام .. وعيالي اهلي مو راضين اخذهم حاليا يقولوا بس زيارة .. وأخاف ارجع له صراحة لانه مو طبيعي مررره ومره كارهه العيشه ..استخرت كذا مره ما احس اني ابيه .. ادعو لي أخواتي فوالله اني في كرب عظيم
من شدة الهم والحزن اللي صرت فيه جاني جلطة بالراس بس الحمد لله ربي قومني بالسلامة .
بالفترة الاخيرة سمعت انه يدور زوجة ثانيه.. وهالشي خلاني اصر ع الطلاق اكثر ..الحين طلبت عيالي يماطل يقول مشغول مو فاضي للطلاق ولا يجيب الاولاد
نسيت اذكر لكم ثاني يوم من جيت دق على امي يقول انا ابغاها واحبها واللي تبغاه بيصير ومن هالكلام بس قلت لامي هو يبغاني عشان عيالي لاني فعلا متاكده يبغى ارجع عشان ما يقدر ع تربيتهم وحده مع اني جميلة وخلوقة الحمد لله وكنت مو مقصرة معه باللي اقدر عليه بس الحمد لله على كل حال .. ولو ح يخليني في حالي مع اولادي ارجع ماعندي مشكله حتى طلبته قبل اخر مشكله يتزوج ويخليني في حالي انا وعيالي بس رفض وعصب كثير وصار يسوي اي مشكله عشان اطلع من البيت او اطلب الطلاق
حسبي الله ونعم الوكيل ماااني عارفه ايش الحل من جد تعبت

>>>>> ردود الأعضـــــــــــــــــــاء على الموضوع <<<<<
==================================


الله المستعان


__________________________________________________ __________

ي حبيبتي انتي الله يكون بعونك ويفرج همك

رفع


__________________________________________________ __________

الحل واضح وضوح الشمس روحي عند شيخ وخليه يجي ويقرا عليكم وعلى البيت وارغمي زوجك بس بدون مايدري ان الشيخ جاي معك وتنتهي مشكلتكم وتصيروا احلى من سمن على عسل
بالتوفيق♥


__________________________________________________ __________

لا حول ولا قوة الا بالله العلي العظيم

ربنا يفرج همك ويردلك ابنائك الى حضنك


__________________________________________________ __________

فعلا لازم يجي شيخ ويقرى عليكم و عالبيت بعد

الأطفال عايشين في البيت
يعني زوجج من السحر مايحس بالي يسوي

حاولي تقولين لزوجج انج راح تساعدينه وعلشان الأطفال ماتضيع ولا تتعب حالتهم

خل يجيب هو شيخ
علشان يسمع اش يقوله

والله يساعدج حبيبتي