عنوان الموضوع : انا في موقف صعب الطبيب يجيب
مقدم من طرف منتديات نساء الجزائر

انا في موقف صعب



السلام عليكم ورحمة الله وبركاته

ارجو من الاداره طرح مشكلتي
بشكر صاحبتي اولا الي دلتني على هالقسم لاقدر اطرح مشكلتي فيو و المنتدى كمان

تانيا بدي خبركو القصه هي طويله شوي بس لحتى تفهموني

لي صديق غربي بشتغل بالمكان الي انا باخد فيو دوره وهاد الشب اجى بعدي وصرنا اصحاب مش بمعنى اصحاب انو حب وطلعات وهادي القصص لا بس في الدوره الي بناخدها هو مو مسلم مع انو ابو عربي مسلم بس طلق امو وعمرو سنتين ومن بعدها مابعرفو شي عنو اختفى من حياتهم وما بعرف شي عن العرب لا لما اجى يشتغل هون مابعرف يحكي عربي والا شي ابدا ولان الام كانت غير مسلمه وغير عربيه ما بتعرف شي عن الاسلام خلتو يكبر هيك من دون ديانه محدده وهي كل شي بحياتو ومابعتبر حالو عربي لانو ما بعرف شي عن العرب ومابعرف شي عن ابو المهم بداية تعارفنا كان كتير يحكي عن الاسلام وكتير يسأل فيه مو مخلي شي ما سأل عنو و دايما بقلي الاسلام دين سهل كتير وبعتمد على العقل و المنطق كيف انتو هيك مهملين هالدين ومن هالكلام
ومره قعد يفرجيني صور حبيبتو وقلي انو بحبها كتير وحكى عنها كتير اشياء بس كان يضل يحكي بتمنى لو فيها صفات نفس صفاتك يعني انتو المسلمات العربيات عندكو ميزات كتير حلوه ما بشوفها في البنات الي عنا و سألني انت لو يخطبك مسلم غير عربي بتتزوجي وقتها انا ماعرفت شو رد عليه فقلت انو انا ما بفكر بالزواج لسا بكير عليه وفعلا انا مابفكر بالزواج
بعدين بعد كم شهر قلي انا تركت حبيتي صارت بينا مشاكل مع اني كنت ناوي ارتبط فيها بس صار بينا مشكله وبعد هالمشكله انا خنتها فازادت المشاكل بنا وتركتها لما صار يحكي عن هادي المواضيع انا قلت خلص انا لازم وقف لحد هيك هالشي عادي بدولهم بس عنا مو حلو الشب يحكي هيك اشياء ويمكن كان يحكيها الي لانو انا صديقتو المقربه الو

خفت علاقتي فيه كتير وصار يسألني ليه مابدك تحكي معي ليه ما عم نتكلم زي اول كنت اعطيه اي عذر او حجه بعدين كلمني بقلي انا بحس عشان اصير انسان نظيف فعلا فعلا لازم اسلم لانو هاد الدين رح يطهرني ويخلني انسان جديد و صديقه متلك شجعتني على اني افكر باعتناق هاد الدين وبكفيني ضياع انا شجعتو وقتها ودليتو على مركز لكن ما عاد جاب سيره

اضطريت غيب عن الدوره تلت اسابيع ولما رجعت هو كان بالمره مبسوووط قلي انا كنت بستنى متى ترجعي باي طريقه عشان احكيلك اني اسلمت طبعا انا ابسطت كتير الو وفرحت وهو كان بالمره سعيد

