عنوان الموضوع : سنتن و 10 شهور .. ولكن ! الطبيب يجيب
مقدم من طرف منتديات نساء الجزائر

سنتن و 10 شهور .. ولكن !



السلام

خواتي مشكلتي غربية شوي وابيكم تساعدوني ..
انا عمري 23 سنة , متزوجة لي سنتين و10 شهور ومازلت لحد الآن بكـــــر !!

الله يعين
من بداية الخطوبة وانا وضعي معاه مش اوكي بالرغم انه يحبني وهو اللي اختارني ! ولكن مرينا بظروف اعجز إني اذكرها أو اشرحها

ويوم زواجنا رجعنا الصباح الشقة ومن التعب ماشفته الا رامي نفسه ع الكنب ونايم بالصالة ..
صحيته عشان يقوم الغرفة ومباشرة نمنا ..
وبالمغرب طلعنا ورجعنا الليل حاولنا نقرب من بعض بس فشلت اول محاولة !!

يوم ثاني صار زلزال بالشقة !! ضرب ..تكسير .. سب .. وانا توني عروس !!

نفسيتي والدمار والتحطيم اللي وصلت له ماااااااينوصف !!

وربي مو قادرة اشرح لكم !!

المهم وضعنا لليوم مثل ما هو ولاشي تغير ..

هو يحبني نعم .. وانا احبه نعم
لكن تصرفاتنا لبعض تدل ع العكس !
عجزت افهم اللي يحصل , عجزت افسر اللي يصير ..

بفترة الخطوبة كنت اقول بنفسي بعدما اتزوج مابي اذكر هالمرحلة من حياتي
ابي انسسسسسساااهااا بكل تفاصيلهاا
اثاري الزمن قال لي صبري .. اللي بتشوفيه اصعب واعظم !

زواجي فاشل بكل ماتحويه كلمة فاشل من معنى
انا وزوجي اكثر من مرة نقرر الطلاق ونروح للمحكمة .. مجرد مايكلمنا القاضي ونطالع بعيون بعض نتراجع , ونرجع واحنا مقررين نصلح كل شي
وبدل ماينصلح حالنا , ينخرب اكثر ..
عيشتنا دمار في دمار

لما خطبني كان شغله اوكي وراتبه حلو
الحين صار معاشه مايأكلنا خبز ..
وغييييير مشاكل شغله اللي لااااتعد ولاتحصى !
كل الراتب يروح للديون والايجار .. اصلاً هو كله 3500 .. ههه الحمدلله رب العالمين
ورب الكعبة هالشهر لما استلم ماظل منه غير 100 ريال !!
وهالـ 100 بتروح لبنزين السيارة اللي مادفع اقساطها ..

زوجي بالرغم من كل الظروف والاوضاع التعيسة اللي عيشني فيهاا الا إني ما اقدر انكر انه طيب ولو وضعنا يضبط راح يصير احسن رجال بهالدنيا
ولكن غسلت ايدي من هالناحية
لاوضعي معاه بيتغير
ولا راح اتطلق

بظظظظظل عايشة حياتي بقهر وحسرة بدون ما اتقدم خطوه

تصدقون انه ايام يحبسني في الشقة بدون اكل ولا شرب !! وبعدها يجي لعندي يبكي , يعتذر , ويحلف انه يحبني ومايقصد يأذيني
راح تستغربوا من هالشي ولكن هذا اللي حاصل

بالاول كل مشاكلنا كانت توصل لأهلي , والاهل بدل مايصلحوا يعقدوا الوضع اكثر وهم اصلاً عارفين بكل شي ..

كثير ناس قالوا لي فينا سحر !
وكلمنا شيخ من البحرين يعرف لعلاج الاسحار وقال الشيخ عندنا سحر تفرقة ولازم نحضر لعنده عشان العلاج , لما قررنا نروح تعطلت السيارة وظلت شهر
ولما خلصت ماقدرنا نروح فيها عشان مادفع اقساطهاا
بعدهاا قال بياخذ سيارة ايجار ليوم واحد عشان نروح وصار مايظل شي من هالراتب عشا نقدر نروح !!

كل حاجة مقفلة بوجهنا .. مو قادرين نتقدم خخخخطوة
يومياً مشاكل في مشاكل , ومشاكلنا مو زي كل الناس
لااا حبايبي
مشاكلنا مختلفة
ضرب
تكسير
سب
وكل واحد فينا يشوف الثاني بأبشع الصفات

ااخ بس
المهم خواتي انا ادري مابلاقي حل بس كنت حابة اتكلم وتسمعوني
ادعوا لي , انا دايماً ادعي لكم

الله يوفقكم يارب

>>>>> ردود الأعضـــــــــــــــــــاء على الموضوع <<<<<
==================================


الله يعينك

ولا تنسين بعد العسر يسراً


__________________________________________________ __________

الله يعينكم
بس أعتقد انه سحر وﻻزم تتعالجووووو
شغلي سورة البقرة دائما في بيتكم وانتي اقريها
وشغلي الرقية الشرعية
الله يفرج همكم ويسعدكم ويغير حياتكم للاحسن آمين يارب العالمين
ان شاء الله اﻻخوات يفيدوكي اكثر


__________________________________________________ __________

الله يفرج همكم
ويفك كربكم


__________________________________________________ __________

اللهم يزيل همومك ونعيشي حياتك بشكل طبيعي


__________________________________________________ __________

حبيبتي

من فتره سمعت شيخ يقول علاج السحر اسهل من علاج العين
وبعدين الدنيا مليانا رقات وشرعيين الحمد لله ليش تسافري للبحرين ؟

نصيحتي لك : صارحي قريب لك بمشكلتك واكيد ما هيخذلك وخليه يساعدك حتى لو يوديك مشاوير الرقية عند شيخ ثقه لكن لا تسكتي على هالوضع ابدا لان عمرك راح يضيع وانتي كذا !!
حرااام