عنوان الموضوع : وش اللي صار بزوجي....تكفون فسروا لي تصرفاته مجابة
مقدم من طرف منتديات نساء الجزائر

وش اللي صار بزوجي....تكفون فسروا لي تصرفاته



بسم الله ابدأ,,راجيه من الله العلي ثم من عضوات هذا المنتدى,,,, الكنز,,,ان يجد لي حل او على الاقل تفسير لما حدث في حياتي مع زوجي
لااطيييل..احب زوجي ويحبني كثييير وواضح في تصرفاته حبه لي حتى امام الناس هو تقريبا يسافر كل شهرين ثلاث ايام او اسبوع.. كان لو يغيب يوم يجي مشتاق بصوره ماتتصوروها وييقضي الليل كله معاي على التليفون ولما يوصل يجلس اكثر من اسبوعين مو مصدق اني بجنبه واني قريبه منه ,حتى كنت لما اطلبه طلب مايقصر ابد واذا مايقدر يحاول يرضيني باللي يقدر عليه رغم اني كنت مااطلبه الا بالنادر ......
حملت في بنتي وبدا يتغير من الشهر الثامن تقريبا يطول بالسهر ولايجلس بالبيت كثير لاتقولو اهملته والله كنت اداريه واجبر على نفسي عشان مايتضايق ويحس بتغير بفترة الحمل..ولدت بنتي وبدا التغير يزيد قلت عشان فترة نفاس وبعيدين عن بعض وكنت فترة النفاس اتجهز لة بكل شي..تفاجأت بعد الاربعين انه ابد ماعاد يهتم فيني مررة ولا قربلي ابد الا بعد شهرين تقريبا ماعاد يجلس في البيت الا وقت الغدا بس ويتعشى برا كل شي فيه تغير لاتقولو اهملته مع الطفل ابدا كنت نافس وتعبانه ومع كذا اخدمه واجيبله اشياءه بيديني.
كل الحلول جربتها تركت كل شي وكرست نفسي له ولخدمته ولراحته عشان يرجع مابي زي اول ابي نصف ماكان عليه الحال اول...صارحته يقول ابد انا ماتغيرت بس انتي صايره دقيقه ..قلت يمكن وضعي بعد الولاده تغير عارفين انتم الامور ذيك يمكن ماعاد كويس زي اول فسالته قال بالعكس زي اول واحسن عاد هو صريح بذيك الامور مايخبي علي ولا يجامل..واالله مفي طريقة ود معاه ماسويتها اخدمه بكل طاقتي وافاجاه بليالي رومانسيه وهدايا وعزايم ومع كذا مافي استجابه لي سنه ونص على ذا الحال.الان هو منقلب ميتين درجه ولا يحب يوديني ولا يجيبني ويعصب من اتفه الامور ..,وطبعا تاكدت ان مافي احد بحياته..تكفون ابي حل الله يفرجها عليكم انا واثقه فيكم بعد الله..ودمتم

>>>>> ردود الأعضـــــــــــــــــــاء على الموضوع <<<<<
==================================


حبيبتي كيفيك ان شاء الله تكوني بصحه جيده

مافيه مشكله الا ولها حل باذان الله

اول شئ تقربي من الله باالدعاء والاستغفار

والرجال انواع وفيه نوع مثل نوعيه زوجك

يحب زوجته وبمجرد ماتحمل او ترزق بطفل ينقلب راسا على حقب

وكثير رجال يصير معم كذا يعني مو انتي لحالك

والواضح ان المشكله غير جنسيه ابد

طيب انتي تقولين انك مو مقصره معه

وانا مااتهمك في شئ لكن مجرد احتمال

ماسالتي نفسك كيف اسلوبك معه هل تغير ام لا

تعرفين الوحده اذا رزقت بطفل تكبر عندها المسؤواليه

وتنسى نفسها وتكون جديه شوي ومثل ماقلت هذا مجرد احتمال

او انك تدخلين احد الموضوع يعني واحد او وحده من اهله

تتصل فيه وتقوله كلما سالت عنك صرت طالع مو في البيت وتبدى تنصحه

او انك تعلقين بنتك فيه هذي يبغالها ذكاء يعني تصير البنت تتعلق فيه

وانتي قولي له اذا جاء للبيت وشفيك تاخرت البنت فقدتك وطبعا على حسب عمر الطفله

وانصحك اجلسي مع نفسك وصريحيها شنو اللي تغير فيك او شنو السبب

اللي خلى زوجك يبعد عنك

طبعا الطلاق لاتفكرين فيه ابد انا حاولت اعطيك اكثر من حل واتنمى اني افدتك

بالتوفيق يالغلا


__________________________________________________ __________

الف شكررر لك حبيبتي هنوف على ردك
وتبصيري ببعض الامور
الله يفرج عليك ويسهل امورك


__________________________________________________ __________

طنيشه فترة الرجال كذا يبعد عن زوجته فترة لما حتكبر بنتك مع الايام يرجع وخليه راح يدلل عليك واضح من تصرفاته


__________________________________________________ __________

ماصار شي طبيعي جدا تصرفات الزوج كذا..
لكن انتي اذا شفتيه جاي للبيت لاتقولين وينك تاخرت ولا تقولين وينك جلست انتظرك والبنت كانت تعبانة ..]
اذا شفتيه جاي قولي البنت تنتظر ابوها يسلم عليها..اذا مثلا شفتيه بلحاله جالس جيبي له البنت وانتي جايه قولي[كيف حالك يابابا..يعني كانك تتكلمين عن البنت..وياليت تخلين صوتك كصوت الطفل..و سولفي عليه بصوت الطفل نيابة عن بنتك ..[اكيد مليون بالميه بيضحك وبيتفاعل معتس]
والاهم من هذا ياليت يكون سواليفك مع زوجك فيه نوع من الايمان بالله سبحانه مب كل شي رومانسيات ..لعلك فاهمة مقصدي ..
وعاد انتي لاتتحاكين فيه وااجد اذا شفتيه معصب ومتنرفز..خليه الين يهجد لان طبيعي بيتأفف منك وبيعصب عليتس..
الله يوفقك ويسر امورك..


__________________________________________________ __________

الغب الرجال هكدا بعد الولادة
خاصة الرجل الي يموووووووت على زوجته
هو يغير من بنته ايوة بيغير
لانه قد ما يحبك قد ما خايف حبك ليه تاخده البنت وايضا هو خايف ما يكون قد المسؤلية لانه لازال لم يتقبل بعد اسم بابا ومسؤولية الاب
كلنا عارفين كم هي حلوة حياة الزوجين وشهور العسل بين زوجين متحابين وفجاة يضهر طفل ليغير مسار هده الحياة رغم اننا نحبه ونعشقه اكثر من انفسنا
بس لا تقلقي مع الوقت راح يتاقلم
انتي حاولي تدخليه مع ايجابيات بنتك
يعني ابعديها عنه لما تبكي وقربيها منه لما تكون تلعب وتضحك
وبنتك حاولي انك ما تكوني جنبها على طول بوجوده
وايضا قللي فقط من الدلع الكثييييييييييييييييرلزوجك
واستمري عادي بحياتك معه
الله يكون بعونا
تربية الاطفال وزايدينا ازواجنا
انا زوجي كان يقولي مع صوت البايبي
هزيني دلعيني مثل بنتك وكان يقولها بصراحة انا اغار لما اششوفك مهتمة ببنتك
بس بعدين اتعود وكل ما كبرت البنت كان يصير حاله احسن من الاول