عنوان الموضوع : محتاره انصحوني الطبيب يجيب
مقدم من طرف منتديات نساء الجزائر

محتاره انصحوني



السلام عليكم
ما ابغى اطول عليكم
انا وزوجي ساكنين بالمدينه اللي هو يشتغل فيها وهذا هو الطبيعي
لكن ضروفنا تعبانه وماني قادره اعيش نفس كل المتزوجات بدري وانا اصلا لسى عروسه ماكملت سنه بس اللي يشوف شكلي كأني معاي اطفال
ماني قادره اصبغ واقص واهتم بشعري وحواجبي وبشرتي ولا حتى بلبسي ما اقدر اشتري بجايم زي كل الناس وعلى طول البس ارواز عشانها رخيصه انا اراعي ضروفه قد ما اقدر وما ابين اني تعبانه من هالوضع ابدا ، وهو اقترح علي اسكن عند اهله بمدينه ثانيه وكل جمعه وسبت يجي وبالتالي ضروفنا بتتحسن وبنرتاح من اجار الشقه ونصير نطلع نتمشى ونقعد كم يوم بمدينه شغله نستاجر فندق ويرجعني نهاية الاسبوع وكذا ونتسوق زي كل الناس
واهله كويسين والله بس مررره فضوليين وما احس اني اخذ راحتي عندهم يعني مافيه خصوصيه ابدا !
جلسنا عندهم فتره بداية الزواج ، مانقدر نطلع لوحدنا ونتمشى وماناكل لوحدنا ويبدون رايهم ويتدخلون بأشياء تخصني انا وزوجي وبس !
يعني مثلا مايحتاج تروحون تتمشون بالمدينه الفلانيه خلوها بعدين + وين بتروحون ؟ لحظه بنطلع معكم ؟ لا تجيب عشا من برى قومي سوي احسن طبخ البيت + غرفتي يدخلونها كأنها مقلط او مطبخ يعني عادي اي احد بالبيت يخشها يدور شاحن او يكلم فيها حتى اخوان زوجي طيب وين الخصوصيه ؟ << طبعا هالاشياء صارت بداية الزواج ايام كنا ندور ع شقه عند وضيفته
هو يشوفني ساكته ويحسب اني مبسوطه ومو حاسه بنقص كبير بس والله انا اسكت على شان ما اجرحه وما اضغط عليه بس والله تعبت من الفقر وابي اعيش نفس كل البنات وادلع نفسي
وبنفس الوقت متضايقه مره من تدخلات اهله بكل شي حتى وحنا ببيتنا هنا امه تدق تقول ايش سوت عشا ؟ لا يكون جايبين من برى << ادري انها تراعي ولدها بس من حقس والله اطلع واطلب من برى حتى لو ضروفنا تعبانه ، حتى اذا جو عندنا كل شي ببيتي يتغير كأني موب راعية البيت ترتيب البيت وحتى ترتيب مواعيني بالدولاب يتغير وطلبات البيت موب انا اطلبها هم احس نفسي ضيفه في بيتي إذا ج عندنا
ويشهد علي ربي اني احبه واحبهم وادري قلوبهم نضيفه وكويسن معاي بس ذا طبعهم
^^^^^
الزبده اقعد في بيتي بعيد عن الهم واخذ راحتي يحياتي الشخصيه وابقى اضغط ع نفسي عشان الماده ولا اروح اسكن عندهم وتتحسن ضروفنا كثير
؟؟؟؟؟
في امان الله
ودعواتكم ربي يرزقنا بالمال ويرزقنا بالبنون بعد

>>>>> ردود الأعضـــــــــــــــــــاء على الموضوع <<<<<
==================================


خليك مع زوجك افضل..ان شاء الله رح تتعدل احوالكم.
الله يوفقك..ويفرج عنك.


__________________________________________________ __________

يا أختي اذا زوجك طيب معاكي لا تتركيه عشان اهله
وبعدين ليش ساكته صارحيه بلطف وانك مو مرتاحه للوضع
واذا كان يضغط على نفسه عشانك راعي هالشي ممكن هو مو عارف باللي يدور حوالينه من اهله
والله يعينك وييسر أمورك


__________________________________________________ __________

لو رحتي وابتعدتو عن بعض يمكن يصير نقص وبعد وفراغ بينكم
والعكس محتاجك جنبه مشان يستانس وتشجعيه للامام وتكوني معه بوقت الشده
خليكي مع زوجك احسن ان شاء الله ظروفكم تتحسن


__________________________________________________ __________

كلام اﻷخوات سليم.خليكي مع زوجك أفضل واسألوا الله من فضله.أسأل الله أن ييسر أموركم.


__________________________________________________ __________

zawjek afdele lek hadi diya nassihti lek ta seaur ahlam merci