والي انو انا بعد شهر رح اعزمك على خطوبتي انا استغربت انو ما الك الا كم اسبوع مسلم صرت تفكر بالزواج سألتو انت قرات عن الزواج بالاسلام و هادي الامور الي انا من اربع سنوات من قبل ما اعرفك كنت بقرا كتب اسلاميه وبزور مراكز بس تشجعت واسلمت من فتره وخلص مستحيل ارجع وانا بصلي الخمس صلاوات كلهم بالمسجد باركت الو وقلي لازم تحضري
خطب بنت مسلمه عربيه وهو سعيد كتير
قلتلو المفروض انو بعد ما تسلم بسنه ع الاقل تبدا تفكر بالزواج لانو فيه كتير لسا لازم تفهم العادات هون و تتعلم اكتر عن المجتمع الاسلامي والعربي بشكل عام قلي انا متاكد ان تزوجت مسلمه عربيه رح تساعدني وتدعمني على اني اكون مسلم مثالي قلتلو مو شرط يمكن تنفرك من الدين لانو لما تسلم وبدك تقرب من ربك انت الي لازم تبذل الجهد وما تتوكل غير ع الله وماتحط ثقتك غير فيه
قلي صح بس انا ان شاء الله رح اكون مسلم حقيقي

بعد اسبوع اجى وصار يسـألني عن الزواج سألني عن مهر البنت كم بالعاده بكون في بلدها قلت بكون مابين 15-30 الف لانو الشعب هناك مو كتير غني وسألني عن البنات بالخليج قلت من 20 الى 50 او اكتر لان الدول هناك ما شاءالله وضعها احسن او على حسب مقدرة الشاب لانو كل دوله بختلف المهر بحسب الوضع وهاد معدل المهور
استغرب قلي انو ابو البنت طالب مني ربع مليون مهر و 80 الف دهب وانا حسيتو كتير مو لاني بخيل بس كل كلام ابوها كان عن الفلوس يعني ما سألني عن نفسي اكتر من الفلوس قلي طيب المطلقه و الي عندها ابن كم بكون مهرها قلت بكون مهرها اقل من البنت لانو الزوج وقتها رح يعطيها مهر قليل لكن بالمقابل رح يضطر يصرف عليها وعلى ابنها وهو مو ابنو فرح يتحمل مسؤوليه اكبر لذلك بكون مهرها اقل
قلي انت خلتني افهم واعرف اشياء اول مره اعرفها طيب ليه ابوها طلب هالقد قلت يمكن بدو يأمن مستقبلها قلي البنت لما سألتها بدك شي ما كانت تحكي كانت تطلع في ابوها وبعدين هي اصلا مطلقه وعندها ولد وامي رفضت وحكتلي انو انت مو حمل مسؤولية ام وابنها قلتلو انت فكر وصلي استخاره ومدام انت شايف انو البنت كويسه بس ابوها مو كويس حاول تتفاهم معهم لانك انت رح تتزوج البنت مو الاب وبتاخد اجر لو ربيت ابنها

بعد كم يوم قلي انا تركت البنت وبصراحه هدول العيله صدموني انا بعرف الاسلام دين سهل والزواج فيه سهل انا رح وفر الها كل شي بس ابوها من هلا صار بدو اياني اصرف عليهم ويطلب مني اوديه على اماكن غاليه جدا وبقلي انو انا بدي واحد يصرف على بنتي وكل كلامو بس بالفلوس هدول بدهم يستغلوني لاني مابعرف شي لسا وانا المفروض اخدت وقت بعدين فكرت بالزواج

بعد شهر تقريبا قالتلي صاحبتي فيه واحده بدها اياكي برة طلعت كانت ختياره مو عربيه سلمت عليها وقلتلها انا فلانه قالت انا ام صديقك وبدي اياكي بموضوع وياريت نحكي بمكان تاني غير هون حددت معها موعد ورحت قابلتها

