عنوان الموضوع : ايش الحل مع اخواني وزوجاتهم
مقدم من طرف منتديات نساء الجزائر

ايش الحل مع اخواني وزوجاتهم



لسلام عليكم ورحمة الله
راح احكي لكم معاناتي وياليت قبل تقرونها تعيشون الوضع معاي طويله صح بس علشان لاتقولون مشكله مبهمه وغير واضحه

انا اصغر وحدة بالعيله وعندي 9 اخوان و 3خوات كلهم متزوجين
عمري 28 السالفه ومافيها ان اخواني كانوا بعيدين عنا كلهم وكانا مرتاحين يجتمعون عندنا بالاعياد ويازينها جمعه بس جا نقلهم جميعا بالتدرج الى مدينتنا وطبيعي اشتروا بيوت قريبه جدا من بيتنا وهنا تكمن الكارثه
انا تعبت منهم ومن عيالهم ناس ماتحس ولاتستحي
كل يوم من بعد صلاة العصر مقابليني هم وخواتي ومايروحون. الا العشا زوجات اخواني بيوتهم قريبه من بيتنا يروحون ويجون وحده تجينا الصباح ووحده العصر ووحده بالليل واحيانا يتفقونو يجون مع بعض يدرعمون كذا بدون لا احم ولادستور وكل وحدة منهم عندها اقل شي ولدين وبيتنا مكون من ثلاث غرف ومطبخ وحمامين اجلكم الله والباب ماينقفل علشان اخواني وعيالهم يدخلون بدون اذن عند امي وابوي هذا قانوننا في العيله
ولكم ان تتخيلوا بيتنا كيف يصير كل يوم مع هالزحمه

مسكت خواتي وكلمتهم على بلاطه قلت لهم ماينفع كذا مقابلين وجيهكم كل يوم مايصير كل وحدة مقتشه عيالها وجايه تسوي زحمه ببيتنا اللي تقل علبة كبريت البيت صغير ومع جمعتكم انتم وحريم اخواني والله يصير كأنه ملاهي .. سووا نظام لزياراتكم
خلوا لكم زيارة يوم في الاسبوع
استجابوا خواتي لمطالبي وخصصوا يوم في الاسبوع يجون
بس ابتلشت بحريم اخواني ... والله العظيم
مايستحون ولافيهم حيا كلمتهم بهدوء وتفاهم
ان المفروض تحددون لكم يوم في الاسبوع
وتجونا فيه زياره.اما كل يوم كذا ماينفع بيتنا صغير
ولا يتحمل كل هالزحمه

بعدها تفاجات بخوي الكبير يجي يقول لي وينافخ علي ويقول هذا البيت الكبير بيت ابوي زي ماهو بيت.ابوك اجي انا وعيالي متى مانبغى ونروح مت مانبغى الا اذا طردنا ابوي
وهذا اللي صار مافاد فيهم الكلام تعبت تعذبت من يوم نقلوا قسم بالله موب عيشه
واذا خلصت منهم ما اخلص من عيالهم
[ اذا راحوا السوق عندي واذا راحوا زياره عندي
واذا انقلعوا لاي مكان ماياخذون عيالهم ]
المهم قبل كم شهر اخوي هو نفسه الكبير عمره تقريبا 44 جاب عياله السته قال بروح اودي العيال السوق خلي العيال هنا مابنطول قلت الله يوفقك خذهم معاك ولا وديهم لاخوات زوجتك ولاوديهم لوحدة من خواتي
عندي اختبار شهري وابغى اذاكر
قال انا ماطلبت منك تهتمين فيهم خليهم ببيت ابوي يسرحون ويمرحون
سكت وبلعت الغصه وخليتهم يسرحون ويمرحون وبعد ماذلفوا رتبت البيت وذاكرت

