خطبني( معاق )وانا وضعي صعب -لصحتك
عنوان الموضوع : خطبني( معاق )وانا وضعي صعب -لصحتك
مقدم من طرف منتديات نساء الجزائر
خطبني( معاق )وانا وضعي صعب
السلام عليكم ورحمة الله
خواتي ودي استشيركم بأمر واتمنى تعتبروني اخت لكم
أنا بنت في بدايه الـ30 من عمري
تقدم لي كثير والله بس كلهم اصحاب سوابق وواخلاقهم نسأل الله العافيه
والله بس اسمع سيره الخاطب ابدى ارسم حياتي اجهز افكار لزواجي
واحلم اني أفتك من زوجات اخواني ومن حياة الشقى ببيت اهلي
ومن حسد ونذاله اقاربنا حسبي الله عليهم
واخيراً انصدم بالواقع انه رجل موب زين واخلاقه سيئه . . كرهت طاري الزواج بسببهم
حتى اخر واحد خاطب جا من طرف زوجه خالي ورفضته بدون تفكير حست انه موب كفو من يوم تكلمت عنه بس هي ظلت وراي تقنعني لمن وافقت وبس سألوا عنه اخواني
طلع راعي بنات ليل وسهر وعلاقات مشبوهه وماقدرت اتحمل القهر ورحت لزوجه خالي
وتهاوشت معاها انا خلاص ماعاد فيني حمل عاهات يتقدمون لي صرت احس نفسي حاله ميئوس منها ومايتقدم لي الا العاهات الله المستعان
والله ودي ببيت مستقل لان بيت اهلي مافيه خصوصيه
صاير فندق واحد يطلع وواحد يدخل ولاحتى عندي غرفه اخذ استقلاليتي فيها
مافي امان ولاراحه ببيت اهلي
المهم تكلمت مع صاحباتي بالواتس اب فضفضت لهم اني ماعاد ابي اتزوج رجل سليم
ابي رجل مقعد ولا محتاج علشان اعيش الباقي من حياتي مرتاحه بدون ذل ولا اهانات
تكلمت بجديه والله . . المهم بعد ما خلصت كلامي ارسلت لي وحده معانا بالقروب رساله ع الخاص
تقول تعرف واحد مقعد بس ارجوله مايحركها وباقي اطرافه سليمه ومافيها شي
والسبب انه تعرض لحادث وسبب له ضمور في عضلات رجله
هو يدرس ماجستير ويشتغل معلم لغه انجليزيه بمدرسة احتياجات خاصه
وسيم ماشاء الله عليه وملتزم حتى الاغاني مايسمعها
عنده سواق خاص فيه وخدامه تقوم بواجباته لان كل مايخطب يرفضونه
صلواته اغلبها بالمسجد مع انه يتنقل على كرسي متحرك
غير كذا هو معروف عنه انسان حنون وطيب وهذا يظهر من تعامله مع خواته
انا والله لمن سمعت كل خير عنه ارتحت له
بس خايفه من رد اهلي وخايفه لو قلت لاخواته موافقه وتقدم رسمي يرفضونه ويكسرون خاطره
وانا والله صاير عندي شخص غالي واتمناه زوج
بس خايفه من المجتمع وخصوصا امي وابوي
انا الله رزقني بأم واب متجردين من حنان الامومه والابوبه بس امي وابوي بالاسم
مشاعري ما احد يحترمها بالبيت ولايقدرنا حتى اسمي ماينطقوونه غير يابنت جيبي ويابنت حطي فكيف لو ارتبطت بشخص محتاج
بس الله يرزقنا برهم لنيل رضا الله
انصحوني انتم لو تقدم لكم هذا الشخص وانتم بنفس وضعي بتوافقون
طيب واذا وافقتم كيف بتواجهون المجتمع وتعليقاتهم وكيف بتقابلون الاقارب ونظرات الاستهزاء
>>>>> ردود الأعضـــــــــــــــــــاء على الموضوع <<<<<
==================================
حبيبتي استمري في الموضوع وخلي ثقتج في الله كبيره
بعدين مو انتي قلتي انج تبينه وش تبي في المجتمع ؟ََ!!!
اهم شيء انج اتكوني مقتنعه وراضيه وان شااءالله بسير كل خير , مالج دعوه بحد
واستخيري واذا لج معاه خير ربي بييسر الموضوع وبتم ان شاءالله
ومباااااااااااااااااااااارك لج مقدمآآآآ ان شاءالله توووووكلي وخلي يتقدم وان شاءالله كل خييييير بأذن الله
__________________________________________________ __________
و آستخيري و إذا حسيتي بإرتيـاح له توگلي ع الله و گفى بالله وگيـلآ ..
و إذا گان فيـه علاج للآعـاقة حآولي تشجعينـه ع ذلگ ، و إذا ربي گتـب لگم نصيب و صرتوا من نصيب بعض أغرسي فيـه حنانگ ولا تخلينـه يحس أنه نآقص
موفقـة
__________________________________________________ __________
__________________________________________________ __________
الاعاقه ليست مانع غاليتي اذا انتي مرتاحه له الله يكتب لك اللي فيه الخير ي قلبي استخيري
__________________________________________________ __________
استخيري حبيبتي
و لا تفكري بنفسك بس فكري بعدينا بيصير عندك اطفال و الخ
ولو شوفتي انك مستعده ع تحمل المسؤوليه كلها وانو هو مناسب جداً
اديها رقم امك او صرحي لاختك او احد اخوانك لو يسمع لك انو صحبتك خطبتك لقريبها لو كان متفهم طبعا و وضحي لو انو الاعاقه مو سبب مقنع للرفض الاخلاق اهم اسألو عنو لو كفء انا موافقه
اختي بس جد قلبي لازم يكون قوي لو تم الموضوع المجتمع للاسف عايش في العصر الجاهلي بيجلسو يسمعوك كلام ببسب وضع الخطيب
فلو تتاثري انتي بكلام الناس لا تتزوجيه احسن لانك حتظلميه معاك و تكسري بقلبو وبقوه
الله يكتب لك الخير
رد مع اقتباس
