عنوان الموضوع : ابي اتزوج 💔💔 -لصحتك
مقدم من طرف منتديات نساء الجزائر

ابي اتزوج 💔💔



السلام عليكم

شخباركم خواتي وامهاتي ، عساكم بخير !..

بفضفض لكم شوي لان ما عندي حد افضفض له ، واصلا اتوقع انا هذا الموضوع عيب ان الوحده تفضفض فيه جدام أهلها 😢

انا بنت عمري 18 سنه ، مخلصه ثانويه والحين ادرس بالجامعه ، حالي حال اي بنت تبي تتزوج والله العظيم ابي اتزوج بس ما اقول ولا اتكلم ..

تخيلوا كل يوم وحده من صديقاتي تنخطب ، اللي ما توقعت انها تنخطب انخطبت والله يوفقها قسم بالله ما احسدها . واللي اصغر مني بالثانويه بدوا ينخطبون بس ليش انا ما انخطبت ؟ ليش محد طق بابنا بديت احس ان فيني نقص .

صدقوني بنات ان أخلاقي الكل يمدحها ، والكل يضرب المثل فيني ، وإذا تكلمنا عن الجمال ما امدح نفسي والله العظيم بس معروفه بملامحي .

تدرون شنو يمكن مشكلتي ، اني ما كلمت شباب . مشكلتي اني لين جيت اطلع من بيتنا ما اتعطر ولا اتمكيج . يمكن هاي مشكلتي ، لان كل اللي انخطبوا فيهم هذي الصفات ..

بتقولون توج صغيره وليش الهم وليش تتزوجين ، بس جد انا ابي اتزوج محد يحس فيني 😢😢😢

انا اكبر خواتي على فكره واكبر وحده بالعيله والكل يبي يفرح فيني ، بس وين سعيد الحظ اللي يسعدني واسعده ، قلبي واايد يعورني احس اني منبوذه لاني عمري ما انخطبت 😭😭

قولوا لي شنو اسوي ، تكفون عدوني اختكم الصغيره او بنتكم ، نصحوني مثل ما تنصحون صديقاتكم ، لو في شي اسويه عشان انخطب بسويه عادي عندي بس ابي اتزوج 😢😭😭💔

وبس ادعوا لي بالزوج الصالح اللي يحبني ويسعدني ويستر علي ويقدرني ربي اسعده 💕💖

>>>>> ردود الأعضـــــــــــــــــــاء على الموضوع <<<<<
==================================


اني بعد اريد اتزوج عمري 20 وماعندي دراسة بطلت ما صار نصيب اكمل من سنين وهسة كاعد ما انتضر شي غير الزواج
ياربي ارزقنا زوج صالح ياااارب


__________________________________________________ __________

الله يزوجكم جميعاً...يابنات ادعو الله ..والزمو الاستغفار..دمتن بودツ


__________________________________________________ __________

18 سنة ؟؟؟؟؟!!!!!!!!!!!!!!!!!
لاحول ولاقوة الا بالله


__________________________________________________ __________

المشاركة الأصلية كتبت بواسطة suzan 1
18 سنة ؟؟؟؟؟!!!!!!!!!!!!!!!!!
لاحول ولاقوة الا بالله

من جد؟؟


__________________________________________________ __________

المشاركة الأصلية كتبت بواسطة suzan 1
18 سنة ؟؟؟؟؟!!!!!!!!!!!!!!!!!
لاحول ولاقوة الا بالله

ي عمري البنت تبي تستقر في بيت زوجها مافيهاااا شي لو انتي مكانها أكيد راح تحسي موصح


ي صاحبة المشكلة الله يرزقكك الزوج الصالح ويرزقني ي رب