والله تعبت منهم يتعازمون عندنا بالبيت
اخوي فلان يعزم خالاتي وعماتي عندنا تحت مسمى البيت الكبير .. اخوي الثاني يعزم خواتي وعيالهم في البيت الكبير حتى لو ترقى واحد من اخواني او سوى عقيقه لاحد اولاده في البيت الكبير حريمهم بكل وقاحه يعزمون الحريم ويقولون حياكم الله نبغى زيارتكم في البيت الكبير
تعبت وتعذبت من هالعيشه وانكرفت كرف موب صاحي
وامي وابوي لو قلت لهم ضفوا عيالكم عني اسمع كلمتهم المعتاده ( عيالنا وش تبينا نطردهم ) بالعكس يتشققون من الفرح في وقت اجتماعاتهم
حتى زعلوا علي لمن طردت خواتي
طلبت منهم يجيبون شغاله تساعدني رفضوا بحكم مايجي من وراها الا المصايب وميزانيتنا ماتكفي واخوانك عندهم ديون .. يارب صبرني بس

المهم قبل فتره انخطبت لشخص مطلق وعنده ولد وبنت وانا والله من عادتي اذا استخرت وما ارتحت للشخص يطلع فيه عيوب وارفضه على طول يا يسألون عنه اخواني ويذمونه الناس واقاربه يا يكون مدخن او فيه اي بليه ثانيه
بس هذا استخرت وما ارتحت وسألو عنه اخواني بس ماطلع فيه عيوب بالعكس يمدحون في اخلاقه الناس
وانه بار بامه وابوه وعندة بيت ملك ومكتب عقار وموضف عسكري يعني رجل كفؤ قايم بنفسه
وافقت وتمت الشوفه وانا ماني مرتاحه بس قلت يمكن لان عنده اولاد علشان كذا خايفه
بعدها صارت اخته تتواصل معاي
علشان الاثاث والوان البويه وغيرها فطفش هو من كثر ما يرسل لاخته قال اطلبيها رقمها علشان اخذ رأيها واتس والله ما اكلمها ولاتسمع صوتي
بعد معارضه وافقت وصار بيننا واتس فقط يرسل لي صور واختار.وحدة
اللي صار انه ارسل لي قال دوري لنا فندق علشان نقضي فيه ليله الدخله علشان البيت ما اظن يخلص الا بعد الزواج
دورت فندق ولقيت واحد حبيت اخبره علشان يحجز
بس لقيت خدمتي مخلصه فاخدت جوال اختي وارسلت له هالكلام
لقيت فندق الليله بـ الف ريال
قام ارسل لي اححح اوه وكلمات غريبه
مارديت عليه قام قال ملوكتي وحشتيني بموت من شهوتي من غيرك
ارسل له فيسات لاني ما اعرف وش سالفته ولا اعرف وش اقول
المهم قال ادري زعلتك بس رفعتي السعر مره وحدة
وانا من زباينك القدامى انا اسف وان شاء الله الطقم والاربعه الاف تكون عندك
بس جهزي لي نفسك ابغاك بعد صلاه المغرب نبغاها ليله صباحي عطيني اسم الفندق
قمت ارسلت له اسم الفندق اللي لقيته قال ممتاز يعني اليوم فاضيه لي منتي محجوزه
قمت قلت له الا محجوزه
قال متى بتكوني فاضيه انا تعبان قلت له قريب
قال دبري لي اليوم ولابكره وحده تعرف الـ .... والمبلغ يكون بحسابك بعد السهره
ماقدرت اكمل الكلام من القرف قفلت الجهاز واخذت الشريحه وكسرتها
كلمت اختي بالي صار قالت مالك الا اللي يفكك منه والحمدلله ربي انقذني منه وماتصدقون والله كرهت طاري الرجال من بعده هذا ربي فضح امره لي
بس اخاف من المرات الجايه تطيح الفاس بالراس

