عنوان الموضوع : انا و الصلاه . -لصحتك
مقدم من طرف منتديات نساء الجزائر

انا و الصلاه .



السلام عليكم .
معرف من فين ابدا و مرا خجلانه من نفسي ومن ربي قبل كل شي !
الزبده انا من زمممان تعبت مع نفسي !
انا ماصلي ؟ والله التوفيق مو ملازمني بحياتي من نكبه ل نكبه على قولتهم
ماحس براحه كل ما اشد على نفسي واحاول التزم بالصلاه ارجع اتركها !
اشتقت للراحه و الطمأنينه ،، يا ناس ساعدوني.
كل شي بحثت عنه كل شي دورت عليه وكل شي سويته عشان التزم بالصلاه بس مني قادره ؟
ان طولت طولت اسبوعين و اتركها ؟
الله يرزقكم الفردوس ساعدوني حياتي صارت كريهه .

>>>>> ردود الأعضـــــــــــــــــــاء على الموضوع <<<<<
==================================


والله ياحبيبتي الحل بيدك انتي ساعدي نفسكك وتغلبي على الكسل مافيه حل سحري يخليك تلتزمين بالصلاه انتي ساعدي نفسك وعودي نفسك واول ماياذن تعوذي من ابليس وعلى طول قومي توضي وصلي كل شي الا الصلاة عمود الدين ومفتاح التوفيق في الحياه والطريق لرضى الله سبحاانه والفوز بالجنه وتركهاا ضيقة وحزن وعدم راحه والله يوفقك


__________________________________________________ __________

انتي اانسانه فاهمه وواعيه تميزي بين الصح والخطا شوفي ي قلبي اذا جائك الشيطان وماكنتي بتصلي تخيلي ان باقي لك دقايق ويتوفاك الله وان هذه اخر صلاه لك بهذه الحياة الدنيا
هذه الطريقه ستساعدك على الخشوع والمحافظه على الفروض باذن الله كرري دائما اللهم اعني على ذكرك وشكرك وحسن عبادتك لاتنشغلي بشي وقت الصلاة ابدا صلي ثم ابدائي بالذي تريدين ان العهد الذي بيننا وبينهم الصلاة فمن تركها فقد كفر واول مايسال عنه العبد يوم القيامه الصلاة اسال الله لك الصلاح والهدايه


__________________________________________________ __________

حبيبتي كنت مثلك لين ثاني ثانوي وانا ما اصلي كنت كئيبه لدرجه جتني نفسيه واكره كل احد وحتى ما احس بنفسي وش اسوي وش ما اسوي
لكن جاني شي يوم الجمعه من شهر ثلاثه قبل ثلاثه اعوام
جاني شي وانا نيمه قعد يسحب من حلقي شي وربي اني حسيت روحي طلعت
احسه ملك الموت قمت وانا ابكي وتوضيت وقعدت اقرأ القرأن بدأ يزود علي وربي اني قومت اختي من الخوف وانا احس الموت بدأ يداهمني قامت اختي من الخوف
وقلت ابي هوا ابي هوا
واطلع بالحوش واحاول اشم الهوا كانت الساعه3
وانا امشي ما احس بأطرافي برجولي ما احس فيهن ألمسهن ما كأنهن بي
بعدها ارتحت شوي وقعدت عند امي والخوف مسيطر علي وقرا علي ابوي وبديت ارتاح
وحسيت نفسي اني فعلاً ضعيفه
ومن هنا بديت حياه جديده وصفحه جديده والحمدلله ملتزمه بالصلوات لدرجه ما اقدر اخليها ابداً ولعلمك بشهر ثلاثه من هالسنه رجعت لي الحاله وبديت اركض لأختي اقول بموت لكن
الله يغفر لنا وما ادري يمكن من الله اختبار لي وتحذير فلذلك حبيبتي تذكري فقط القبر وأول ماتسألين عنه هو الصلاه


__________________________________________________ __________

تخيلي آنك راح تموتي وانتي ماتصلي فكري بعد الموت وش راح يصير <<تعرفي ترك الصلاة كفر اذا تبي توفيق وسعادة صلي حاولي في يوم قومي وتوظأي وصلي ركعتين
وادعي ربك لاتخلي شيطان يلعب عليك ..الله يهديك


__________________________________________________ __________

وعليكم السلام ورحمه الله وبركاته

حبيبة قلبي بنتي : : عليك بالدعاء
اكثري من قول ( ربي اجعلني من مقيمي الصلاة ومن ذريتي ربي تقبل دعاء )
من كل قلبك ان ربي بيعينك ومابيخيبك
لاتستلمين لوسوسه الشيطان

حبيبتي
بسم الله عليك
والله العظيم اني افرح اشوف بنات يهتمون بصلاتهم ويخافون من الله
خوصا في هذا الزمن ماشاء الله تبارك الله

شوفي حبيبتي
شعورك هذا يدل ان فيك خير كبير وانك تحبين الله كثير وهو يحبك اكثر منك لان شعورك هذا من الله
فاسال الله ان يهديك

بالنسبه للصلاه حبيبتي
بعطيك عده طرق وان شاء الله انها فعاله اختاري الي يناسبك

1- اذا سمعتي الاذان قولي هذا نداء من ربي لي تخيلي انه لك قومي علطول توضي وصلي
2- قولي لامك او احد من خواتك اذا اذن تقومك او تنبهك تقومين تصلين او صلي معها
3- كوني انتي وصديقه صالحه بالجوال تتصلون على بعض بوقت الصلاه يعني ترن واذا انتبهي تعطيها مشغول اعرف بنات يسونها ماشاء الله عليهم متعاونات على الخير
4- خصصي لك سجاده وشرشف صلاه خاص فيك بغرفتك اوبالصاله وصلي
5- حطي لك منبه للصلاه بجوالك واكتبي صلاه الظهر ياحلوه وكذا شي مشجع
6- اعملي جدول للصلاوات بالاسبوع واكتبي عند كل صلاه صح اذا صليتيها وباخر الاسبوع اطلبي احل وجبه من مطعم لك واعمليه بلالوان مرا يحمس وهذه الطريقه اخذتها من الاخت (Ameni ever ) الله يجزاها خير

واحب انبهك حبيبتي
اذا تركتي الصلاه مثلا العصر تكاسل ويجي الشيطان يقول تركتيها ليش تصلين بقيه الصلوات
لا انتبهي تسمعين كلامه لان يالغلا هو عدو تتوقعين ينصحك لانه يحبك
لا يبي يقطعك من الله قطعا تاما يبيك معه بالنار اعوذ بالله

لا ابد ياقلبي الصلاه راحه وسكينه تخيلي وانتي تصلين ان الله ينظر اليك اي والله ينظر لك واقري بشويش وكانك تكلمين الله وبتحسين براحه وراح تشوفين كيف حياتك تصير حلوه

واقري سوره البقره

الله يوفقكك حبيبتي :: ويجعلك من عباد الله الصالحين