عنوان الموضوع : فسرو لي ..ضايق خلقي. مجابة
مقدم من طرف منتديات نساء الجزائر

فسرو لي ..ضايق خلقي.



بدخل في الموضوع على طول..
انا جامعيه عمري 22 .من عائله محافظه اهلي ماشاء الله ماهم مقصرين عليه بشي الحمدلله. بس ابغاكم تفسرون لي اللي يسوونه اهلي وش هو

فيه ناس جو خطبو اختي اللي اصغر مني هي ثالث ثانوي..واهلي رفضو الرجال بحجة انه عمره 29 ..قالت ام الولدولدي يبغى وحده قمر ومانبغى الا بنتكم فلانه حددت بالاسم...ولمن امي قالت البنت بتكمل دراستها ..ماتبغئ تتفشل الحرمه قالت ابغئ وحده متخرجه قالت امي بنتي اخر جامعه..وابوي يقول اش فيها الكبيره اللي هو "انا" ليش ماياخذونها..ويطالع فيني..زي كانهم عادي لو جاء ذا الرجال لي انا ولاختي لا..( وامي قالت والله ماارمي اختك عندهم ..الولد اكبر منها بكثير..سكتت انا وماتكلمت)

قبل فتره جونا ناس يتعرفون ويشوفونا هم بيخطبون لولدهم وامي مارضيت تدخل خواتي تقول والله مايتزوج اختك ودخلتني انا ولمن سئلوها الحريم قالو كم عندك بنت قالت بس ذي( تقصدني) ..وبنت صغيره.
ومعد ردو علينا.انا عارفه اني ماعجبتهم.

وقبل سنتين جاء واحد خطب اختي وابويه قال لاخوه الكبير ترى عندي بنت في الجامعه..انا قلت لابويه ليش تقول كذا الحريم عارفين اني انا الكبيره وهم يبغون اختي..فليش تفشلني .
ومره فتح ابويه طاري الزواج قلت خلاص ماابغئ اتزوج..قال تبغين تقعدين في حلقي..( يعني تعنسي عندي..كذا قصده)
بنات بجد انا تعبت ..وفضفضت لكم..احس اهلي يبغوني اتزوج بأي طريقه..والله تعبت اهلي يسوون كذا وانا ابين اني مو مهتمه
وكل ماجاء عرس ابويه يقول ايوه تصلحي يمكن حديخطبك..يقولها بجديه..
ويقولي اذا تخرجتي وتوظفتي والله ليجونك الخطاب..

بالله وش تفسرون ذا؟؟.
بليز بنات لحد يسب..

>>>>> ردود الأعضـــــــــــــــــــاء على الموضوع <<<<<
==================================


خايفين عليك يبغون مصلحتك ولابيكسرون خاطرك عشانك الكبيرة وتتزوج الصغيره
بس كذا غلطانين النصيب اذا جا للصغيره المفروض يزوجونها كثير الي اعرفهم لما تزوجت الصغيره
الكبيرة تزوجت بعدها الزواج قسمه ونصيب مو بالغصب
بس بالعموم هم خايفين على مصلحتك الله يوفقك ويرزقك بابن الحلال
الزواج والخطبة ماهو كل شي فالحياة وهذا تفكير مجتمعنا فقط


__________________________________________________ __________

حبيبتي ماكو احد بسب ليش بس لا سمح الله ؟!!!
انزين ندش في الموضوع
والله الصراحه بس يمكن لانه يحبج ويبالج الستر
-
وحبيبتي ابي انصحج لان في شيء ما عجبني فيج الصراحه
" قلتي انا عارفه اني ماعجبتهم "
لاتقولين كذا علي عمرج تدرين ليه ؟!
لان مافي انثي مو حلوه
كل انثي حلوووووه وجذابه بعد
بس في وحده ذكيه تعرف كيف تظهر حلوه بذكائها اخلاقها و لبقتها
وفي وحده مو واثقه من نفسها تبين اي شيء
عرفتي الفرق ؟!!!
عشان كذا لا تقولين كذا علي نفسك
كل الموضوع ان نصيبج مو يه للحين ,, انتي ذاكري وشدي حيلج والله بوفقج وبيرزقج الزوج الطيب الصالح ان شاءالله وتأكدي انج حلووووووووه بس ثقي في نفسج وشوفي الي ناقصج وعدليه
اهم شيء الثـــــــــــــــــــقه والباقي علي الله
والله يوفقج ان شاءالله
" اشوف ان احسن شيء تواجهي الوالد وتحجي معاه بهدوء وعبري له عن احراجج وهو يقول كذا
والله يوفقج ان شاءالله
ااااااااااميييييييييييين


__________________________________________________ __________

ما له غير تفسير واحد حبيبتي

" اهلك خايفين عليك ويريدون مصلحتك" وهذا شي اكيد ولا يعني ليش يريدون

يزوجونك.. ومعهم حق على أختك الي بالثانوية بعدها صغيرة و انتي أولى منها

لا تقهرين نفسك ولا تنزعجين اهلك يحبونك وخايفين عليك و يريدون يتطمنون عليك

ربي يوفقك ويسعدك


__________________________________________________ __________

حرام ليه يقطعوا نصيب آختك يمكن آذآ تزوجت آختك يجي نصيب وعلى كلام آهلك هم يبون يفرحون فيك الله يرزقك الزوج الصالح ويرزقني وكل بنت


__________________________________________________ __________

اهلج يبون مصلحتج ويمشون على عرف المجتمع ان الكبيرة اول تتزوج بعدين الصغيرة طبعا لانه مع الاسف وايد ناس في مجتمعنا ان سمعوا ان الصغيرة تزوجت والكبيرة للحين يطالعونها بنظرة شفقة ويقولون اكيد فيها عيب خلى اختها اللي اصغر منها تتزوج وهي بقت

لا تزعلين ولا يضيق خلقج والمرة الجاية ان جوكم خطاب اطلعي لهم بثقة ولا تفكرين هذا جاي لأختي كل وحدة بتاخذ نصيبها. الله يكتب لكم الخير