عنوان الموضوع : اعاني من تركيزي وحفظي للاماكن -لصحتك
مقدم من طرف منتديات نساء الجزائر

اعاني من تركيزي وحفظي للاماكن



السلام عليكم بنات
متأزمه نفسيتي ومتضايقه لاني ماصرت استوعب ولااقدر اركز بشي..وصف البيت او اي وصف لطريق ماعرف مرات احدد المكان بالخريطه واضيع بعد المهم هذا شي يمكن عادي لانه فيه ناس يعانون من هالشي لكن اذا طلعت مع اهلي منتزه والا حديقه ورحت دورة المياه الله يكرمكم ورجعت اضيع مكان اهلي المشكله قريب واجلس ادور عليه مدري كيف والحين بالجامعه معتمده على صديقاتي هم يعلموني الاماكن وانا ابي اعتمد على نفسي واصير فاهمه وعارفه كل ششي حتى الواجبات مااستوعبها اذا قالتها الدكتوره لازم يعيدونها صديقاتي 3 مرات عشان استوعب وش المطلوب تخيلو يابنات مره فاتني اختبار لان الدكتوره هنديه وماركزت معها و وقتها كنت مستجده ماعرف احد..مدري يمكن انا مااستوعب لاني معتمده على اهلي من يوم انا صغيره بس كنت اهون عالاقل مااضيع الاماكن القريبه..الحين كل شي اضيعه والا من ضرب ابوي وانا صغيره أثر على دماغي لان ابوي كان يفجعني يمشي بدون صوت ولاحس وفجأه يطلع ويصرخ ويضربني على وجهي والا مرات يقومني من النوم وهو يسحبني بشعري يعني ضرب ورعب بعد من كثر ماضربني صرت اخاف من كل شي ومرات يمغصني بطني من كثر الخوف..انا يابنات ذكيه و متأكده من هالشي بس ماقدر اركز والحين بالمحاضرات اسجل بجوالي وارجع البيت اسمع مره او مرتين ومرات يطلع. فهمي غلط،، والله يابنات اعاني بشكل لدرجة مرات احس فيه اعاقه بعقلي، ،والا الناس يحسبوني ادلع اذا فهيت مادرو اني احس بالغباا ء..بنات ابي اروح دكتور مخ واعصاب بس متخوفه من هالفكره اذا ماطلع مرضي وصار نفسي عادي اروح دكتور بعد بس الخوف اللي جواتي مانعني ولااعرف بعد تكاليف المستشفى..ساعدوني بنصاييحكم الله يرضى عليكم ويسعدكم.

>>>>> ردود الأعضـــــــــــــــــــاء على الموضوع <<<<<
==================================


ما قهرني الا ابوك.. الله يهديه


__________________________________________________ __________

اتوقع اللي عندج حالة نفسية
حاولي تمارسين بعض تمارين الدماغ وهي ببساطة العاب عقلية تزيد التركيز، مثلا الالعاب اللي تخليج تدورين على شي ضايع او العاب الmatching يعني صورة وتلاقين اللي تشبهها، يمكن تقولين العاب اطفال بس والله جدا مفيدة.
الشي المهم بعد انج لازم تكتشفين نوع ذاكرتج، يعني انا مثلا ذاكرتي "صوتية"، يعني اذا سمعت شي احفظه اكثر من اني اكتبه على ورقة او اقراه عشان جذي كنت اعاني بالدراسة ما كنت اقدر احفظ الا اني اقرا الكلام كأني اسمع لنفسي عشان استوعب واوقات كنت ادخل الامتحان اعتمادا على شرح المدرسة لاني من افتح الكتاب وادرس احس المعلومات ما تثبت مثل الشرح، في ناس ذاكرتهم "كتابية" يعني ما يحفظون الشي الا اذا كتبوه جدامهم، وفي ناس ذاكرتهم "صورية" يعني عندهم القدرة على حفظ الصور والوجوه بشكل افضل.
انتي لاحظي نفسج متى تركز المعلومة عندج اكثر؟ وبعدين حاولي تخففين من اعتمادج على صديقاتج يعني ضيعي مرة مرتين المرة الثالثة اكيد بتحفظين المكان، والمحاضرات لا تسجلينها بهالطريقة مخج يتعود انج لو مافهمتي بالمحاضرة التسجيل موجود فتركيزج يقل. حاولي تسجلين ملاحظات تذكرج بالمحاضرة، يعني من المدرس يقول كلمة مهمة سجليها عشان تذكرج بباقي الاشياء.
ان شاء الله اكون افدتج.


__________________________________________________ __________

روحي لأخصائي المخ والاعصاب


__________________________________________________ __________

آنآ بعد آحيآن آضيع


__________________________________________________ __________