عنوان الموضوع : يارب تأخذ روحي وتريحني عاجلآ غير اجل يارب الطبيب يجيب
مقدم من طرف منتديات نساء الجزائر

يارب تأخذ روحي وتريحني عاجلآ غير اجل يارب



بنات والله مدري وش بقول ولا كيف بصف لكم ؟!!
بنات اقسم بالله العظيم من وانا عندي 10 سنوات يااهل ما شفت حنان ولا شيء حلو بأمي
اخترت 10 سنوات لاني حسيت بنفسي ابتديت اوعي وافتح علي الدنيا
بنات امي شخصيه مستفزه مستفزه مستفزه مستفزه مستفزه لابعد الحدوووووووود ما بتتوقعون لاي درجه هي مستفزه !!!
وربي العظيم حاولت وحاولت مليار مره اني اكسبها واكسب برها بس ما ينفع معاها شيء
لا كلمه حلوه ولا هديه ولا حتي اني ابرها واستملحها ما نفع معاها !!!

لمن كان عمري 17 او 18 سنه امي جات زعلانه وتبي تبكي من عمتي مقهوره منها انها ما تعاملها زين , جان انا اقوم واتهاوش معي عمتي عشان ما تعامل امي جذي ولازم تحترمها , يعني خسرت عمتي عشان امي وعمتي لليوم هي وباقي عماتي ما يحبوني بسبب اني وقفت مع امي ذيج المره !!!
عمتي ذي نفسها بيوم من ايام رمضان صحيت من النوم فجأه لقيتها في غرفه النوم الخاصه بأمي واصلآ ما كان في حد البيت غيري و الشغاله ,,,
المهم بليل حصلت مشكله بيني وبين عمتي وبناتها عشان دخلت غرفه النوم الخاصه ذاج اليوم والله ما بعرف اش سويت
تخيلون بناتها قاموا فيني طبعآ عشان امهم والكلام والحجي الي مب زين كان بلمسجات في الموبايل , كل ذا عشان امي بس
وصلت فيني الدرجه اني عايرت بنت عمتي بلعانس وتخيلوا وش صار ؟!!
اليوم امي عايرتني بلعانس !!!وانا عمري 22 سنه !!!!
احس ان الله بنتقم مني او ان الدنيا دوراه مثل ما تضحك علي الناس باجر بجي اليوم الي يضحكون عليك !!!!
بس صدقوني بوقت ما تشاجرت مع بنات عمتي والله احس نفسي مراهقه ما فكرت انا اش اسوي ولا انا ايش ابغي اسوي كل الكنت بفكر فيه ان امي مافي حد يعتدي علي خصوصياتها و لا يزعلها وتخيلوا لما عمتي تدش غرفت النوم وتفتح الدوالايب بعد !!!!
اليوم امي طعنتي ردت لي الكلمه الي قلتها بنت عمتي متخيلين معاي المنظر ؟!!!!
انا تخرجت من سنه و4 شهور وليوم اليوم ما تقدم لي احد وما انخطبت احس ان الله بعاقبني اني ذاج اليوم قلت لبنت عمتي عانس !!!!
وان بعد عقابي لاني عااااق بأمي
بس ولله العظيم امي ما بقدر استحملها بتدعي علي وبتعامل باقي اخواتي احسن مني
وكثييير بروح ببكي لها واقول لها امي اعفي مني ما بستحملج المره اليايه وابوس ريولها وماتمر اسبوع بلكثير الا تتهاوش معي واستحملها لين توصلني الحد وتقعد تصارخ وتدعي علي !!!!
الي معذبني اكثر شيء كلمه عانس الي قالتها لي !!!
يعني يابنات احس ان الله اخذ حق بنت عمتي مني والله العظيم ,,وامي الي تهاوشت ضدهم عشانها اليوم عايرتني !!!!
اخاف حياتي تتدمر بسببها تدعي علي وتكرهني وكل شيء يخطر علي بالكم صاير
وانا بعد بقيت بدعي عليها في جهها وبسبها بعد وما بحس انا وش قاعده اقول !!!!
اقسم بالله العظيم انا تعبت تعبت تعتب تعبت تعبت تعبت تعبت تعبت تعبت تعبت تعتب لابعد درجه ممكن تتخيلونها , بقي يجيني صداع لمن افكر في مشاكلي مع امي
كل الفي سني تزوجوا وانخطبوا وانا مافي حد قلي شيء !!!
اقسم بالله ودي ابرها بس مافي طريقه مره ثانيه هي كرهتني واليوم وصلت معاي لابعد حد لزتني وقالت لي كلام صعب اقوله هني
بتعاملني معامله سيئه لابعد درجه ممكن تخيلونها
بس انا بقيت ماقادره استحملها ما بقدر خلاص مليييت والله العظيم , واقسم بالله بقيت بكرهها كره موطبيعي !!!
حتي وقت الاكل ما بتندهه علي بأكل بروحي في الغرفه !!!
ولا حد يقولي انها مضغوطه او شيء لانو حنا الحمدلله مافي شيء يخليها تنضغط !!!
وابي بشتغل في دوله ثانيه وبس يعرف هو بعد بدعي علي الله يكفيني شره وشرها ان شاءالله !!!
صدقوني هي مع باقي اخواتي احلي ما يكون بس بستفز فيني انا !!!!
ارجوكم ادعولي الله يرزقني الزوج الصالح اخاف ما اتزوج ولا اشتغل بسببها
ادعولي الله يطلعني من البيت ولا حتي اموت بس ارتاح منها
ادعولي الله يأخذ روحي او اتزوج وقسمآ بالله لو مت اهون من العيشه معاها !!!!!

