عنوان الموضوع : مشكلتي مع زوجي والغيرة القاتلة من جهتي!! الطبيب يجيب
مقدم من طرف منتديات نساء الجزائر

مشكلتي مع زوجي والغيرة القاتلة من جهتي!!



بسم الله الرحمن الرحيم

لا أريد ان اطيل عليكم.. انا متزوجة من 7 شهور، زوجي مدير لشركة في مدينة جدة، واهلي واهله في المدينة المنورة، وانتقلت للسكن معاه بعد الزواج.

انا طبعي للأسف احب افتش وراه في كل شي !! اول ما تزوجنا صارحته بإني كنت أحب ولد خالتي وولد خالتي ما كان يعرف، وقلتله لإني كنت اباه يغار عليا ويتمسك فيني .. لكن رده صدمني .. ضحك وقال لي : والان ايش شعورك تجاهه ؟ قلتله ولا شيء ! وقال لي الله يوفقه ..

وحاولت اسحب منه كلام اذا كان يحب وحدة قبل زواجنا وقال لي لا. انا شكيت وبعدين قلت في نفسي حتى لو كان فيه شي مايهمني.. دائما افتش جواله واللابتوب بإستمرار والحمدلله ما القى شي..

سؤالي هنا .. صار موقف معي خلاني اتغير مع زوجي من شهرين.. اهلي كانو يبو يرسلو لي ملابسهم القديمة لإني كنت ناوية اتبرع فيهم لجمعية هنا في جدة.. المصيبة انه اللي جابلي الملابس ولد خالتي .. اللي كنت احبه قبل الزواج.. وجاب معاه امه اللي هي خالتي.. والملابس كانت في كراتين فخليت ولد خالتي يدخلهم في الصالون. في نفس الوقت رجع زوجي من دوامه وشافني اتكلم مع ولد خالتي . ولا اتحرك فيه شعره .. سلم عليه وعلى خالتي وعزمهم عالغدا ولا كإنه في شي !!

بعد ما راحو عصبت جدا جدا .. وقلتله تغير عليا ولا لا ؟!! قللي وهو يبتسم مين اللي ما يغار على زوجته ؟ قلتله ولد خالتي اللي قلتلك كنت احبه سلمت عليه ولا كإنه في شي ؟!! قللي بعدين انتي مو قلتيلي انه هو ما يعرف وانتي ما عندك اي شعور تجاهه ؟ قلتله طبعا .. قللي اذا يا غبية ليش أزعل ؟ .. انا هنا بكيت وزعلت انه قللي غبية وراضاني بعدين وقلي وهو يضحك ولا تزعلي اذا شفته مرة ثانية ابا اقتله .

انا ما يعجبني اسلوبه نهائيا وابا اعرف كيف اقدر اخلليه يغار عليه من نسمة الهوا.. لإني فعلا احبه واغار عليه..

انا آسفه اني طولت عليكم .. والله يخليكم لا تعايروني بكلام ماله داعي. اعتبروني اختكم . وانا عارفه اني مشكلتي صغيرة .. لكن ربنا يعلم كم احب ان زوجي يغار علي ..

>>>>> ردود الأعضـــــــــــــــــــاء على الموضوع <<<<<
==================================


عزيزتي.
لازم تعرفي إن الغيرة ليست مرتبطة بالحب والعكس
وفي الزواج مايصلح تشككين زوجك أبدا والغيرة اللي بدافع الشك الله الغني عنها وانتي تبينه يغار عليك أيا كان نوع غيرته هذا خطأ
أمسكي بيتك وتعوذي من إبليس لإيوسوس لك وعيشي في سلام وأبتعدي عن الشبهات وتأكدي إن الغيرة تجي لحالها من غير مايتكلم هو عنها واح تلاحظي مع العشرة بيخاف عليك من نسمة الهواء واكثر لأصرتي أم عيالة

الله يوفقك


__________________________________________________ __________

حبيبتي بقولك عن تجربة صديقة لي مع خطيبهآ تتخيلين انهآ كآنت معه بمواقع ع النت ويشوفهآ تتكلم مع رجال

ولا يتحرك فيه شيء وهي كل مالها تنقهر بس كمان ماهتمت قالت حريتي اهم شيء والغيره كبت للحريهة المهم مع

الايام شفت ردودها مع الرجال واقسم بالله العلي العظيم حسبت صدق مايحبها ولا حبيت اقولهآ بس صدق اول ماجاء ببالي

مستحيل ان هالشخص يحبها ولا تاثر من كل هالكلام .!! مع الايامم هي انفجرت عليه وقآلتله ماتغار وكلام كذآ قالهاا

اغار بس اعرف انك ماتحبين غيري .! بس ذا الرد عاد جاها احباط الاخت وتحطمت مراا وندمت لانها كلمته لانه احبطها