بعد هالموضوع اللي صار احس اني صرت عصبيه زياده عن اللزوم حتى امي وابوي اتهاوش وانافخ فيهم حتى الابتسامه ماعاد تطلع الا في الجامعه مع صاحباتي واذا رجعت البيت يبداء الهواش مع امي وابوي وعيال اخواني وزوجات اخواني مع الكل والله احاول اكون طبيعيه بس ماش كل مالحالتي تسوء
حتى افكر احيان اني احرق البيت علشان اخلص من كابوس بيت ابوي والبيت الكبير
ووالله اني من كره اخواني وحريمهم كرهت حتى امي وابوي ماعاد اطيق اجلس معاهم
ولا اطيق مقابلتهم ... انعزلت عن العالم من كثر القهر

قبل اسبوع مرضت ورحت المستشفى وقالوا عندي قولون عصبي وقال لي الدكتور لازم تبعدين عن الظغوطات النفسيه ... كيف ابعد بالله وهذا وضعي لا ام ولا اب حسوا فيني
ماتتخيلون قد ايش زادت ازمتي
واظلمت الدنيا بوجهي وصرت كارهه الحياه
دبروني وش اسوي يا اخواني وخواتي عطوني حلول
ماعاد انا طايقه الدنيا باللي فيها
هالمرض تعرفون عنه شي ممكن اني اتعالج منه
طيب بيأثر علي في المستقبل
طيب ابغى احس بالاستقرار ابغى اعيش بهدوء وراحه في بيتنا
والله ما ادري وش اسوي بعمري طفشت مليت حسبي الله ونعم الوكيل

والاهم من هذا كله ابغى دعوه منكم لعل الله يفرج همي

>>>>> ردود الأعضـــــــــــــــــــاء على الموضوع <<<<<
==================================


رفع


لااله الا انت سبحانك اني كنت من الظالمين


__________________________________________________ __________

يااااااارررب يكون معاكك
اسمعي وانا اختك مالك الا تنفجرين ف اخوانك وحريمهم
ياانهم يراعون البيت مافيه خدامه والا يضفون عيالهم ولايجون الا كل جمعه بس
سلامات وين احنا
كويس انك صبرتي انا لومنك انفجر فيهم وازبد لهم ماعليا ف احد
اقل شئ طيب اذا مرا يحبون امهم وابوهم يتشاركون ويجيبون خدامة تكرف لهم
شئ والله
والي خطبك وانقلع خليه ف ستين داهيه احسن انك كشفتيه ماتوهقت معاه


__________________________________________________ __________

حبيبتِي ، حريم أخوانگ و خواتگ أهلاً وسهلاً
لگن لازم تگلمين آخوانگ او أهلگ أو حتى حريم أخوانگ يجون يوم أو يومين بالأسبوع ..
و حبيبتِي مو مجبورة تشتغلين بالبيت .. أنتِ الصغيرة و الشغل كله عليگ ، ما أحد له حگم عليگ الا أمگ و أبوگ .. تقدرين تسـاعدين أمگ و تنفذين أوامرهـا بـس مو معناها الشغل گله عليگ ..! و الخادمة هذي قصة لا نهاية لها لا تجيبين سيرتها أبد الله يگـافينا شر بعضهم ..
و بآلنسبة لخطيبگ أرفضيـه و گلمي أمگ او اخواتگ بالسبب و أنگ مـا تبين تورطين نفسگ بـ شخص مثل هذا .. و نصيبگ بيـد رب العالمين اللي بيعوضگ باللي أحسن منـه



__________________________________________________ __________

ياقلبي عليك وضعك مره صعب بصراحه وهم بعد مايحسون


__________________________________________________ __________

الله يصبرككك ويصبرنا
مالك الا أذ جاو ماتعطينهم وجه واجلسي بالغرفة اما اذ جلستي عندهم بتزينن لهم الجلسة واذ راحوو لاتنظفين ولاشيء خلي المكان وسخخخ الى مايحس يحسس الله يوفقكك ويفرجج عليكك وعلي...
خلية يوم يومين 3 ايام