عنوان الموضوع : ابتسامتي مشكلتي الطبيب يجيب
مقدم من طرف منتديات نساء الجزائر

ابتسامتي مشكلتي




السلام عليكم ورحمة الله وبركاته

أنا عندي مشكلة معقدتني نفسياً

مشكلتي هي إبتسامي
كثير خجلانة منها .. مسببتلي إحراج لما أضحك
اعوجاج الاسنان احنا عندنا وراثة بالعائلة من أمي وأبوي عندهم اعوجاج بسيط بأحد الأسنان في الفك السفلي
عشان كدا أنا وأخواني طلعت معانا نفس المشكلة بس أكبر
انا اصغر وحدة فيهم وأكثر وحدة اسناني مشوهه
الاعوجاج في الاسنان الأربع الامامية في الصف السفلي
والسنين الاماميين في الصف العلوي ( أحدهم متقدم لبرى والثاني لداخل )
هالشي مسببلي احراج
والله اني اخجل من ضحكتي واااايد
ولما اضحك احاول اخفي اسناني اما بإيدي او بأي شي ماسكته

ادري انه العلاج هو تقويم الاسنان
بس انا خايفة من هالفكرة .. والمشكلة انه أمي ( الله يطول في عمرها ) أمية ماتدري بهالشغلات وكل ما اقولها ابي احط تقويم تقولي لالا خليكي على كدا احسن .. بيصير شكلك مضحك اذا سويتي التقويم .. هالكلام يسببلي احباط واتراجع ما احطه
أصحابي البعض حكالي احط تقويم والبعض قالي لا ابتسامتك على كدا حلوووة خليكي كدا
......

انا الحين عمري 17 سنة
يعني أبي آخذ رايكم أحط تقويم ولا اظل على طبيعتي ؟
واذا حطيت تقويم كم بتكون المدة.؟؟ .. ما ابيه يطول وايد فيني هالشي الي خايفة منه


ياريت تساعدوني
بارك الله فيكم


أختكم في الله



>>>>> ردود الأعضـــــــــــــــــــاء على الموضوع <<<<<
==================================


حطي تقويم وإرتاحي من هالمشكلة ..
والتقويم الحين صاير موضة عند كثير من البنات ويتفننون بالألوان فتوكلي على ربك وسوي ..
وماعليك من كلام أمك " الله يخليها لك "لأن التقويم مو مثل ما أمك متخيلة ..
أما المدة فهذه أشياء يحددها الدكتور ..
فتوكلي على ربك وسووووي التقووويم ..


__________________________________________________ __________

قولي بسم الله وحطي تقويم .. مافي شي يخوف وبعدين نفس م قال الاخت الي فوق صاير هالايام موضة حطيه واستانسي فيه بس ارضي امج اول شي


__________________________________________________ __________

حطي تقويم وان شاء الله تنحل مشكلتك
قريبتي اولى متوسط وحطتو مافيها شئ الافضل إنك تحطي


__________________________________________________ __________

الحل انج تحطين تقويم

في بنات كثير حطوا لهم تقويم عادي لاتخافين


__________________________________________________ __________

لااااا روحي سوي تقووويم عااادي جدا لاتخااافي ابدا
اعرف بنااات صغار مثلك مسوووين
مايوجع ولا شي
انا اشجعك تروحي تسوويه

اذا امك موراضيه قولي لابوك وروحوا وهي ماتدري
ولما ترجعون البيت وتشوفه ماراح تقول شيء صدقيني
بس هي خايفه عليك يحصل لك شيء ...
وهو رهيييييييب تطلع اسنانك حلوه .... والله اعرف بنات سووه طلعوا ماشاء الله

كم مدته ::: سنه و قد تطول المده او تقصر حسب مدى استجابه الاسنان للتقويم و اعتدالها
انتي روحي لدكتور وهو يقول لك كم المده