عنوان الموضوع : لا انسجم مع خوات زوجي -لصحتك
مقدم من طرف منتديات نساء الجزائر

لا انسجم مع خوات زوجي



السلام عليكم ورحمة الله وبركاته
متزوجه لي تقريبا ثمان شهور
مشكلتي مو قادره اتأقلم بالمحيط الي حولي وخوات زوجي ..
وهذا الشيئ احس بدا يظايق زوجي
انا بنت حساسه واحب الهدوء واحب اعامل الناس بطريقة لطيفه لاني احب يعاملوني بنفس الطريقه واحترم الكل وابي الكل يحترمني مثل ما احترمه ،،احاول اتقبل الناس مثل ماهم بس في صفات ماقدر اتقبلها مثل الصفات الي في اهل زوجي ..
اهل زوجي طيبين ماقط اذوني بشي بس عليهم اطباع تنفرني منهم ..
جمعتهم كله صراخ وسب ،،والصغير مايحترم الكبير حتى زوجي يسبونه يمي ومستغربه شلون سامح لهم
ومزحهم ثقيل حيل ماتدري هو جد وله مزح يجرح بقوه كم مره احرجوني وجرحوني بحجة المزح وهذا الشي الي يخليني ماعرف اتكلم معاهم ودائما تمسخر وكل واحد يطنز على الثاني وهذي قعدتهم ..
والحين بالجمعات لرحت عندهم كله ساكته مانطق بحرف حدي اسلم ووسال عن اخبارهم ووزع ابتسامات
حتى اصلا اذا قاعده عندهم وجاو من برا ما كاني موجوده لاحد يسال ولا يسلم حتى مايلتفتون علي
يحس الواحد انه غير مرغوب فيه بس هذا طبعهم ..
زوجي اكثر من ثلاث مرات يكلمني يقولي ليش ماسالفين معاهم بقولون انتي ماتحبينهم وتجين لهم غصب عنك وو الخ
وتحجج له اقوله كنت تعبانه وله دايخه وله اي شي ..
انا الحين حامل وتدرون الحامل كله منفسه وحساسه
صرت الحين ماحبهم واحيانا احس اكرهم لانه اروح عندهم غصب عني عشان زوجي
مليت والله دائما احس بالوحده كل الي حولي صداقه مع حماواتهم وجمعات ووانسه
الا انا =(.. احاول اتقبلهم بس ماقدر بيئتنا مختلفه عن بعظ كثير ومافي شي مشترك ننسجم فيه وطباعهم تنفرني منهم..
بشنو تنصحوني..؟

>>>>> ردود الأعضـــــــــــــــــــاء على الموضوع <<<<<
==================================


الله يعينك انا مومتزوجه ان شاء الله الاخوات المتزوجات يساعدونك..


__________________________________________________ __________

الله يعينك -


__________________________________________________ __________

والله ياخويتي مثلي مايعيش اللي مايمثل الحين ومدام مثل ماقلتلي تحسين حالج مغصوبه سيري زيهم بيجي زمن لما يسير عندج شلقه عيال بتنسين كل الهدوء ولااجواء اللي اني متطبعه فيها او اللي ع
كنتي عايشه فيها

وحاولي قد ماتقدرين انج ماتذمين اهله قدامه الا اذا شفتي شي غلط هني عندج حق تتكلمين وبعطيج نصيحه الزوج مهما كانوا اهله فيهم من الشر مايحب زوجته تتكلم وتذم فيهم هاي طبع فيهم الاغلبيه

والشي الثاني ياحبيبتي الحين مدامج حامل قولي حق زوجج مالي خلق جمعات بيتعكر مزاجي او ابي ارتاح وانسدح ف البيت او تحججي باي حجه لين الله يفرجها لاتنسين باجر بيسير عندج ياهل بيوون عندج وايد وانتي بنروحين لهم وايد بحجه هالياهل لذالك لاتخربين علاقتج وياهم ابدا خلي يشوفون منج الطيب ولاقلب الابيض اذا ماتقدرين زي ماقلت (مثثثلي )....عشان تكسبين زوجج وتكسبينهم لصفج
بكره ماتدرين شيسير وانتي علاقتج خربانه معاهم بيقطون فيج كل الشين

الله المستعان ..واسفه ع الاطاله)*


__________________________________________________ __________

سبحااان الله كانك تتكلمي عن المحييط اللي عندي من جهه اهل امي الله يحفظها كلهم نفسس الوضع والهاديه بينهم كانهااا نفسسييه ههههه منزويه وبس نظرات وهم من الناس اللي بالوجه ودق وصرااخ وهاااتك ضحك
اذكر زوجه خالي كانت هاااديه معهم وبعد يمكن سنوات من زواجها من كثر ماتقابلهم صارت مثلهم بس بصراحه تحسيين مافي اريحيه واذ الوحده منهم تكلمت بهدوء تلقينها بزوايه ياتفضفض للثانيه ياتحش فيها وماتبيها تسسمع خخخخ
ومن طرف اهل زوجي وابووي الوضع غيير هدوء ورزانه وسوالف يعجبني الوضعع عاد انا صرت اعطي كل ناس على جوها ونصيحه ردي واضحكي ومن طنشك طنشي وصرفي نفسسك خليك عاادي انبسطي وسولفي لاتاخذين الامور بحساسيه وسعي صدرك بس خليك ذكيه وحذره ولاتعطين اسرارك لاحد ولا تفتحين مجال فضفضه عشان ماتطيحين بمشااكل وترى مو لازم تكونين رجه زيهم سولفي معهم بشخصيتك وطبيعتك بيحترمونك مثل ماانتي بس شاركيهم ومع الايام بتتعودي ولاتزعلي اذ تعرضتي لمواقف بالعكس خذي بالك منها وتجنبيها بعدين معهم
وترى الاحراج وارد بالبدايه بس مع الايام بتصيرين عادي
اتمنى اكون افدتك
سلام


__________________________________________________ __________

وعليكم السلام ورحمة الله وبركاته ...

دايمًا تصير وبمختلف الأمثلة نضطر نجلس مع ناس مانرتاح لهم ، أفكارهم وطريقتهم تختلف عننا تمامًا ...

لكن مضطرين فعلاً من باب القرابة أو المعرفة الحتمية ، وهذا الشي أبدًا مايعني إننا نغير شخصيتنا عشانهم ...

لكن حلو يكون صادر من جهتك محبة و إحترام مهما كان أسلوبهم ، واحتفظي بجانب بُعد قليل من أجل راحتك ...

مو شرط تكوني جدًا قريبة منهم للدرجة اللي تضايقك ، لكن كوني صاحبة واجب و قدري أهل زوجك حتى يقدرك زوجك ...

عامليهم أحسن معاملة ، وصدقيني مع مرور الأيام والسنين رح تتغير معاملتهم لكِ للأحسن ، و رح يحسوكِ وحدة منهم إن شاء الله ...

أتمنى لكِ السعادة ....