>>>>> ردود الأعضـــــــــــــــــــاء على الموضوع <<<<<
==================================


مايصير تدعي على نفسك كلنا كذا عندنا مشاكل لازم نصبر الله فووووووووق ي عمري ليش نسيتي صلي وتقربي لله واجعلي همك الاخره بس بنصحك بنصيحه مهمه كلن في هالدنيا همه نفسه وسعادة نفسو يعني تغاضي عن تصرفات أقاربك سوي نفسك غبية اضحك وانبسطي تذكري انهااا دنيا استغفري ربك على ذنوبك وعلى كلمة ي عانس وأمك لاتغضبيها كلنا بكذا نفعل الله يهدينا أوقات نسمع شي من أمهاتنا نسكت خلاص ونتناس مايصير نغضبها والاجرر عند الله بإذن الله بس من كلامك احسك متسرعه يعني ماتصبري على كلمه لازم تتحملي (تقربي لله وانسي العالم كله) والله يرزقك بالزوج الصالح والتقي


__________________________________________________ __________

الله يرزقك بالزوج الصالح
ولكن انصحك باغلى نصيحه
مهما تسوي وتدعي وووو
بريها..احسني لها...لا تردين
الكلمه بكلمه او الدعوه بدعوه
انتبهي لاتدعي عليك من قلبها
واذا قدرتي اجلسي معها لوحدكم
وافتحي لها قلبك..وشوفي اخواتك
كيف يعاملونها وسوي مثلهم..
لا تعاندينها ابددداا...انا اسمع
كثييير ان الامهات سبب لعقوق
الابناء لكن الله عطنا عقل نفكر
فيه حبيبتي الدنيا مليااااانه
مشاااااااكل وكل مشكله اصعب
من الثانيه وقد تكون مشكلتك اصعب
لانها عقوق واسهل لانها بر والدين
غيري اسلوبك معها نهائيا اجلسي
سولفي معها اطلبيها تطلع معك سوق
تقربي منها قد يكون ان امك عصبيه
وماتعرف تتعامل معك...اكسبي الجنه
اللي تحت رجولها ببرك لها....كلامي
لك مو معناته ان انتي الغلط وامك الصح
لا ياقلبي...يمكن امك غلطانه لكن هذي ام
اكسبي برها تشوفين التوفيق....اسال الله
ان يحنن قلبها عليك...وخلي لسانك حلو معها
ولو غلطت عليك نزلي نظرك بالارض واسكتي
لا تردين عليها بسب او دعاء عليها...


__________________________________________________ __________

نصيحه مني ماراح تحسي بقيمة امك الا بعد الزواج لاننا قبل الزواج نتخيل ان الزوج راح يملي حياتنه ونتهنا لكن ننصدم ان الزوج راح يملي حياتنه هموم ومسؤوليات وخوف ومالنا حدا نرتاح ونخفف شوي من حملنا غير الام انتي لساتك صغيره موفاهمه بلاوي الحياة عدل ومشكلتك واضحه هي اسلوبك بالتعامل موحلو والغيره الزائده عن حدها من اخواتك وغيرهم


__________________________________________________ __________

لاتدعي على نفسك لانه بتاخذي ذنب على الدعاء
استغفري وادعي بااوقات الاستجابه


__________________________________________________ __________

للاسف احنا ما نختار والدينا لذئ احنا مجبورين نستحملهم و الله امرنا نبرهم و الله يعينك حبيبتي