اول شي حكت ياريت ابني مايعرف عن هاد اللقاء ابدا ويكون سر بيني وبينك شوفي انا ابني ما بمر يوم من دون مايحكي اسمك فيه ودايما بحكي عنك وبمدح فيك وبحكي ياريت انخلق بعلتي واحدها متلها وان تصرفاتك واسلوبك وصدقك معو خلاكي مسيطره على عقلو لدرجة اني انا كنت رح اغار منك وخاف انك تاخدي مني انا ابني بظاهر بتعامل معك كصديقه لكن انت بتعني الو اكتر من صديقه وهو بحبك كتير وحتى لما رحت عند اهلي كان بضل يحكي عنك لدرجة انو خواتي واهلي بسألوني مين هادي البنت الي شوي رح تاخد مكانك
وبعدين ابني لما فكر يتزوج كان بحاول يبعدك عن تفكيرو لكن ما قدر وهو ماعمرو فكر يسألك انك تتزوجي الا لانك مره قلتي قدامو انك مابتفكري بزواج ولما مالقي البنت مناسبه الو حكالي يمكن هاد اشاره اني اصبر لشي الي بدي اياه

لكن ياريت تفكري لاني مارح القى لابني بنت انسب منك واقدر اطمن انو يكون بخير معها لو مابدك تتزوجي هلا على الاقل يخطبك وبعدين تتزوجو مو شرط زواج هلا
انا كل حياتي ابني وابني انا كل حياتو ومابدي يصير فيه شي لو انت قطعتي علاقتك معو وياريت لو مابدك ترتبطي فيه ماتقطعي علاقتك فيه وما تخلي كلامي هاد ومقابلتي الك تقطع علاقتك فيه وتنفرك منو وانا بتسنى منك رد في حال وافقتي اتصلي علي وما وافقتي بتمنى تكوني صديقتو على طول

انا بصراحه مو عارفه شو اعمل من بعد ما قابلتها لان اولا عيلتي بتهتم باصل الشخص متل ما قلت في البدايه هو مابعرف مين ابو بس موثق كل شي رسمي معو باسم ابو لكن ما بعرف تقبل عائلتي لهالموضوع وكيف رح فاتحهم فيه وكمان انو كل شي في غربي وما الو علاقه بالعرب مع ان اصلو عربي تاني شي انو لسا تفكيرو غربي ومابعرف ان كنت رح كون نموذج ممتاز يدعمو عشان الدين او لا وغير هيك انو كانت الو علاقة حب وقصص قبل ما يسلم فما بعرف انو هو فعلا صار انسان جديد وانولد من جديد زي ما بحكي او كيف بجد انا محتاره وبحس انو اصعب موقف مر علي بحياتي يعني امو كانت شوي وتبوس ايدي المهم ما اتركو وانا لسا فعلا مابفكر بزواج وخايفه من امور كتير ياريت تساعدوني ودلوني كيف ابدا



>>>>> ردود الأعضـــــــــــــــــــاء على الموضوع <<<<<
==================================


يا اختي استخيري

وحاولي تفتحين الموضوع بهدوء مع اهلك

ولا تنسين كل شئ قسمة ونصيب بس لا تنسين مستحيل تلاقين شخص يحبك هل كثر

موفقة

رفع


__________________________________________________ __________

نفس راي الاخت ( حرق قلبي)
استخيري اول شي والله يسهل عيك دروبك
بس يكو بعلمك انه ف الاسلام مافي شي اسمه بنت تصاحب شاب حتى لو م كان بينهم قصة حب ... البنت لازم م تكلم اي شاب مب محرمها الا لضرورة قصوى والله اعلم


__________________________________________________ __________

تكلمي مع أمك وفهميها كل شي عنه واستخيري نفس ما قالو الأخوات

بس من رأيي لا تستعجلين يعني هو بعده ما يعرف أشياء كثيرة عن الإسلام

يحتاج وكت عشان يتأكد من نفسه اذا كان بيكمل ولا بيتراجع

عطيه وكت واعطي نفسك بعد وكت عشان لا تندمين على شي

ربي يوفقك ويسعدك


__________________________________________________ __________

بس انتي ما حكيتي عن شعورك اتجاهه و براي رجل غربي مسلم افضل من رجل عربي اهم شيء الإسلام مو العروبة والله ينور دربك


__________________________________________________ __________

يفيدوك البنات