زيادهه وحست صدق انه مايحبهاا وبدت تفتش وراه نفس حالتك وتبي تعرف اذا بحياته بنت والا لا وتحاول تستفسر

من اخواتها وللاسف ماحصلت اي نتيجة نفس النتيجة ولا شيء تغير مرآ صارت بينهم مكالمة اليمةة وقالتله انها

تحتاج تحس بغيرته وآنهاا تحب هالشيء لانها تحس بحبهه وتحس انهه يبغى يحافظ عليهاا قالها انه مايحب

يظهر غيرته لا احد لانها يمكن تستغل هالشيء لصالحها وهو مايحب وانه لو اظهر غيرته بيجرحها بالكلام وبيناديها

بكلمات مثل (رخيصة) ويمكن يخسرها بسبب الغيره المهم مع الايام ماتصدقين كيف صار
تغيير 180 درجة صار يشدد

على اقل شيء ويعصب على اقل شيء وحتى يجرحها بالكلام وهي ماقدرت تقول شيء لانها هي من طلبت منه

شوفي يااقلبي كتبت لك هالسالفة وربي اني انصدمت من التغيير وتوقعت مايحبها وعشت الاحداث مع قصتك نفسهاا

بس صرت مقتنعه فيه ناس صدق يقدرون يكتمون بقلوبهم قهر الدنيا ومافيها وقهر الغيره كمان حبيبتي زوجك

يشوف انك ملك له وهو واثق فيك وبعدين خالتك كانت موجوده مع ولدها عشان كذا ماغار ولا حس بشيء ولو انا

انحط بذا الموقف مابغار لان ام الولد كانت فيه حتى لو ماكانت فيه كنتوا تتكلمون بالبيت وبمكان مكشوف صح والالا

يعني لو بينكم شي سري مابتتكلمون بمكان كذا بتقولين عني ماحس والا ماجربت الغيره لا حبيبتي انا عشت الحب

وجربته وكنت غيوره لدرجة ماتتصورينهاا بس لو انحطيت بموقف حتى لو غرت مستحيل اظهر غيرتي لان الغيره

اوقات تقلب الحياه لنكد والنفسية وكثره المشاكل وكثثير رجال يكرهون هالشيء عشان كذا يتجنبون يظهرون غيرتهم

حبيبه قلبي انتبهي واحذري تضيعين عمرك بالتفتيش ورا زوجك والقلق خلي عندك ثقه فيهه خليك منتبهه له

بس بحدود مو انك تقهرين نفسك وتجيبين الهم لنفسك وانتي ماشفتي عليه ولا شيء .! للحين الرجال ماسوا شيء

وجاء راضاك وكان طيب معك باين عليه يقدرك ويحترمك ويحبك بس لكل شخصيه اسرارها وخصوصا الشخصيات

الغامضة او الانطوائية لاتحطين ببالك انه مايحبك ياماا ناس يكتمون اشياء لو كانت فوق جبل كان انهد

اتركي الافكار السلبيه لانها بتدمر حياتك وبتدمرك انتي وبتجيك نفسيه ووسواس بسببهآ لو خانك وقتها فكري تشكين فيه

ولو خانك اصلا لاتضلين معه عندي الا (الخيانة) واسمعيها نصيحة مني لاتخربين حياتك بنفسك بسبب الشك .!

وقولي دايما (اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يا من لا تضيع ودائعه)

وخلاص خلي عندك ثقهه بالله ولاعاد تحاولين تشكين ان زوجك بيخونك او يضيع منك لان كذا مابيكون عندك ايمان بالله

خليك واثقه ان ربي بيحفظ لك زوجك دامك تستودعين الله فيه ولاتخافين من اي شيء ولاتقلقين نفسك

وعيشي حياتك مبسوطه وانبسطي انتي وزوجك لان الغيره ترا بتقلبك ل انسانه نكديه والرجال يكره البنت النكديه.!

انتبهي لاني طحت بتجربه زي كذاا والله صرت نفسيه درجه اولى الله يوفقك ويريح قلبك


موفقهه حبيبتي


__________________________________________________ __________

احمدي ربك انتي مو عارفه النعمه الي انتي فيها تلحثيلك عن منغصات من تحت الارض عيشي حياتك ياشيخه


__________________________________________________ __________

السلام عليكم اختى الغيرة اذا تحولت لشك والله لن ترضيكى وستتحول حياتك جحيم مثلى انا والدى الله يهديه يشك على الفاضى والمليان ومكن لقدر الله تصيرى تكرهيه لكن صديقنى هو يغار عليكى ويموت فيكى ودليل انه وثق فيكى ولو غيره كان لا قدر الله طلقك او صرتى تحت رحمته وساعتها انتى الى هتعوزى انه ميغرش عليكى خير الامور الوسط ان شاء الله الاخوات يفيدوكى اللهم بلغت اللهم فشهد


__________________________________________________ __________

الغيرة القاتلة من جهتي!!