عنوان الموضوع : اخواني وبنت خالتي -لصحتك
مقدم من طرف منتديات نساء الجزائر

اخواني وبنت خالتي



السلام عليكم
بدخل فالموضوع على طول
اخوي خطب بنت خالتي وهي حسيتها متردده شوي،، ظلت فتره بعدها وافقت،،
انا كنت حاسه ان اخوي الثاني يحبها من قبل بس لما خطبها اخوي الاول ماقال شي الثاني وقال انه حتى هو بيتزوج قريب وبس،،
المهم انا سويت تحرياتي وعرفت من بنت خالتي الثانيه ان بنت خالتي ( خطيبة اخوي) كانت تحب اخوي الثاني وتتمناه زوج لها
بس بعد ماخطبها اخوي الاول خلاص سلمت للأمر الواقع...
الحينه انا كثيير محتاره شو اسوي ملكة اخوي قربت
واحس بنت خالتي خطيبة اخوي مو مرتاحه كثير
واخواني ثنينهم كاسرين خاطري
هل اخبر اخوي الاول ان خطيبته كانت تحب اخوه؟
او هل اتأكد من اخوي الثاني اذا كان يحبها او لا من قبل؟
طبعا لو كان يحبها اكيد بس فقلبه وهي ماتدري انه يحبها اولا بس هي كانت تسولف عنه لبنت خالتي الثانيه
مادرررري حيل محتاره
او اخلي السالفه تمشي عادي
هل ممكن تنسى اخوي الثاني وتعيش مع زوجها سعيده؟
اخوي الثاني هل ممكن ينساها لو كان فعلا يحبها قبل مثل ماكنت احس؟
ارجووكم ساعدوني انا جدا محتاره

>>>>> ردود الأعضـــــــــــــــــــاء على الموضوع <<<<<
==================================


برأي تتحري عن أخوكي لحتى تتأكدي من مشاعره وبعدين صارحي أمك أو اي حدا بالعائلة حكيم و شوفي رأيه


__________________________________________________ __________

انا برأيي تكلمي مع بنت خالتك وصارحيها و قوليلها اذا هي بعدها تحب أخوك الثاني

خليها تنسحب احسن ما تظلم أخوك وتظلم نفسها وربي يقدم الي فيه الخير..


__________________________________________________ __________

اختي بنت خالتج وافقت من نفسها محد جبرها ما انصحج تتدخلين بالموضوع الحين وخليه يمشي على خير، ثانيا يعني تتوقعين لو اخوج تركها الحين بيقدر اخوج الثاني يخطبها؟! احتمال بعيد جدا وانتي اساسا ماتضمنين ما تصير مشاكل وحساسيات خصوصا انكم اهل.


__________________________________________________ __________

واضح جداً ان بنت خالتس
تبي تتزوج وصلى الله وبآرك
لو كانت تحب اخوتس مثل ماتقولين
كان ماوافقت على اخوتس الاول !

اغلب البنآت آحب فلان واحب علان
بس يجيهآ نصيبهآ طقعت للحب ووافقت

مشاعر مزيفه وانا اختس
خليهآ تآكلها ع راسهآ ماحد طقها وقالها وافقي


__________________________________________________ __________

مم
لاتسوين شي قبل تتاكدين
يعني ها اخوك اللي تقولين يحبه ليش ماخبرك من قبل لو هو من نوع كتوم انتي اقعدي معى وسولفي عادي وجيبي طاري بنت خالتك وفتحي الموضوع بطريقة مزح يعني قولي انا قلت بخاطري لو انت تتزوج بنت خالتي ذي احسن لان احس لايقين على بعض اذ قال لا مابيه ولا ماتصلح لي وكان جوابه صريح ومسكت يمكن ماعاد يحبها اما اذ ابتسم واسترسل معاك وتحسينه ان يبيك تطولين السالفه وتطلعين كل اللي ببالك يخصوهم فعرفي انه يحبها يعني مثلا بيقولك وش اللي حسيتيه لايق ..الخ
مم واذ قدرتي خليه يعترف عاد انتي وطريقتك واسلوبك
-
بعد روحي لبنت خالتك اللي تقولين تتكلم عنه عندها واساليها اكيد كل اخبارها عندها
او اي حد قريب منها ها اذ هي تستحي منك وماتبي تقولك مع ان اشوف تكلميها هي احسن
--
عقب فكري شو بتسوين
بس مدري احس لو اخوك خلها وجا الثاني مابيوفقون وبيقلون ذولا لاعابين عاد مدري ع حسب اهله اذ
عنيدين ولا عادي عندهم
مهم اذ عادي
لاتسوين شي لين مااخوك يوعدك انه بيخطبه يمكن بعد يرفض
امني السالفه من كل جهات قبل يصير شي
وخلي حد يساعدك من خواتك او اي حد متفهم
وبخصوص اخوك خاطبه يمكن بعد حبها ساليه واذ عادي عنده خبري

وبعد ها كله ابي اقولك ان البنت عقله براسه لو وافقت معناته فكرت وقررت وعادي عندها
لاتخربين عليها اذ هي راضيه واخوك بعد شكله راضي
انا اخاف تصير حساسيات بالموضوع وبتقول ان انتي خربتي عليها يعني تصير لا من ها ولا من ها واكيد اخوك اللي خاطبه لو درى انها كانت تكلم اخوه وتحبه ماراح يوافق عليها
فانتبهي
و رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : " لَا يَخْطُبُ أَحَدُكُمْ عَلَى خِطْبَةِ أَخِيهِ "
هو لو يحبه كان تحرك من زمان وقالكم احجزوها لي لكن شكلها كانت فتره مراهقه وعدت
وعادي عنده وهو عارف دام بسن زواج اذ ماخطبه اخوه بيخطبه غيره
افضل شي انك تخلين الامور تمشي على طبيعته
الا اذ حسيتي اخوك متاثر عموم خلك قريبه منه وسولفي معه واذ طلب مساعدتك
لاباس