السلام عليكم
ما اعرف ابدأ بمقدمات وكلام الطويل
انا عمري 18 سنه ثالثه ثانوي وقريب بتخرج ان شاء الله
مثل ما تشوفون بالعنوان ما عندي صديقات
بالمدرسه مره اجتماعيه والكل يعرفني واسولف معهم
لكن علاقة زماله ما تتعدى هالشي
بالاجازات ما اجتمع معهم وحدنا سوالف
بالواتس وعادي تمر ايام ما اسولف مع احد منهم
و ما اقدر اروح لبيوتهم او هم يجون عندي لانو مو من اهلنا ولا اقدر اطلع معهم مثل الناس اللي عندهم صديقات وكذا عندنا بالبيت البنات اللي مو من اهلنا او قرايبنا ما يرضو اتقرب منهم حدي المدرسه
وخايفه بعد ما اتخرج اظل وحدي ومو جنبي حد وكلاها علاقات مؤقته
و من بنات اهل ماما وحده من قدي ومتزوجه بس دايم شايفه حالها وما تحب تجلس معي اذا تجمعوا اهلي وترد علي من طرف خشمها فصرت اتجنب الجلسه معها
بعكس اختي اكبر مني ب 9 سنوات ومتزوجه عندها صديقات من بنات خلاتي وخيلاني
واهل بابا في وحده من قدي بس تمر سنين وما نشوفهم ولا نجلس معهم ما اعرف اتواصل معها واكيد هي عندها صديقات من اهل امها
دايم الاقرب اهل الام
حييييل تعبت احس بالوحده وما ابي اظل على هالحال
خصوصاً اني مخطوبه وخطيبي مره اجتماعي وعندو اصدقاء كثير
ويشوفني ما عندي حد
واني اجتماعيه بالمدرسه و خجوله اذا اجتمعنا مع قرايبنا اللي من بعيدو وكبار حيل و تقول امي كلا ساكته ما تتكلمين بصوت عالي يمهم وانا اخجل من كلامها
ما اعرف اتكلم معهم واجيب سوالف في سالفه اعرف لها تكلمت اما مواضيع حريم وهالشغلات فلانه تزوجت وفلان تطلقت واشياء ما اعرف لها اظل ساكته وهم اكبر مني قد امي
احس الموضوع ملخبط ومو عارفه كيف ارتب افكاري ان شاء الله المضمون وصلكم والقى حل عندكم مو قادره اتحمل الوضع هذا
ما عندي صديقات :( مجابة
رد مع اقتباس
